Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. IV.
1 `And so, my britheren moost dereworthe
and moost desyrid, my ioye and my
crowne, so stonde &yogh;e in the Lord, moost
dere britheren.
2 I preie Eucodiam, and
I bisech Syntesem, for to vndirstonde the
same thing in the Lord.
3 Also and I
preie thee, german felowe, helpe thou
`the ilke wymmen that traueliden with
me in the gospel, with Clement and othere
my helperis, whos names ben in the book
of lyf.
4 Ioye &yogh;e in the Lord euer more;
eft I seie, ioye &yogh;e.
5 Be &yogh;oure temperaunce,
`or pacience, knowun to alle men; the
-- --
Lord is ny&yogh;.
6 Be &yogh;e no thing bisy, but in
al preier and biseching, with doynge of
thankingis, be &yogh;oure axingis knowun at
God.
7 And the pees of God, that passith
al witt, kepe &yogh;oure hertis and vndirstondingis
in Crist Jhesu `oure Lord.
8 Fro
hennus forth, britheren, what euere thingis
ben sothe, what euere thingis chast, what
euere thingis iust, what euere thingis
hooly, what euere thingis amyable, or
able for to be loued, what euere thingis
of good fame, if ony vertu, if ony preisinge
of disciplyn, thenke &yogh;e these thingis,
that and &yogh;e han lerud,
9 and take, and herd,
and seyn in me. Do &yogh;e these thingis,
and God of pees schal be with &yogh;ou.
10 Forsoth,
britheren, I ioyede greetly in the
Lord, for sumtyme aftirward &yogh;e `flouriden
a&yogh;en for to feele for me, as and &yogh;e feeliden.
11 Forsoth &yogh;e weren ocupied, I seie
not as for nede, forsoth I haue lerud, in
whiche thingis I am, sufficient for to be.
12 I can and be lowid, `or mekid, I can
and abounde, `or haue plente. Euerywhere
and in alle thingis I am ordeyned, and
`I can be fulfillid, and to hungre, and
to habounde, and to suffre myseste.
13 I
may alle thingis in him that comfortith
me.
14 Netheles &yogh;e han don wel, comunynge
to my tribulacioun.
15 Forsoth and &yogh;e, Philipencis,
witen, that in the bigynnyng of
the gospel, whanne I wente forth fro Macedonye,
no chirche comunede with me
in resoun of `thing &yogh;ouun and takun, no
but &yogh;e allone.
16 `For and to Tessalonyk &yogh;e
senten oonis and twyes `in to vss to me.
17 Not for I seke &yogh;ifte, but I requyre, `or
seke a&yogh;en, fruyt haboundynge in &yogh;oure
resoun.
18 Forsoth I haue alle thingis, and
-- --
habounde; I am repleet with tho thingis
takun of Epafrodite, the which &yogh;e sente
into the odour of swetnesse, a couenable
oost, `or sacrifice, plesynge to God.
19 Forsoth
my God fulfille al &yogh;oure desyr, vp
his richessis in glorie in Crist Jhesu.
20 Forsoth
to God and oure fadir be glorie into
worldis of worldis.
21 Amen. `Greete &yogh;e
wel euery hooly man in Crist Jhesu.
22 Tho britheren that ben with me, greeten
&yogh;ou wel. Alle hooli men greeten &yogh;ou wel,
moost sothli tho that ben of Cesaris hous.
23 The grace of oure Lord Jhesu Crist be
with &yogh;oure spirit. Amen.
Here endith the epistle to Philipensis,
and bigynneth prolog to Colocencis.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
