Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. IV.
1 `And so I bounden in the Lord byseche,
that &yogh;e walke worthily in the clepinge,
in which &yogh;e ben clepid,
2 with al
mekenesse and myldenesse, with pacience
supportinge to gidere in charite,
3 bisy for
to kepe vnite of spirit in the bond of
pees.
4 O body and o spirit, as &yogh;e ben clepid
in oon hope of &yogh;oure clepinge;
5 o Lord, o
feith,
6 o baptym, o God and fadir of alle,
the which is aboue alle men, and by alle
thingis, and in vs alle.
7 To ech of vs
grace is &yogh;ouun vp the mesure of the
&yogh;yuynge of Crist;
8 for which thing he
seith, He sty&yogh;inge into hi&yogh;, ledde caitifte
caytif, `or prysonynge prisoned, he &yogh;af
&yogh;iftis to men.
9 Forsoth that he assendide,
what is it, no but for he dessendide first
into the lowere partis of the erthe?
10 He
it is that cam down, and that sti&yogh;ede vp
on alle heuenes, that he schulde fulfille
alle thingis.
11 And he &yogh;af summe sotheli
apostlis, summe forsoth prophetis, othere
forsothe euangelistis, othere forsoth schepherdis
-- --
and techeris,
12 to the ful endynge of
seyntis, into the work of mynisterie, into
edificacioun of Cristis body,
13 til we rennen
alle, in vnyte of feith and of knowynge
of Goddis sone, into a parfyt man, into
the mesure of age of the plente of Crist;
that we ben not now litile children,
14 mouynge
as wawis, and be borun aboute with
al wynd of techinge, in the weywardnesse
of men, in sutil witt, to the disceyuynge
of errour.
15 Forsoth we doynge treuthe in
charite, wexen in him bi alle thingis, that
is Crist the heed;
16 of whom al the body
sett to gidere, and boundyn to gidere by
ech ioynture of vndirseruyng, vp worching
into mesure of ech membre, makith
encresynge of the body, into edificacioun
of it in charite.
17 Therfore this thing I
seie, and witnesse it in the Lord, that &yogh;e
walke not now, as and hethen men walken,
in the vanyte of her witt,
18 `in derknessis;
hauynge vndirstondyng derkened, alyened,
`or maad ferr, fro the lyf of God, bi
ignoraunce, `or vnkunnynge, that is in
hem, for the blyndnesse of her herte.
19 Thei dispeiringe bitoken hem silf to
vnchastite, in to worchinge of al vnclennesse
in coueityse.
20 Forsothe &yogh;e han not
so lerud Crist,
21 if nethelees &yogh;e herden
hym, and ben tau&yogh;t in him, as is treuthe
in Jhesu.
22 `Do &yogh;e awey vp the firste
lyuyng the olde man, that is corupt vp
the desyris of errour;
23 forsoth `be &yogh;e renewid,
`or maad newe a&yogh;en, by spirit
of &yogh;oure mynde;
24 and clothe &yogh;e the newe
man, that vp God is maad of no&yogh;t in
ri&yogh;twysnesse and hoolynesse of treuthe.
25 For which thing &yogh;e puttinge awey leesyng,
speke treuthe ech man with his
nei&yogh;bore, for we ben membris to gidere.
26 `Be &yogh;e wroth, and nyle &yogh;e synne; the
-- --
sunne falle not down on &yogh;oure wraththe.
27
28 Nyle &yogh;e &yogh;yue stede to the deuel. He that
staal, now stele not; `more forsoth traueile
he in worchinge with his hondis
`that that is good thing, that he haue
wherof he schal &yogh;yue to a man suffringe
nede.
29 Ech yuel word go not out of &yogh;oure
mouth; but if ony is good to edificacioun
of feith, that it &yogh;yue grace to men heeringe.
30 And nyle &yogh;e make the Hooly Gost
of God sori, `or heuy, in the which &yogh;e
ben markid in the day of redempcioun.
31 Al bitternesse, and wraththe, and indignacioun,
and cry, and blasphemye be takun
awey fro &yogh;ou,
32 with al malice; forsoth be
&yogh;e to gidere benygne, `or of good will,
mercyful, &yogh;yuynge `to gidere, as and
God &yogh;af to &yogh;ou in Crist.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
