Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 Manyfold and many maners sum
tyme God spekinge to fadris in prophetis,
2 at the laste in thes daies spak to
vs in the sone; whom he ordeynede eyr
of alle thingis, by whom he made and
the worldis.
3 The which whanne he is the
schynynge of glorie, and figure of his
substaunce, and berynge alle thingis bi
word of his vertu, makynge purgacioun
of synnes, sittith on the ri&yogh;thalf of mageste
in hi&yogh; thingis;
4 so moche maad
betere than aungelis, by how moche he
hath inherited a more different, `or excellent,
name bifore hem.
5 Forsoth to
which of the aungels seide God ony
tyme, Thou art my sone, I haue `gendrid
thee to day? And eftsoone, I schal be
to him into fadir, and he schal be to me
into sone?
6 And whanne eftsoone he
bryngeth yn the firste bigetyn into the
roundnesse of the erthe, he seith, And
alle the aungels of God worschipe thei
hym.
7 And sothli `to aungels he seith,
The which makith his aungels spiritis,
and his mynystris flawme of fyer.
8 Forsoth
to the sone, God, thi trone into the
world of world; a &yogh;erd of equyte the
&yogh;erd of thi rewme;
9 thou hast louyd ri&yogh;twysnesse,
and hatedist wickidnesse; therfore
God, thi God, anoyntide thee with
oyle of gladnesse, `or ioye, bifore thi
felowis.
10 And, Thou, Lord, in the bigynnyng
foundedist the erthe, and heuenes
ben werkis of thin hondis;
11 thei schulen
perische, forsoth thou schalt perfitly
dwelle; and alle schulen wexe olde as a
-- --
cloth,
12 and thou schalt chaunge hem as `an
amyte, `or girdyng aboute, and thei
schulen be chaungid. Forsoth thou ert
the same thi silf, and thi &yogh;eeris schulen
not faylen.
13 Forsoth to which of the
aungels seide God ony tyme, Sitte thou
on my ri&yogh;thalf, til I schal putte thin enemyes
a stool of thi feet?
14 Wher thei
`alle ben not seruyng spiritis, sent into
mynysterie for hem that taken the heritage
of heelthe?
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
