Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 Poul apostle, not of men, neither by
man, but bi Jhesu Crist, and God the
fadir,
2 that reyside him fro deede men, and
alle the britheren that ben with me, to
the chirchis of Galathie,
3 grace to &yogh;ou, and
pees of God the fadir, and of oure Lord
-- --
Jhesu Crist,
4 the which &yogh;af him silf for
oure synnes, that he schulde delyuere vs of
this present weyward world, vp the wil
of God and oure fadir,
5 to whom is `honour
and glorie in to worldis of worldis. Amen;
`so be it.
6 I wondre, that thus so soone
&yogh;e ben born ouer fro him that clepide &yogh;ou
into the grace of Crist, into an other
gospel;
7 the which is not other, `no but
ther ben summe that disturblen &yogh;ou, and
wolen mysturne the euangelie of Crist.
8 But thou&yogh; we, or an aungel of heuene,
euangelise to &yogh;ou, bisydis that that we
han euangelisid to &yogh;ou, cursid be he.
9 As
I bifore seide, and now eftsoone I seye, if
ony `schal euangelise out taken that that
&yogh;e han takun, cursid be he.
10 `I counceile
now to men, or to God? or `I seke for
to plese to men? If I `&yogh;it pleside to
men, I were not the seruaunt of Crist.
11 Sotheli, britheren, I make the gospel
knowun to &yogh;ou, the which is euangelisid,
`or prechid, of me, for it is not vp man;
sothli nether I took it of man,
12 nether
lernyde, but by the reuelacioun of Jhesu
Crist.
13 Forsothe &yogh;e herden my lyuynge
sum tyme in the Juwerie, for ouer manere
I pursuwide the chirche of God, and
fau&yogh;te a&yogh;ens it.
14 And I profitide in Jurye
aboue many myn euene eeldis in my
kyn, beynge more haboundantly louere,
`or folower, of my fadryn tradiciouns.
15 Forsoth whanne it pleside to him, that
departide me fro the wombe of my modir,
and clepid by his grace,
16 that he schulde
schewe in me his sone, that I schulde
preche hym in hethene men, a noon I acordide
not to fleisch and blood;
17 nether
I cam to Jerusalem to my bifore goeris
apostlis, but I wente forth into Arabye,
-- --
and eftsoone I turnede a&yogh;en to Damask.
18 Aftirward aftir thre &yogh;eeris I cam to Jerusalem,
for to se Petre, and dwellide
anentis him fifteene dayes;
19 forsothe I
say&yogh; non other man of apostlis, no but
James, the brothir of the Lord.
20 Forsoth
what thingis I wryte to &yogh;ou, loo! bifore
God for I lye not, `or gabbe not.
21 Aftirward
I cam into the parties of Sirye and
Cilicie.
22 Forsoth I was vnknowyn bi face
to the chirchis of Judee, that weren in
Crist;
23 oonly forsoth thei hadden heeringe,
for he that pursuwede vs sumtyme, now
euangelisith the feith, a&yogh;ens which he
fau&yogh;te sumtyme;
24 and in me thei clarifieden
God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
