Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIII.
1 Forsothe sum men nei&yogh;eden in that
tyme, tellinge to him of Galilees, whos
blood Pilat myngede with the sacrificis
of hem.
2 And he answeringe seide to hem,
Wenen &yogh;e, that thes men `of Galilee weren
synneris byfore alle Galileis, for thei suffriden
suche thingis?
3 Nay, I seye to &yogh;ou;
but alle &yogh;e schulen perische in lyk manere,
no but &yogh;e schulen haue penaunce.
4 And as tho ten and ei&yogh;te, `on which the
tour of Siloa felde doun, and slou&yogh; hem,
gessen &yogh;e, for and thei weren dettours
more than alle men dwellinge in Jerusalem?
5 Nay, I sei to &yogh;ou; but also &yogh;e
alle schulen perische, if &yogh;e schulen not do
-- --
penaunce.
6 Forsothe he seide this lyknesse.
Sum man hadde a fyge tree
plauntid in his vyner, and he cam sekynge
fruyt in it, and fond not.
7 Sothli
he seide to the tilier of `the vyner, Loo!
thre &yogh;eeris ben, sithen I come sekinge
fruyt in this fyge tree, and I fond not;
therfore kitt it doun, wherto occupieth it,
&yogh;he, the erthe?
8 And he answeringe seide
to him, Lord, suffre also this &yogh;eer, til the
while I delue aboute it, and sende
toordis;
9 and if it schal make fruyt, ellis
in tyme to comynge thou schalt kitte it
doun.
10 Forsothe he was techinge in the
synagoge of hem in sabotis.
11 And loo!
a womman that hadde a spirit of sykenesse
ten and ei&yogh;te &yogh;eeris, and was bowid
doun, nether `in ony manere my&yogh;te looke
vpward.
12 Whom whanne Jhesu hadde
seyn, he clepide to hym, and seide to
hir, Womman, thou ert left of thi sykenesse.
13 And he puttide to hir the hoondis,
and a non she `was reysid, and glorifiede
God.
14 Sothli the prince of synagoge answeringe,
hauynge dedeyn for Jhesu
hadde heelid in the saboth, seide to the
cumpany, `Sixe dayes ben, in whiche it
bihoueth to wirche; therfore come in
thes, and `be &yogh;e heelid, and not in the
dayes of saboth.
15 Forsothe the Lord answeringe
`to him seide, Ypocrite, wher
ech `of &yogh;ou `vntyeth not in the saboth
his oxe, ethir asse, fro the stable, and
ledith for to watre?
16 Bihofte it not
this dou&yogh;tre of Abraham, whom Sathanas
hath bounden, loo! ten and ei&yogh;te &yogh;eeris,
to be vnbounden of this bond in the day
of saboth?
17 And whanne he seide thes
-- --
thingis, alle his aduersaries weren aschamyd.
And al the peple ioyede in al thingis,
that weren don gloriously of him.
18 Therfore
he seide, To what thing is the
rewme of God lyk? and to what thing
schal I gesse it to be lyk?
19 It is lyk to
a corn of seneuey, which takun, a man
sente in to his &yogh;erd; and it wax, and was
maad in to a greet tree, and fowelis of
the eyr restiden in the braunchis therof.
20 And eftsone he sayd, To what thing
schal I gesse the kyngdom `of God lyk?
21 It is lyk to sourdow&yogh;, which takun, a
womman hidith in thre mesuris of mele,
til `al were sourdowid.
22 And he wente
by citees and castels, techinge and makinge
iurney in to Jerusalem.
23 Sothli sum
man seide to him, Lord, if there ben fewe,
that ben sauyd? Sothli he seide to hem,
Stryue &yogh;e for to entre by the streit &yogh;ate;
24
for I seye to &yogh;ou, many men seken for
to entre, and thei `schulen not mowe.
25 Forsothe whanne the hosebonde man hath
entrid, and closid the dore, &yogh;e schulen bigynne
to stonde with oute forth, and
knocke the dore, seyinge, Lord, opyne to
vs. And he answeringe schal seye to &yogh;ou,
I knowe `not &yogh;ou, of whennis &yogh;e ben.
26 Thanne &yogh;e schulen bigynne to seye, We
han `ete and drunke bifore thee, and in
oure streetis thou hast tau&yogh;t.
27 And he
schal seye to &yogh;ou, I knowe `not &yogh;ou, of
whennis &yogh;e ben; go &yogh;e awey fro me,
alle worcheris of wickidnesse.
28 Ther schal
be wepinge and betinge to gidere of teeth,
whanne &yogh;e schulen se Abraham, and
Ysaac, and Jacob, and alle prophetis in
the kyngdom of God; sothli &yogh;ou to be
put out.
29 And thei schulen come fro the
eest and west, and fro the north and
-- --
south, and sitte at the mete in the rewme
of God.
30 And loo! thei that weren firste,
ben the laste; and thei that weren the
last, ben the firste.
31 In that day summe
of Pharisees camen ny&yogh;, seyinge `to him,
Go out, and go hennis, for Eroude wole
slee thee.
32 And he seith to hem, Go &yogh;e,
and `seye &yogh;e to that fox, Loo! I caste out
fendis, and I make perfitly heelthis, to day
and to morwe, and the thridde day I am
endid.
33 Netheles it bihoueth me to day,
and to morwe, and the `day suynge, to
walke; for it fallith not a prophete to
perische out of Jerusalem.
34 Jerusalem,
Jerusalem, that sleest prophetis, and stoonest
hem that ben sent to thee, hou ofte
wolde I gedere `to gidere thi sones, as a
brid his nest vnder pennes, and thou
noldist.
35 Loo! &yogh;oure hous schal be left
to &yogh;ou desert. Sothli I seie to &yogh;ou, for &yogh;e
schulen not se me, til it come, whanne &yogh;e
schulen seye, Blessid is he, that cometh
in the name of the Lord.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
