Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VI.
1 Sones, obeische &yogh;e to &yogh;oure fadir and
modir, in the Lord; forsothe this thing
is iust, `or ri&yogh;tful.
2 Honoure thou thi fadir
and thi modir, that is the firste maundement
in the biheeste;
3 that it `be wel to
thee, and that thou be longe lyuynge on
the erthe.
4 And, &yogh;e fadris, nyle &yogh;e terre
&yogh;oure sones to wraththe; but norische &yogh;e
hem in the discipline and correccioun, `or
chastysing, of the Lord.
5 Seruauntis,
obeysche &yogh;e to fleishly lordis with drede
and tremblyng, in symplenesse of &yogh;oure
herte,
6 as to Crist; not seruynge at y&yogh;e,
as plesynge to men, but as seruauntis of
Crist; doynge the will of God `of ynwitt,
`or resoun,
7 with good will seruynge as
to the Lord,
8 and not to men; witynge
that ech man, what euere good thing he
-- --
schal do, `this he schal resceyue of the
Lord, whethir seruaunt, whether fre man.
9 And, &yogh;e lordis, do the same thingis to
hem, for&yogh;yuynge manacis; witynge for her
Lord and &yogh;oure is in heuenes, and takynge
of persoones is not anentis God.
10 Here
aftirward, britheren, be &yogh;e comfortid in
the Lord, and in the my&yogh;t of his vertu.
11 Clothe &yogh;ou with the armer of God, that
&yogh;e mown stonde a&yogh;ens aspyingis, `or
asaylyngis, of the deuel.
12 For stryuynge
is not to vs a&yogh;ens fleisch and `blood,
but a&yogh;ens the princes and potestatis,
a&yogh;ens gouernours of the world of thes
derknessis, a&yogh;ens spiritual thingis of
wickidnesse, in heuenli thingis.
13 Therfore
take &yogh;e the armer of God, that &yogh;e
mown a&yogh;enstonde in the yuel day; and
in alle thingis stonde parfyt.
14 Therfore
`stonde &yogh;e, gird `aboute &yogh;oure leendis in
sothfastnesse, and clothid the haberioun
of ri&yogh;twysnesse,
15 and `schood the feet in
makynge redy of the gospel of pees;
16 in alle thingis takinge the scheeld of
feith, in the which &yogh;e mown quenche alle
the firy dartis of the worste enmye.
17 And take &yogh;e the helm of heelthe, and the
swerd of the Gost, that is, the word of
God;
18 by al preier and bisechinge preiynge
al tyme in spirit, and in him wakynge in
al bysynesse, and byseching for alle hooly,
and for me;
19 that word be &yogh;ouun to me
in openynge of my mouth, with trist for
to make knowun the mysterie of the gospel,
for which I am sett in legacie,
20 `or
message, in this cheyne; so that in it I
be hardy for to speke, as it bihoueth me.
21 Forsothe that and &yogh;e wite, what thingis
-- --
ben aboute me, what I schal do, Titicus,
my moost dere brother, and trewe mynistre
in the Lord, schal make alle thingis
knowun to &yogh;ou;
22 whom I sente to &yogh;ou into
this same thing, that &yogh;e knowe what
thingis ben aboute vs, and that he comforte
&yogh;oure hertis.
23 Pees to britheren, and
charite, with feith of God oure fadir, and
of the Lord Jhesu Crist.
24 Grace with alle
men that louen oure Lord Jhesu Crist in
vncorupcioun. Amen.
Here endith the epistle to Ephecies, and
bigynneth the prolog to Philipencis.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
