Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 Poul, apostle of Jhesu Crist, bi the
wille of God, vp the biheeste of lyf that
is in Crist Jhesu,
2 to Tymothe, his mooste
dereworthe sone, grace, mercy, and pees
of God oure fadir, and Jhesu Crist, oure
Lord.
3 I do thankyngis to my God, to
whom I serue fro my progenitours in
clene conscience, for withouten ceessyng
I haue mynde of thee in my preieris, ny&yogh;t
and day,
4 desyringe for to se thee; I
-- --
myndeful of thi teeris, that I be with ioye
fulfillid;
5 takinge recordinge, `or mynde,
of that feith, that is in thee not feyned,
the whiche and dwellide first in thin
aunte Loyde, and in thi modir Ennyce.
Sothli I am certeyn, that and in thee.
6 For which cause I moneste, that thou
reyse a&yogh;en the grace of God, that is in
thee bi the `on puttinge of myne hondis.
7 Sothli God &yogh;af not to vs the spirit of
drede, but of vertu, and of loue, and sobrenesse.
8 `And so nyle thou schame the
witnessing of oure Lord Jhesu, nether me,
the boundyn of him; but trauele `with
me in the gospel vp the vertu of God;
that delyuerede vs,
9 and clepide with his
hooli clepyng, not aftir oure workis, but
vp his purpos and grace, that is &yogh;ouyn
`to vs in Crist Jhesu bifore worldli tymes;
10 now forsoth it is opyn bi the li&yogh;tnyng of
oure sauyour Jhesu Crist, the which sothli
distruyede deeth, forsothe li&yogh;tnede lyf
and vncorupcioun bi the `gospel.
11 In the
which I am sett a prechour and apostle,
and maistir of hethen men.
12 For which
cause also I suffre thes thingis; but I am
not confoundid. Forsoth I woot to whom
I haue bileuyd, and I am certeyn for he
is my&yogh;ti for to kepe my depoost, `or
thing putt in keping, into that day.
13 `Haue thou the foorme of hool wordis,
the whiche thou herdist of me in feith
and loue in Crist Jhesu.
14 Kepe thou a
good depoost, `or a thing takyn to thi
keping, bi the Hooly Gost, that dwellith
in vs.
15 Sothli thou woost, that alle that
ben in Asye ben turned fro me, of
whiche is Figelus and Ermogenes.
16 The
Lord &yogh;yue mercy to the hous of Onozepherus,
-- --
for ofte he refreischide me, and
schamyde not my chayne.
17 But whanne he
cam to Rome, he sou&yogh;te me bisyli, and
fond.
18 The Lord &yogh;yue to him for to
fynde mercy of God in that day. And
how grete thingis he mynistride to me at
Ephecy, thou `hast betere knowe.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
