Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVIII.
1 And it was doon, whanne Dauid `hadde
endid to speke to Saul, the soule of Jonathas
was glued note togidre to the soule of
Dauid, and Jonathas louyde hym as his
owne soule.
2 And Saul took Dauid in
that dai, and grauntide not `to hym,
`that he schulde turne a&yogh;en in to `the
hows of his fadir.
3 Forsothe Jonathas
and Dauid maden boond of pees, `that is,
swerynge euerlastynge frenschip; for
Jonathas louyde Dauid as his owne soule;
4 for whi Jonathas dispuylide him silf fro
the coote `in which he was clothid, and
&yogh;af it to Dauid, and hise othere clothis,
`til to his swerd and bouwe, and `til to
-- --
the girdil.
5 Also Dauid &yogh;ede out to alle
thingis, to what euer thingis Saul `hadde
sent hym, and he gouernede hym silf
prudentli; and Saul settide hym ouer the
men of batel, and `he was acceptid, `ether
plesaunt, in the i&yogh;en of al the puple,
and moost in the si&yogh;t of `the seruauntis of
Saul.
6 Forsothe whanne Dauid turnede
a&yogh;en, whanne `the Filistei was slayn, and
bar the heed of `the Filistei in to Jerusalem,
wymmen &yogh;eden out of alle the
citees of Israel, and sungen, and ledden
queris, a&yogh;ens the comyng of king Saul, in
tympans of gladnesse, and in trumpis.
7 And the wymmen sungen, pleiynge, and
seiynge, Saul smoot a thousynde, and
Dauid smoot ten thousynde.
8 Saul was
wrooth greetli, and this word displeside
`in his i&yogh;en; and he seide, Thei &yogh;auen
ten thousynde to Dauid, and `thei &yogh;auen
a thousynde to me; what leeueth to hym,
no but the rewme aloone?
9 Therfor Saul
bihelde Dauid not with `ri&yogh;tful i&yogh;en, `fro
that dai and afterward.
10 Sotheli aftir
the tother dai a wickid spirit of God
asailide Saul, and he propheciede note in the
myddis of his hows.
11 Forsothe Dauid
harpide with his hond, as bi alle daies;
and Saul helde a spere, and caste it, and
gesside that he my&yogh;te prene Dauid with
the wal, that is, perse with the spere, so
that it schulde passe til to the wal; and
Dauid bowide `fro his face the secounde
tyme.
12 And Saul dredde Dauid, for the
Lord was with hym, and hadde go awei
fro him silf.
13 Therfor Saul remouide
Dauid fro hym silf, and made hym tribune note
on a thousynde men; and Dauid
&yogh;ede out and entride in `the si&yogh;t of the
puple.
14 And Dauid dide warli in alle hise
weies, and the Lord was with hym;
15 and
-- --
so Saul si&yogh; that Dauid was ful prudent,
and he bigan to be war of Dauid.
16 Forsothe
al Israel and Juda louyden Dauid;
for he entride and &yogh;ede out bifor hem.
17 And Saul seide to Dauid, Lo! `my more
dou&yogh;tir Merob, Y schal &yogh;iue her wijf to
thee; oneli be thou a strong man, and
fi&yogh;te thou the `batels of the Lord. Forsothe
Saul `arettide, and seide, Myn
hond be not in hym, but the hond of
Filisteis be on hym.
18 Sotheli Dauid seide
to Saul, Who am Y, ether what is my lijf,
ether the meynee of my fadir in Israel,
that Y be maad the `sone in lawe of the
kyng?
19 Forsothe the tyme `was maad
whanne Merob, the dou&yogh;ter of Saul, `ou&yogh;te
to be &yogh;ouun to Dauid, sche was &yogh;ouun
wijf to Hadriel Molatite.
20 Forsothe Dauid
louide Mychol, the dou&yogh;tir of Saul; and it
was teld to Saul, and it pleside hym.
21 And
Saul seide, Y schal &yogh;yue hir to hym, that
it be to hym in to sclaundir, and the hond
of Filisteis be on hym. Therfor Saul
seide to Dauid, In `twei dou&yogh;tris note thou
schalt be my sone in lawe to dai.
22 And
Saul comaundide to hise seruauntis, Speke
&yogh;e to Dauid, while it `is hid fro me, and
seie &yogh;e, Lo! thou plesist the king, and
alle hise seruauntis louen thee; now therfor
be thou hosebonde of the `dou&yogh;tir of
the kyng.
23 And the seruauntis of Saul
spaken alle these wordis in the eeris of Dauid.
And Dauid seide, Whether it semeth
litil to &yogh;ou `to be sone in lawe of the
kyng? Forsothe Y am a pore man, and
a feble.
24 And the seruauntis telden to Saul,
and seiden, Dauid spak siche wordis.
25 Sotheli
Saul seide, Thus speke &yogh;e to Dauid,
The kyng hath no nede to &yogh;iftis for spowsails note,
no but onely to an hundrid prepucies,
`that is, mennus &yogh;erdis vncircumcidid,
`of Filisteis, that veniaunce be
maad of the kyngis enemyes. Certis Saul
-- --
thou&yogh;te to bitake Dauid in to the hondis
of Filisteis.
26 And whanne the seruauntis
of Saul hadden teld to Dauid the wordis,
whiche Saul hadde seid, the word pleside
`in the i&yogh;en of Dauid, that he schulde be
maad the kyngis son in lawe.
27 And aftir
a fewe daies Dauid roos, and &yogh;ede in to
Acharon, with the men that weren with
hym, and he killide of Filisteis twei hundrid
men; and brou&yogh;te `the prepucies of
hem, and noumbride tho to the kyng,
that he schulde be the kyngis sone in
lawe. And so Saul &yogh;af Mycol, his dou&yogh;ter,
wiif to hym.
28 And Saul si&yogh;, and vndirstood,
that the Lord was with Dauid.
29 Forsothe Mychol, `the dou&yogh;ter of Saul,
louide Dauid, and Saul bigan more to drede
Dauid; and Saul was maad enemye to
Dauid in alle daies.
30 And the princes of
Filisteis &yogh;eden out; forsothe fro the bigynnyng
of her goyng out Dauyd bar
hym silf more warli than alle the men
of Saul; and the name of Dauid was
maad ful solempne.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
