Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XII.
1 Loo! forsothe in Effraym is sprongun
a debate; forsothe the goers a&yogh;en the
north seiden to Jeptee, Whi goynge to
the fi&yogh;t a&yogh;ens the sones of Amon thou
woldist not clepe vs, that we wenten
with thee? Therfor we shulen brenne
thin hows.
2 To whom he answerde, An
hydows debate was to me and my puple
a&yogh;en the sones of Amon, and &yogh;ow Y
clepyde, for &yogh;e shulden &yogh;yue help to me,
and &yogh;e wolden not doon.
3 The which
biholdynge Y putte in myn hondis my
lijf; and Y passide to the sones of Amon,
and the Lord took hem into myn hoondis;
what haue Y disserued, that a&yogh;ens me &yogh;e
rysen into batayl?
4 And so clepid to him
alle the men of Galaad, he fau&yogh;t a&yogh;ens
Effraym; and the men of Galaad smyten
Effraym; for he seide, Fugitiue is Galaad
fro Effraym, and dwellith in mydil of
Effraym and Manasse.
5 And Galadites
men occupiden the forthis of Jordan, bi
whiche Effraym was for to turne a&yogh;en.
And whanne a man of the noumbre of
Effraym fleynge was comyn to tho
-- --
fordis, and hadde seyde, Y preye, that
&yogh;e leten me passe; Galaaditis seiden to
hym, Whether art thou an Effrate? The
which seiynge,
6 Y am not, thei askiden
hym, Seye thanne Sebolech, that is to
mene, an eere. The which answerde,
Shebolech, bi the same lettre an eere not
my&yogh;ti to bryngen out. And anoon takyn
thei kyttiden his throot in that goynge
ouer Jordan; and there fellen in that
tyme of Effraym two and fourti thowsandis.
7 And so Jeptee demyde Galaadites
of Yrael sexe &yogh;eer; and he is deed,
and biryed in his citee of Galaad.
8 After
this demyde Yrael Abethsan of Bethleem,
that hadde thretti sones,
9 and so
feele dou&yogh;tris, the whiche sendynge out
to housbondis he &yogh;af, and of the same
noumbre to his sones he took wyues,
bryngynge yn to his hows; the which
seuen &yogh;eer demyde Yrael,
10 deed, and byryed
in Bethlem.
11 To whom cam aftir
Degelon Zabulonyt, and demyde Yrael
ten &yogh;eer,
12 and is deed, and byried in Zabulon.
13 After hym demyde Yrael Abdom,
the sone of Elel, Pharatonyt;
14 the which
hadde fourty sones, and thretti of hem
sones sones, stiynge vp vpon seuenti
coltis of assis, and he demyde Yrael ei&yogh;t
&yogh;eer;
15 and he is deed, and biried in Pharaton,
the loond of Effraym, in the hil of
Amalech.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|