Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 Poul and Tymothe, seruauntis of Jhesu
Crist, to alle `the hooly men in Crist
Jhesu, that ben at Philippis, with bischopis
and dekenes,
2 grace to &yogh;ou and
pees of God oure fadir, and of the Lord
Jhesu Crist.
3 I do thankyngis to my God
4 in al mynde of &yogh;ou euermore in alle my
-- --
preieris for alle &yogh;ou with ioye, makynge a
5 bisechinge on &yogh;oure comunynge in the
gospel of Crist, fro the firste day til
now;
6 tristnynge this ilke thing, for he
that bigan in &yogh;ou a good work, schal performe
til into the day of Jhesu Crist.
7 As
it is iust to me for to feele this thing
for `alle &yogh;ou, for that I haue &yogh;ou in herte,
and in my boondis, and in defendyng and
confermyng of the gospel, `alle &yogh;ou for
to be felowis of my ioye.
8 Forsothe God
is a witnesse to me, hou I coueite &yogh;ou alle
in the bowelis of Jhesu Crist.
9 And this
thing I preye, that &yogh;oure charite be plenteuous
more and more in science, `or
kunnynge,
10 and in al witt; that &yogh;e proue
bettere thingis, that &yogh;e be clene and withoute
offence in the day of Crist;
11 fulfillid
with the fruyt of ri&yogh;twysnesse by Jhesu
Crist, into the heriynge and glorie of
God.
12 Forsoth, britheren, I wole &yogh;ow for
to wite, that the thingis that ben aboute
me han comyn `more to the profyte of
the gospel,
13 so that my boondis weren
maad knowun in Crist, in ech moot halle,
and in alle othere placis;
14 that mo of
britheren in the Lord tristenynge in my
boondis, more plenteuously dursten with
oute drede speke the word of God.
15 Summe
forsoth and for enuye and stryf, summe
forsoth and for good wille, prechen Crist;
summe forsoth of charite,
16 witinge for I
am putt in the defence of the gospel.
17 Forsoth
summe of contencioun, `or stryf,
schewen Crist not `clenly, gessinge hem
for to reyse pressure to my boondis.
18 What sothly? `the while in al maner,
ether by contencioun, ether by treuthe,
Crist is schewid; and in this thing I haue
ioye, but and `in this thing I schal haue
ioye.
19 Sothli I woot, that this thing schal
-- --
come to me into heelthe by &yogh;oure preier,
and the vndirmynistringe of the spirit of
Jhesu Crist,
20 vp myn abidyng and hope.
For in no thing I schal be confoundid, `or
schamed, but in al trist as euermore and
now, Crist schal be magnyfied in my body,
ether by lyf, ether by deeth.
21 Forsothe to
me for to lyue Crist is, and for to deie
wynnyng.
22 That if for to lyue in fleisch,
this is fruyt of work to me, and what
I schal cheese, I knowe not.
23 Forsoth I
am constreyned of twey thingis, hauynge
desyr for to be dissolued, `or departid
the soule fro body, and for to be
with Crist, it is moche more bettere;
forsoth for to dwelle in fleisch,
24 it is
nedeful for &yogh;ou.
25 And I tristinge this
thing, wot that I schal dwelle, and parfitly
dwelle to alle &yogh;ou, to `&yogh;oure profyit
and ioye of feith,
26 that &yogh;oure thankyng
habounde in Crist Jhesu in me, by my
comynge eftsoone to &yogh;ou.
27 Oonly lyue &yogh;e
worthily to the gospel of Crist, that
where I schal come and se &yogh;ou, ether
absent I schal heere of &yogh;ou, for &yogh;e stonden
in o spirit of o wille, trauelinge to gidere
to the feith of the gospel.
28 And in no thing
be &yogh;e aferd of aduersaries, the which is
to hem cause of perdicioun, `or of damnacioun;
29 forsoth to &yogh;ou cause of heelthe.
And this thing of God. For it is &yogh;ouun to
&yogh;ou for Crist, that not oonly &yogh;e bileuen in
to him, but also that &yogh;e suffren for him;
hauynge the same stryf,
30 what `maner
and &yogh;e sy&yogh;en in me, and now &yogh;e han herd
of me.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
