Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
II. CORINTHIANS.
Prolog to the secunde pistle to Corinthijs.
Aftir penaunce don, a comfortable
pistle he wrytith to hem fro Troade, by
Tite; and preisynge hem he counceilith
to betre, schewynge hem `y sorowid, but
sothli amendid.
Ende of the prolog; bigynnynge the
secunde pistle.
The secunde epistle to Corinthijs.
CAP. I.
1 Poul, apostle of Jhesu Crist, bi the
wille of God, and Tymothe, brothir, to
the chirche of God that is at Corinthi,
with alle seyntis that ben in al Acaye,
grace to &yogh;ou,
2 and pees of God oure fadir,
and of the Lord Jhesu Crist.
3 Blessid be
God and fadir of oure Lord Jhesu Crist,
fadir of mercies, and God of al comfort,
`or solace,
4 that comfortith vs `in al
-- --
oure tribulacioun, that and we mown
comforte hem, that ben in al pressure, `or
ouerleyinge, by the exortacioun, `or
monestynge, by which and we ben monestid
of God.
5 For as the passiouns of
Crist ben plenteuous in vs, so and by Crist
oure coumfort is plenteuous.
6 Forsoth wher
we ben trowblid, `or pursuwed, for
&yogh;oure techinge and helthe, ethir we ben
comfortid, for &yogh;oure comfort, ethir we
ben monestid, for &yogh;oure monestinge and
heelthe. The which worchith in &yogh;ou the
suffryng of the same passiouns, the whiche
and we suffren,
7 that oure hope be sadd
for &yogh;ou; witynge for as &yogh;e ben felowis of
passiouns, so &yogh;e schulen be and of comfort.
8 Forsothe, britheren, we wolen `not &yogh;ou
for to vnwite of oure tribulacioun, that
is don in Asye; for ouer maner we ben
greuyd aboue vertu, `or my&yogh;te, so that
it anoy&yogh;ede vs, &yogh;he, for to lyue.
9 But we
silf in vs silf hadden answere of deeth,
that we be not tristinge in vs silf, but
in God that reysith deede men.
10 The
which delyuerede vs, `and delyuereth fro
so greet perelis, in to whom we hopen,
for and &yogh;it he schal delyuere,
11 `helpynge
and &yogh;ou in prayere for vs; that of the
persoones of manye faces of that &yogh;yuynge
that is in &yogh;ou, by manye parceneris,
`graces, or thankyngis, ben don to God
for vs.
12 Forwhi oure glorie is this, the witnessinge
of oure conscience, that in symplenesse
and clennesse of God, and not in
fleischly wysdom, but in the grace of God,
we lyuen in this world, forsoth more
plenteuously to &yogh;ou.
13 Sothli we wryten
not othere thingis, than tho that &yogh;e han
rad and knowen, forsoth I hope that til
to the ende &yogh;e schulen knowe,
14 as and &yogh;e
-- --
han knowen vs of party; for we ben &yogh;oure
glorie, `and &yogh;e oure in the day of oure
Lord Jhesu Crist.
15 And in this tristnynge
I wolde firste come to &yogh;ou, that &yogh;e
hadden the secunde grace,
16 and `that I
schulde `by &yogh;ou passe in to Macedonye,
and eft fro Macedonye `I schulde come
to &yogh;ou, and of &yogh;ou be ledd in to Judee.
17 Forsoth whanne I wolde this thing, wher
I vside li&yogh;tnesse, or tho thingis that I
thenke, I thenke aftir the fleisch, that `at
me be, `is and not, or &yogh;he and nay?
18 Forsoth God is trewe, for oure word `the
which was at &yogh;ou, `ther is not in it is
and nay, but `in it is is, `that is, treuthe.
19 Sotheli Jhesus Crist, the sone of God,
the which is prechid in &yogh;ou by vs, by
me, and Syluan, and Tymothe, ther was
not in him is and nay, but `in hym is
was, `that is, stedefast treuthe.
20 Forsoth
how many euere ben biheestis of
God, in him `is, that is, ben fulfillid.
Therefore and by him we seyn amen to
God, to oure ioye.
21 `The which sothli
confermeth vs with &yogh;ou in Crist, and the
which God anoyntide vs,
22 and that markide
vs, and &yogh;af `a wed, `or eernes, of the
spirit in oure hertis.
23 Forsoth I inclepe
God witnesse `in to my soule, that I
sparinge &yogh;ou cam not ouer Corinthe; not
for we ben lordis of &yogh;oure feith, but we
ben helperis of &yogh;oure ioye; forwhi thorw
bileue &yogh;e stonden.
CAP. II.
1 Forsoth I ordeynede this ilke thing at
me, that I schulde not come eftsoone in
to sorwe to &yogh;ou.
2 Sothli if I make &yogh;ou
-- --
sori, `or heuy, and who is he that gladdith
me, no but he that is sorowful of
me?
3 And this same thing I wroot to &yogh;ou,
that whanne I schal come, I haue not
sorwe vp sorwe, `of hem of `the whiche
it bihofte me for to ioye. Tristynge in
&yogh;ou alle, for my ioye is of &yogh;ou alle.
4 For whi of moche tribulacioun and angwische
of herte I wroot to &yogh;ou by manye
teeris, `that &yogh;e be not sori, but that &yogh;e
wite what charite I haue more plenteuously
in &yogh;ou.
5 Forsoth if ony man hath
maad me sorwful, he hath not maad me
sorwful but in party, that I charge, `or
diseese, not &yogh;ou alle.
6 This blamynge
that is maad of many, sufficith to him,
that is such maner man;
7 so that a&yogh;enward
&yogh;e &yogh;yue more and comforte, lest
perauenture he that is such maner man,
be sopun vp, `or dispeire, by more greet
heuynesse.
8 For which thing I biseche
&yogh;ou, that &yogh;e conferme charite in to him.
9 Forsoth therfore and I wroot, `that I
knowe &yogh;oure asayinge, wher in alle thingis
&yogh;e ben obedyent.
10 Forsoth to whom &yogh;e
han `ony thing &yogh;ouen, and I. Forwhi
and I that I &yogh;af, `if I ony thing &yogh;af,
haue &yogh;ouun for &yogh;ou in the persoone of
Crist, that we be not disseyued of Sathanas;
11
sothli we `vnknowen not his
thou&yogh;tis.
12 Forsoth whanne I hadde
comen to Trowade for the gospel of Crist,
and a dore was openyd to me in the
Lord,
13 I hadde not reste to my spirit, for
that I fond not my brothir Tite, but I
seyinge to hem far wel, passide into
Macedonye.
14 Therfor thankingis to God,
-- --
that euermore makith vs to haue victorie
in Crist Jhesu, and schewith by vs the
odour of his knowynge in ech place;
15 for
we ben the good odour, `or sauour, of
Crist to God, in thes that ben maad saaf,
and in thes that perischen.
16 `To othere
sothli odour of deeth in to deeth, to othere
forsoth odour of lyf into lyf. And to
thes thingis who so able?
17 Sothli we
ben not as ful manye, auoutrynge the
word of God, but of clennesse, but as of
God, bifore God in Crist `we speken.
CAP. III.
1 Bigynne we eftsoone for to comende,
`or preise, vs silf? or wher we neden, as
summe, preisynge lettris to &yogh;ou, or of
&yogh;ou?
2 &YOGH;e ben oure pistle, writun in &yogh;oure
hertis, the which is kowd and radd of
alle men;
3 &yogh;e maad opyn, for &yogh;e ben the
pistle of Crist mynistrid of vs, and writun,
not with enke, but by the spirit of
quyk God; not in stoony tablis, but in
fleischly tablis of herte.
4 Forsoth we han
such trist by Crist to God;
5 not that we
ben sufficient for to thenke ony thing of
vs, as of vs, but oure sufficience is of
God.
6 The which and made vs able mynistris
of the newe testament, not bi lettre,
but by spirit; for the lettre sleith,
forsoth the spirit quykeneth.
7 For if the
mynistracioun of deeth defformyd by lettris
in stoones was in glorie, so that the
children of Israel my&yogh;ten not biholde in
to the face of Moyses, for the glorie of
his cheere, the which glorie is auoydid,
8 hou not more the mynistracioun of spirit
schal be in glorie?
9 Forwhi if the mynistracioun
of dampnacioun is in glorie,
moche more the mynisterie, `or seruynge,
of ri&yogh;twysnesse is plenteuous in glorie.
-- --
10 Forwhi nether `that that was cleer `in
this part, `was glorified for excellent glorie;
sothly if `that that is auoydid,
11 is
bi glorie, moche more `that that dwellith
is in glorie.
12 Therfore we hauynge such
hope, vsen moche trist;
13 and not as Moyses
puttide a veyl on his face, that the
children of Israel schulde not byholde in
to his face, the which veyl is auoydid.
14 But the wittis of hem ben astoneyed;
sothli til in to this day the same veyl in
redinge of the oolde testament dwellith
`not schewid, for in Crist it is auoydid,
but til in to this day,
15 whanne Moyses is
radd, the veyl is putt vpon her hertis.
16 Forsoth whanne Israel schal be conuertid
to God, the veyl schal be don awey.
17 Forsoth
the Lord is spirit; forsoth where is
the spirit of God, there is liberte.
18 Forsoth
alle we with schewid face biholdinge
the glorie of the Lord, ben transformyd
into the same ymage, fro clerenesse into
clerenesse, as of the spirit of the Lord.
CAP. IV.
1 Therfore we hauynge this administracioun,
`or office, vp which we han getun
mercy,
2 faylen not, but don awey the priuey
thingis of schame, not walkynge in
sutil gyle, nether auoutrynge the word of
God, but in schewinge of treuthe comendinge
vs silf to ech conscience of
men bifore God.
3 For if also oure gospel
is keuerid, `or hid, in these that perischen
it is keuerid;
4 in whiche the God
of this world hath blyndid the soules of
men out of the bileue, `or vnfeithful
men, that the li&yogh;tnynge of the gospel of
the glorie of Crist, that is the ymage of
-- --
God inuysible, schyne not.
5 Sothli we
prechen not vs silf, but Jhesu Crist oure
Lord; forsothe vs &yogh;oure seruauntis by
Jhesu.
6 For God, that seide the ly&yogh;t for
to schyne of derknessis, he hath ynli&yogh;tid
in oure hertis, to the illumynynge of the
science of the cleernesse of God, into
the face of Jhesu Crist.
7 Forsothe we
han this tresour in brotil vesselis, that
the hi&yogh;nesse be of Goddis vertu, and not
of vs.
8 In alle thingis we suffren tribulacioun,
but we ben not `maad streit;
we ben maad pore, but we ben not distroyed;
we suffren persecucioun,
9 but we
ben not forsaken; we ben maad lowe,
but we ben not confoundid; we ben
cast down, but we perischen not;
10 euermore
beringe aboute the mortifyinge of
Jhesu Crist in oure body, that and the
lyf of Jhesu be schewid in oure bodies.
11 Sothli euermore we that lyuen,
ben takun in to deeth for Jhesu, that
and the lyf of Jhesu be schewid in oure
deedly fleisch.
12 Therfore deeth worchith
in vs, lyf sothli in &yogh;ou.
13 Forsoth hauynge
the same spirit of feith, as it is
writun, I haue bileued, for which thing
I spak; and we bileuen, for which thing
and we speken;
14 witynge for he that
reiside Jhesu, schal reise and vs with
Jhesu, and schal ordeyne vs with &yogh;ou.
15 Sothli alle thingis for &yogh;ou, that grace
beynge plenteuous by manye in doynge
of thankingis be plenteuous into glorie
of God.
16 For which thing we faylen not,
but thou&yogh; `the ilke that is withouteforth,
oure man be coruptid; nethelees that
man that is withinne forth, is renewid,
-- --
`or maad newe a&yogh;en, fro day into day.
17 Forsoth that that is `in present, `or
now, `a litil moment lastynge, and li&yogh;t,
`or esy, thing of oure tribulacioun,
worchith ouer manere, `or mesure, into
hi&yogh;nesse the euerelasting wei&yogh;te of glorie
in vs,
18 vs not biholdynge tho thingis that
ben seyn, but tho that ben not seyn.
Sothli tho thingis that ben seyn, ben
temperal, `or durynge by short tyme;
forsothe tho thingis that ben not seyn, ben
euerlastinge, `or withouten ende.
CAP. V.
1 Sotheli we witen, for if oure erthely
hous of this dwellyng be dissolued, that
we han a bildyng of God, an hous not
maad by hondis, euerlastinge in heuenes.
2 Forwhi and in this thing we mornen,
coueitynge for to be clothid aboue oure
dwellinge of heuene;
3 if netheles we ben
founden clothid, and not nakid.
4 Forwhi
and we that ben in this tabernacle, sorwen
`with inneforth greuyd, for that we wolen
not be dispoylid, but be clothid aboue;
that `the ilke thing that is deedli, be
sopun vp of lyf.
5 Forsothe he that makith
vs into this thing, is God, that &yogh;af
to vs a wedd, `or eernes, of spirit.
6 Therfore we beynge hardy alle gatis, and
witinge for the whyle we ben in this
body, we gon in pilgrymage fro the Lord;
forsoth we walken by feith,
7 and not by
cleer si&yogh;te.
8 Forsoth we ben hardy, and
han good wille, more for to be in pilgrymage
fro the body, and for to be
present to God.
9 And therfore we stryuen,
whether absent, whethir present, for to
plese hym.
10 Forsothe it byhoueth vs alle
-- --
for to be schewid bifore the trone of
Crist, that euery man resceyue, `or telle
a&yogh;en, the propre thingis of body, as he
hath don, ether good, ethir yuel.
11 Therfore
we witynge the drede of the Lord,
softly mouen, `or counceilen, to men,
forsoth to God we ben opyn; sothly I
hope, and in &yogh;oure consciencis vs for
`to be knowun.
12 We comenden not vs silf
eftsoone to &yogh;ou, but we &yogh;yuen to &yogh;ou occacioun
for to glorie for vs, that &yogh;e haue
to hem that glorien in the face, and not
in the herte.
13 Sothli wher we by mynde,
`or resoun, passen to God, wher we ben
sobre to &yogh;ou?
14 Sothli the charite of Crist
dryueth vs; gessinge, `or demynge, this
thing, for if oon is deed for alle, therfore
alle ben deede.
15 And Crist deyde for
alle, that and thei that lyuen, lyue not
now to hem silf, but to him that deyede
for hem, and roos a&yogh;en.
16 `And so we fro
this tyme `han knowe no man vp the
fleisch; `and if we knowen Crist vp
the fleisch, but ri&yogh;t now we `han not
knowen.
17 Therfore if ony newe creature
is in Crist, oolde thingis han passid, and
lo! alle thingis ben maad newe.
18 Forsothe
alle thingis of God, the which reconcilede,
`or acordide, vs to him by Crist,
and &yogh;af to vs the mynisterie, `or seruyse,
of reconcilinge.
19 Sothli for God was in
Crist, reconcilynge to him the world, not
rettinge to hem her giltis, and puttide
in vs the word of reconcilinge.
20 Therfore
we `ben sett in legacie, `or message,
for Crist, as God monestinge by vs; we
bisechen &yogh;ou for Crist, be &yogh;e reconcilid to
God.
21 God the fadir made him the synne
-- --
for vs, `that is, redempcioun, or sacrifice
for synne, the which knew not synne,
that we schulde be maad ri&yogh;twysnesse of
God in hym.
CAP. VI.
1 Forsothe we helpinge monestyn, that
&yogh;e resceyuen not the grace of God in veyn.
2 Sothli he seith, In tyme accept, `or wel
plesynge, I haue herd thee, and in the
day of helthe I haue helpid thee. Lo!
now a tyme acceptable, lo! now a day of
heelthe.
3 `To no man &yogh;yuynge ony offencioun,
`or hurtynge, that oure mynisterie,
`or seruyse, be not reprouyd;
4 but in alle
thingis &yogh;yue we vs silf as mynistris of
God, in moche pacience, in tribulaciouns,
and in nedis,
5 in angwischis, in betyngis,
`or scorgingis, in prisouns, in dissenciouns
with ynne forth, in trauelis, in
wakyngis,
6 in fastingis, in chastite, in science,
`or kunnynge, in long abydinge, in
swetnesse, in the Hooly Goost, in charite
not feyned,
7 in the word of treuthe, in the
vertu of God; by armers of ri&yogh;twysnesse
on the ri&yogh;t half and left half;
8 by glorie
and vnnobley; by yuel fame and good
fame; as disseyueris, and trewe men; as
thei that ben vnknowen, and knowun;
as men deyinge, and `lo!
9 we lyuen; as
chastisid, and not maad deed;
10 as sorowful,
forsoth euermore ioyinge; as `hauynge
nede, `or as nedy men, sothly
makynge manye riche; as no thing hauynge,
and weldinge alle thingis.
11 A! &yogh;e
Corynthis, oure mouth is opyn to &yogh;ou,
oure herte is alargid;
12 `be &yogh;e not maad
streit in vs, but `be &yogh;e maad streit in
&yogh;oure entrailis.
13 Forsothe we hauynge
the same reward, I seye as to sones, and
be &yogh;e alargid.
14 Nyle &yogh;e lede &yogh;ok with vnfeithful
-- --
men. Sothli what partynge, `or
comunynge, of ri&yogh;twysnesse with wickidnesse?
or what felowschip of li&yogh;t to derknessis?
15 sothli what acordinge of Crist
to Belial? or what part of a feithful, `or
cristen man, with vnfeithful, `or hethene?
16 but what consent to the temple
of God with ydols? Forsoth &yogh;e ben the
temple of quyk God, as the Lord seith,
For I schal dwelle in hem, `and I schal
walken in; and I schal be the God of
hem, and thei schulen be to me a peple.
17 For which thing go &yogh;e out of the myddel
of hem, and be &yogh;e departid, seith the Lord,
and touche &yogh;e not vnclene thing;
18 and I
schal resceyue &yogh;ou, and I schal be to
&yogh;ou in to a fadir, and &yogh;e schulen be to me
into sones and dou&yogh;tris, seith the Lord
almy&yogh;ti.
CAP. VII.
1 Therfore, moost dereworthe britheren,
we hauynge thes &yogh;iftis, clense vs fro alle
filthe of fleisch and spirit, perfytli makynge
halowynge in the drede of `the
Lord.
2 Take &yogh;e vs; we han hurt no
man, we han corupt no man, we han
bigylid no man.
3 I seye not for &yogh;oure
condempnynge; forsoth I seide bifore,
that &yogh;e ben in oure hertis, for to deie to
gidere, and lyue to gidere.
4 Moche trist is
to me anentis &yogh;ou, moche gloriynge is to
me for &yogh;ou. I am fulfillid with comfort,
I abounde, `or am plenteuous, in ioye in
al oure tribulacioun.
5 Forwhi and whanne
we hadden comen to Macedonye, oure
fleisch hadde no reste, but we suffriden
al tribulacioun; forsoth withouteforth,
fi&yogh;tingis, `with ynneforth, dredis.
6 But
he that comfortith meeke men, God
comfortide vs in the comynge of Tyte.
7 Forsoth not oonli in the comynge of him,
but also in the comfort by which he `comfortide
-- --
me in &yogh;ou, tellinge to vs &yogh;oure
desyr, &yogh;oure wepinge, &yogh;oure loue for me,
so that I ioyede more.
8 For `and if I
made &yogh;ou sori in `a pistle, now it rewith
`me not; and if it rewide, I seynge
that thou&yogh; I made &yogh;ou sory `in that
pistle at an hour, now `haue I ioye;
9 not
for &yogh;e weren maad sorowful, but for &yogh;e
weren maad sorowful to penaunce. Sothli
&yogh;e ben maad sory aftir God, that in no
thing &yogh;e suffre peirement of vs.
10 Forsoth
that sorwe that is aftir God, worchith
penaunce in to stedefast heelthe; forsoth
sorwe of the world worchith deeth.
11 Lo!
sotheli this same thing, &yogh;ou for to be
sorowful aftir God, how moche bisynesse
it worchith in &yogh;ou; but defending, but
indignacioun, but drede, but desyr, but
loue, but veniaunce. In alle thingis &yogh;e han
&yogh;ouun &yogh;ou silf for to be vndefoulid in
cause, `or nede.
12 Therfore `and if I
wroot to &yogh;ou, not for him that dide
iniurie, nether for him that suffride, but
for to schewe oure bysynesse, the which
we han for &yogh;ou bifore God.
13 Therfore
we ben comfortid, forsothe in oure comfort
more plenteuously we ioyeden more
on the ioye of Tyte, for his spirit is
fulfillid of alle &yogh;ou.
14 And if I gloriede
ony thing anentis him of &yogh;ou, I am not
confoundid, `or schamyd; but as we han
spokun to &yogh;ou alle thingis `in treuthe,
so and oure glorie that was at Tyte, is
maad treuthe.
15 And the entraylis of him
ben more plenteuously in &yogh;ou, `of him
hauynge in mynde the obedience of &yogh;ou
alle, how with drede and tremblinge &yogh;e
resseyueden him.
16 I haue ioye, that in
alle thingis I triste in &yogh;ou.
-- --
CAP. VIII.
1 Britheren, forsothe we maken knowe
to &yogh;ou the grace of God, that is &yogh;ouun in
the chirchis of Macedonye,
2 and that in
moche asayinge of tribulacioun, the haboundaunce,
`or plente, of the ioye of
hem was, and the hi&yogh;este pouert of hem
was plenteuous into the richessis of the
symplenesse of hem.
3 For I bere witnessinge
and to hem, vp vertu, `or power,
`and aboue vertu thei weren wilful,
4 with
moche monestynge bisechinge vs the
grace and comenynge of mynysterie, that
is maad in to hooly men.
5 And not as
we hopiden, but thei &yogh;auen hem silf first
to the Lord, aftirward to vs by the wille
of God.
6 So that we preieden Tyte, that
as he bigan, so and he perfoorme in &yogh;ou
also this grace.
7 But as &yogh;e abounden in
alle thingis, in feith, word, and science,
`or kunnynge, and al bisynesse, moreouer
and in &yogh;oure charite in to vs, that
and in this grace &yogh;e habounde.
8 I seie
not as comaundinge, but by the bisynesse
of othere men `also prouynge to gidere
the good wit of &yogh;oure charite.
9 Sothli &yogh;e
witen the grace of oure Lord Jhesu Christ,
forwhi he was made nedy for vs, whanne
he was ryche, that &yogh;e schulden be maad
ryche by his myseste, `or nedynesse.
10 And I &yogh;yue counceil in this thing; sothli
this is profitable to &yogh;ou, that not `oonly
bigynnen for to do, but and for to
wilne fro the formere &yogh;eer.
11 Now forsothe
and in dede performe &yogh;e, that as the ynwitt
of wil is redy, so be it and of performynge
of that thing that &yogh;e han.
12 Sothli if the wille be redy, it is acceptid vp
-- --
that that it hath, not vp that that
it hath not.
13 Forsoth not `that it be remyssioun,
`or slouthe, to othere, forsoth
to &yogh;ou tribulacioun;
14 but of euenesse, in
the present tyme &yogh;oure haboundaunce
fulfille the myseste of hem, that and the
haboundaunce of hem be `supplement, or
fulfillinge, of &yogh;oure myseste, that euenesse
be maad;
15 as it is writun, He that hath
moche, haboundide not, and he that litil,
hadde not lasse.
16 Forsoth I do thankyngis
to God, that &yogh;af the same bysynesse
for &yogh;ou in the herte of Tyte,
17 for
sotheli he resceyuede exortacioun, `or
monestynge; but whanne he was bisyere,
with his wille he wente forth to &yogh;ou.
18 Forsoth we senten with hym oure brother,
whos preisynge is in the gospel by
alle chirchis.
19 Forsoth not oonly, but and
he is ordeyned of chirchis the felowe of
oure pilgrymage into this grace, that is
mynystrid of vs to the glorie of the Lord,
and to oure ordeyned wille;
20 eschewinge
this thing, that no man blame, `or dispise,
vs in this plente, that is mynystrid of vs
to the glorie of the Lord.
21 Sothli we purueyen
goode thingis, not oonly bifore God,
but also bifore alle men.
22 Forsoth we
senten with hem and oure brother, whom
we han prouyd in manye thingis ofte, for
to be bisy, now forsoth moche bisyer, in
moche trist in &yogh;ou,
23 ethir for Tyte, that is
my felowe, and in &yogh;ou helpere, ether oure
britheren, apostlis of chirchis of the glorie
of Crist.
|
