28   Forsoth aftir this dom, so and Crist was offrid onys, for to auoyde the synnes of many men; the secunde tyme he schal appere withoute synne to men abydinge him into the heelthe `of hem by feith. 1   Forsoth the lawe hauynge schadowe of goodis to comynge, not `the ilke ymage of thingis, `by alle &yogh;eeris by the ilke same oostis, whiche `thei offren withoute ceessinge, `neuere may make men `comynge ny&yogh; perfyt; 2   ellis thei schulden haue ceessid for to be offrid, therfore that the worschipers clensid oonys, hadden no conscience of synne ferthermore. 3   But in hem mynde of synnes is maad by alle &yogh;eeris. 4   Forsoth it is ynpossible synnes for to be don awey by blood of bolis, and buckis of geet. 5   Therfore he entrynge into the world, seith, Thou woldist not `an oost, `or sacrifice, and offring; forsoth thou hast shapyn a body to me; 6   and brent sacrificis for synne pleside not to thee. 7   Thanne I seyde, Loo! I come; in the heed, `or bigynnyng, of the book it is writyn of me, that I do thi wille.

8   He `seying aboue, `or bifore, For thou woldist not oostis, and offringis, and brent sacrificis, and for synne, ne tho thingis ben plesaunt to thee, `the whiche ben offrid vp the lawe, thanne I seide, Lo! 9   I come, that I do thi wille, God. He doith awey the firste, that he make the secunde. 10   In which wil we ben halewid by the offring of the body of Crist Jhesu oonys. 11   And sothli ech prest is redy `ech day mynystringe, `and ofte tymes offringe the same oostis, `the whiche mown neuere do a wey synnes. 12   Forsoth this man offringe an oost for synnes, for euermore sittith on the ri&yogh;thalf of God the fadir; 13   fro thennis forth abidynge, til his enemyes ben put a stool of his feet. 14   Sothli by oon offryng he endide for euermore halowide men. 15   Forsoth and the Hooly Gost witnessith to vs; forsoth aftirward he seide, 16   Forsoth this is the testament, `the which I schal witnesse to hem aftir tho dayes, `the Lord seith, in &yogh;yuynge my lawis in the hertis of hem, and in the soulis of hem I schal aboue wryte hem; 17   and now I schal no more thenke on the synnes and wickidnessis of hem. 18   Forsothe where `is remissioun of these, now non offring for synne. 19   `And so, britheren, hauynge trist into the entring of seyntis in the blood of Crist, 20   `the which he halowide to vs a new wey, and lyuyng bi a veyl, `or keuering, that is to seye, his fleisch, 21   and the greet prest on the hous of God, 22   go we to with verri herte into the plente of feith; we spreynt the hertis fro yuel conscience, and waischyn the body with clene watir, 23   holde the confessioun

of oure hope vnbowynge, `or that may not be foldyn; forsoth he is trewe that `bihi&yogh;te a&yogh;en. 24   And biholde we `in to gidere in the stiringe of charite and of goode werkis; 25   not forsakynge oure gederinge to gidere, as it is of custom to sum men, but comfortinge, and by so moche the more, by how moche &yogh;e schulen se the day nei&yogh;inge. 26   Forsoth to vs synnynge wilfully, aftir the knowyng of treuthe takun, `now an oost for synnes is not left. 27   For whi sum abyding of doom is dredful, and the suyng of fyer, the which is to waastynge aduersaries. 28   Ony man makynge voyde, `or brekinge, the lawe of Moyses, deieth with outen ony mercy, by tweyne or thre witnessis; how moche more gessen &yogh;e, 29   him for to disserue worse turmentis, `the which `schal defoule the sone of God, and schal leede, `or holde, the blood of the testament polute, in `the which he is halewid, and `schal do wrong, `or dispit, to the spirit of grace? 30   Sotheli we witen hym that seide, To me veniaunce, and I schal &yogh;elde. And eft, For the Lord schal deme his peple. 31   It is feerful for to falle into hondis of `God lyuynge. 32   Forsoth haue &yogh;e mynde on the formere dayes, in the whiche &yogh;e li&yogh;tned susteyneden greet stryf, `or fi&yogh;t, of passiouns. 33   And sothly in `that other &yogh;e maad a spectacle bi schenschips and tribulaciouns; in the tothir forsothe &yogh;e ben maad felowis of men lyuynge so. 34   For whi and to boundun men &yogh;e hadden compassioun, and &yogh;e resseyueden with ioye the raueyne of &yogh;oure goodis, knowynge &yogh;ou for to haue a

betere and dwelling substaunce. 35   `And so nyle &yogh;e leese &yogh;oure trist, `the which hath greet rewardyng. 36   Forsoth pacience is nedeful to &yogh;ou, that &yogh;e doynge the wille of God, brynge a&yogh;en the biheeste. 37   &YOGH;it sotheli a litil, how euere litil, he that is to comynge schal come, and he schal not tarie. 38   Forsoth my iust man lyueth of feith; that if he `schal withdrawe `him silf, he schal not plese to my soule. 39   Forsoth we ben not the sones of withdrawynge awei into perdicioun, but of feith into the getyng of soule.

Previous section

Next section