Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
1 The eldre man to Gayus, moost dere,
whom I loue in treuthe.
2 `Moost dere, of
alle thingis I make preyer, thee for to
entre, and fare welsumly, as thi soule
doth welsumly.
3 I ioyede ful greetly,
britheren comynge, and witnessyng
beringe to thi treuthe, as thou walkist
in treuthe.
4 I haue not more grace of thes
thingis, than that I here my sones for to
walke in treuthe.
5 Moost dere, thou doist
feithfully, what euer thou werchist in to
britheren, and this thing in to pilgrimys,
6 whiche &yogh;elden witnessing to thi charite in
si&yogh;t of the chirche; whom thou `wel
doyng ledist forth worthily to God.
7 Sotheli
for his name `thei wenten forth,
`nothing takinge of hethen men.
8 Therfore
we owen for to receyue siche manere
men, that we be euene werchers of treuthe.
9 I `shulde haue write perauenture to the
chirche, but this Diotropis, that loueth
for to bere primacye in hem, receyueth
not us.
10 For this thing, if I shal come, I
shal moneste his werkes, whiche he doith,
`garringe, or chidinge, `in to us with yuele
wordis. And as thes thinges suffisen not
to him, nether he receyueth britheren,
-- --
and forbedith hem that receyuen, and
castith out of the chirche.
11 Moost dere,
nyle thou sue yuel thing, but `that that
is good thing. He that doith wel, is of
God; he that doith yuel, seeth `him not.
12 Witnessing is &yogh;olde to Demetrie of alle
men, and of treuthe it silf; but and we
beren witnessing, and thou `hast knowun,
for oure witnessing is trewe.
13 I hadde
many thinges for to wrijte to thee, but Y
wolde not wrijte to thee bi ynke and
penne.
14 Forsothe I hope anoon for to see
thee, and we shulen speke mouth to mouth.
Pees to thee. Frendes greten thee wel.
Grete thou wel frendes bi name.
Here endith the thridde epistle of Joon,
and here bigynneth the pistle of Judas,
the brother of James.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
