Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. V.
1 Sotheli it was don, whanne cumpanyes
of peple felden `in to Jhesu, `or
camen faste, that thei schulden heere the
word of God, and he stood bisydis the
stondinge watir of Genasereth,
2 and sy&yogh;
twey bootis stondinge bisydis the stonding
watir; sothli the fischeris hadden
gon doun, and waischide nettis.
3 Sothli
he sti&yogh;ynge in to a boot, that was Symoundis,
preiede him to lede a&yogh;en a litil
fro the lond; and he sittinge tau&yogh;te the
cumpanyes fro the boot.
4 Sothli as he
ceesside to speke, he seide to Symound,
Lede thou in to hi&yogh;, and slake &yogh;e &yogh;oure
nettis in to the takinge.
5 And Symount
answeringe seide to him, Comaundour, we
trauelinge by al the ny&yogh;t token no thing,
but in thi word I schal leye out the nett.
6 And whanne thei hadden don this thing,
thei closiden `to gidere a plenteuous multitude
of fysches; forsoth her nett was
broken.
7 And thei bekenyden to felowis,
that weren in an othir boot, that thei
schulden come, and helpe hem. And thei
camen, and filliden bothe litle bootis, so
that thei weren al moost drenchid.
8 Which
thing whanne Symound Petre sy&yogh;, he
felde doun to the knees of Jhesu, seyinge,
-- --
Lord, go fro me, for I am a man synnere.
9 Sothli greet wondir hadde bigon `aboute
him, and alle that weren with him, in the
takinge of fisches whiche thei tooken.
10 Sothli in lyk manere James and John,
the sones of Zebede, whiche weren felowis
of Symount Petre. And Jhesu seith to
Symound, Nyle thou drede; now fro this
tyme thou schalt be takynge men.
11 And
the bootis led vp to the lond, alle thingis
left, thei sueden him.
12 And it was don,
whanne he was in oon of the citees, and
lo! a man ful of leper; and seynge Jhesu,
and fallinge doun in to his face, preiede
him, seyinge, Lord, if thou wolt, thou
maist make me clene.
13 And Jhesu holdinge
forth the hond, touchide him, seyinge,
I wole, be thou maad clene. And anon the
lepre passide a wey fro hym.
14 And Jhesu
comaundide to him, that he schulde seie
to no man; But go thou, schewe thou
thee to a prest, and offre thou for thi
clensinge, as Moyses bad, in to witnessinge
to hem.
15 Sothli the word walkide
aboute the more of him; and manye cumpanyes
camen to gidre, that thei schulden
heere, and be heelid of her syknessis.
16 Forsothe he wente in to desert, and preiede.
17 And it was don in oon of dayes,
and he sittinge tau&yogh;te; and there were
Pharisees sittinge, and doctours of the
lawe, that camen of ech castel of Galilee,
and of Judee, and of Jerusalem; and the
vertu of the Lord was for to heele syke
men.
18 And loo! men beringe in a bed a
man that was syk in palasye, and thei
sou&yogh;ten for to bere `in hym, and to
putte bifore him.
19 And thei not fyndinge
in what part thei schulde bere him yn,
for the cumpenye of peple, sti&yogh;eden vp on
the rof, and by the sclattis thei senten
-- --
him doun with the bed in to the myddil,
byfore Jhesu.
20 The feith of whiche as
Jhesu sy&yogh;, he seide, Man, thi synnes ben
for&yogh;ouun to thee.
21 And scribis and Pharisees
bigunnen for to thenke, seyinge,
Who is this, that spekith blasphemyes?
who may for&yogh;yue synnes, no but God
aloone?
22 Forsoth as Jhesu knew the
thou&yogh;tis of hem, he answeringe seide to
hem, What thenken &yogh;e yuele thingis in
&yogh;oure hertis?
23 What is li&yogh;tere to seye,
Synnes ben for&yogh;ouun to thee, ethir to
seie, Ryse vp, and walke?
24 Sothli that &yogh;e
wite, for mannis sone hath power in
erthe to for&yogh;yue synnes, he seith to the
syke man in palasy, To thee I seie, ryse
vp, take thi bed, and go in to thin hous.
25 And anon he risinge vp `bifore hem, took
the bed in which he lay, and wente in to
his hous, magnyfyinge God.
26 And greet
wondir took alle men, and thei magnyfieden
God; and thei weren fulfillid with
greet drede, seyinge, For we han seyn merueilouse
thingis to day.
27 And aftir thes
thingis Jhesu wente out, and sy&yogh; a puplican,
Leeuy by name, sittinge at the
tolbothe. And he seith to him, Sue thou
me;
28 and alle thingis forsaken, he risynge
suede him.
29 And Leuy made to him a
greet feeste in his hous; and there was a
greet cumpanye of pupplicans, and of
othere that weren with hem, sittinge at
the mete.
30 And Farisees and the scribis
of hem grucchiden, seyinge to his disciplis,
Whi eten &yogh;e and drynken with pupplicans
and synful men?
31 And Jhesu
answeringe seith to hem, Thei that ben
hoole han no nede to a leche, but thei
that han yuele;
32 sothli I cam not to
clepe iust men, but synful men to penaunce.
33 And thei seiden to him, Whi
disciplis of John fasten oft, and maken
bisechingis, also and of Pharisees, but
-- --
thi disciplis eten and drynken.
34 To
whiche he seith, Wher &yogh;e mown make
the sones of the spouse for to faste, the
while the spouse is with hem?
35 Sothli
dayes schulen come, whanne the spouse
schal be taken awey fro hem, thanne thei
schulen faste in tho dayes.
36 Forsoth he
seide to hem also a liknesse; For no man
`sendith a medling of newe cloth in to
an old cloth; ellis and he brekith the
newe, and the medling of the newe acordith
not to the oolde.
37 And no man sendith
newe wyn in to olde wyn vesselis;
ellis the newe wyn schal breke the wyn
vesselis, and the wyn schal be sched out,
and the wyn vesselis schulen perische.
38 But
newe wyn is to be sent in to newe wyn
vesselis, and bothe ben kept.
39 And no man
drynkinge old, wole anon newe; sothli he
seith, The olde is the betere.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
