Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
LUKE.
The prologe of Luke.
Lucas of Antyoche of Sirye nacioun, in craft a leche, was a disciple of the
apostlis; aftirward he folowide Poul anon in to his passioun, seruynge to the Lord
with outen blame; forwhi he nother hauynge eny tyme wyf, neithir sones, of
seuenty and foure &yogh;eer age deiede in Betanye, ful of the Hooly Gost. The which
aftir that the gospels weren writun, by Matheu forsothe in Jewerie, by Mark
sothli in Ytalie, stirynge the Hooly Gost, this gospel he wroot in `the cuntrees of
Achaye; also signyfiynge him silf, that othere gospelis of Matheu and Mark
weren writen bifore. To whom with oute `the ilke thingis, the whiche the ordre
of the disposinge of the gospel axith, the mooste nede of traueil was, that first to
the bileuyd men of Grees bi alle profeciynge the manheed of Crist comynge in to
fleisch schulde be maad opyn, lest thei, holde with Jewis fablis, in the oonly desyr
of the olde lawe schulde be holde, and that he schulde trauele, lest thei, disceyued
with eretikis fablis and foly bisynessis, schulde falle fro the treuthe; and aftir that, in
the bigynnynge of his gospel, the natiuyte of Jon take bifore, schulde schewe, to
whom he wroot the gospel, and in whom `he chose schulde wryte, makynge opyn
him in him silf to be fulfillid, that weren of othir bigunne. To whom therfore
after the baptym of Goddis sone fro the perfeccioun of generacioun fulfillid in
Crist, and fro the bigynnynge of natyuyte of man to be `rehersid, power `was
grauntid, that to men sechinge he schulde schewe, in whom he was apprehendinge
bi the entringe of the generacioun of vndepartable God, rennynge a&yogh;en `in to
God by Nathan, the sone of Dauith, admittid, prechinge to men his Crist, schulde
make by the `sone the work of a perfit man turne a&yogh;en in to him silf, the which
Luk by Dauith the fadir to men comynge to God &yogh;af a wey in Crist. To the
which Luk power in seruyse of the apostlis dedis to be write was &yogh;oue, that God
ful schewide in to God, other to be God that was in the assencioun, and the sone
of tresoun, that was Judas, acquenchid, the preier of the apostlis maad, thorw
the lot of Goddis choys, `the noumbre schulde be fulfild. So Poul fulfillinge schulde
&yogh;yue to the dedis of the apostlis, whom longe `to a&yogh;ens God, that was Goddis wille,
kikynge the Lord hadde chose. That thou&yogh;t bothe `to men redinge and sechinge God
by alle thingis it were profitable to be spedde of vs, netheles we, knowinge that the
-- --
traueilinge erthe tilier it bihoueth to ete of his frutis, hauith auoyded opyn curiouste,
leste we schulde be seid not to schewe God as wel to men willinge, as to profite to
men aloothinge.
Here endith the prolog, and bigynneth the gospel.
Here bygynneth the prologe on Luyke.
Luik was a man of Syrie bi nacioun, and of Antiochie, and was a leche in
craft, and a disciple of apostlis. Aftirward he suede Poul til to his endyng,
and seruede God, and was with out greet synne, for nethir he hadde a wijf in
ony tyme, nether children, and he diede in Bithynye at `foure and seuentithe &yogh;eer,
and was ful of the Hooli Goost. And whanne gospellis weren writun bi Matheu
in Judee, and bi Mark in Ytalie, Luk bi the stiryng of the Hooli Goost wroot
this gospel in the cuntreis of Acaye. The moste nede of his trauel `was this,
that the manhod of Crist schulde be opyn to feithful Grekis bi alle profetis, that
God schulde come in fleisch, that is, to schewe bi alle profetis, that Crist schulde
be God and man to gidir, lest cristen Grekis token heede to the fablis of Jewis,
and weren holdun in desijr aloone of Moyses lawe. And Luyk trauelide, lest
ether thei weren disseyued bi fablis of eretikis, and fonned stelthis, and felden
awei fro treuthe. This Luyk bigynneth at the concepcioun and natyuyte of Joon
Baptist, and discryueth the natyuyte, and baptym, and prechyng of Crist, and his
deth, and risyng a&yogh;en, and assencioun.
`Jerom in his prolog on Luyk seith pleynli this sentence.
Here bigynneth another prologe.
1 Forsothe for manye men enforceden to ordeyne the tellyng of thingis, whiche
ben fillid in vs,
2 as thei that seyn atte the bigynnyng, and weren ministris of the
word,
3 bitaken, it is seen also to me, hauynge alle thingis diligentli bi ordre, to
write to thee,
4 thou best Theofile, that thou knowe the treuthe of tho wordis,
of whiche thou art lerned.
-- --
Here bygynneth the gospel of Luke.
5 Ther was sum prest, Zacharie by
name, in the dayes of Eroude, kyng of
Judee, of the sort of Abia, and his wyf
of the dou&yogh;tris of Aaron, and hir name
Elizabeth.
6 Sothli thei bothe weren iuste
`bifore God, goynge in alle the maundementis
and iustifyingis of the Lord, with
outen pleynte.
7 And a sone was not to
hem, for that Elizabeth was bareyne, and
bothe hadden gon forth fer in her dayes.
8 Sothli it was don, whanne Sacharie was
set `in presthod, in the ordre of his sort
bifore God,
9 vp the custom of presthod,
by sort he wente forth, that he entrid in
to the temple of the Lord, schulde putte
ensence.
10 And alle the multitude of the
peple was withouteforth, preiynge in the
our of encence.
11 Sothli an aungel of the
Lord apperide to him, stondinge on the
ri&yogh;thalf of the auter of ensence.
12 And
Sacharie seynge was disturblid, and
drede felde doun on him.
13 Forsoth the
aungel seith to hym, Zacharie, drede thou
not; for thi preier is herd, and Elizabeth,
thi wyf, schal bere to thee a sone, and his
name schal be clepid John.
14 And `ioye
and gladinge schal be to thee; and manye
schulen enioye in his natyuite.
15 Sothli he
schal be greet bifore the Lord, and he
schal not drynke wyn and sydir, and he
schal be fulfillid of the Hooly Gost &yogh;it
of his modir wombe.
16 And he schal
conuerte manye of the sones of Israel to
the Lord God of hem;
17 and he schal go
bifore him in the spirit and vertu of
Helye; and he schal turne the hertis of
-- --
fadris in to sones, and men out bileue
to the prudence of iuste men, for to
make redy a parfyt peple to the Lord.
18 And Zachari seide to the aungel, Wherof
schal I wite this? for I am old, and my
wyf hath gon fer in hir dayes.
19 And the
aungel answeringe seide to him, Forsoth
I am Gabriel, that stonde ny&yogh; bifore
God; and I am sent to thee for to speke,
and to euangelise, `or telle, to thee thes
thingis.
20 And loo! thou shalt be stille,
`or doumbe, and thou schalt not mowe
speke til in to the day, in which thes
thingis schulen be don; for that thou hast
not bileuyd to my wordis, whiche schulen
be fillid in her tyme.
21 And the peple
was abidinge Zacharie, and thei wondriden,
for he tariede in the temple.
22 Forsoth
he gon out my&yogh;te not speke to hem,
and thei knewen that he hadde seyn a
vicioun in the temple. And he was bekenynge
to hem, and dwellide doumb.
23 And
it was maad, as the dayes of his office
weren fulfillid, he wente in to his hous.
24 Forsoth after dayes Elizabeth, his wyf,
conseyuede, and hidde hir fyue monethis,
seyinge,
25 For so the Lord dide to me in
the dayes, in the whiche he bihelde, for
to take a wey my schenschip a mong men.
26 Sothely in the sixte monethe the aungel
Gabriel was sent fro God in to a citee of
Galilee,
27 to which the name Nazareth, to
a mayden, weddid to a man, to whom
the name was Joseph, of the house of
Dauith; and the name of the mayden
Marie.
28 And the aungel gon yn to hir
seide, Heil, ful of grace; the Lord be
with thee; blessid be thou among wymmen.
29 Which, whanne she had herd, was
troublid in his word, and thou&yogh;te what
-- --
maner salutacioun this was.
30 And the
aungel seide to hir, Ne drede thou, Marie,
sothli thou hast founden grace anemptis
God.
31 Loo! thou schalt conseyue in the
wombe, and schalt bere a sone, and thou
schalt clepe his name Jhesu.
32 This schal
be greet, and he schal be clepid the sone
of the Hi&yogh;este; and the Lord God schal
&yogh;yue to him the seete of Dauith, his fadir,
and he schal regne in the hous of Jacob
`with outen ende,
33 and of his rewme schal
be non ende.
34 Forsoth Marie seith to
the aungel, On what manere schal this
thing be don, for I knowe not man?
35 And the aungel answeringe seide to hir,
The Hooly Gost schal come fro aboue in
to thee, and the vertu of the Hi&yogh;este schal
schadewe vnto thee; therfore and that
hooly thing that schal be born of thee,
schal be clepid the sone of God.
36 And
loo! Elizabeth, thi cosyness, and sche
hath conceyued a sone in hir elde, and
this monethe is the sixte to hir that is
clepid bareyne;
37 for euery word schal not
be inpossible anemptis God.
38 Forsoth
Marie seide, Loo! the hand mayden of
the Lord; be it don to me aftir thi word.
39 And the aungel departide fro hir. Sothli
Marie risinge vp in tho dayes, wente with
haste in to the hilly placis, in to a citee
of Judee.
40 And sche entride yn to the
hows of Zacharie, and grette Elizabeth.
41 And it was don, as Elizabeth herde the
salutacioun of Marie, the &yogh;onge child in
hir wombe gladide. And Elizabeth `was
fillid with the Hooly Gost,
42 and criede
with grete voys, and seide, Blessid be
thou a mong wymmen, and blessid be the
fruyt of thi wombe.
43 And wherof this
thing to me, that the modir of my Lord
come to me?
44 Loo! forsothe as the vois of
thi salutacioun was maad in myn eeris,
-- --
the &yogh;onge child gladide with ioye in my
wombe.
45 And blessid thou ert, that hast
bileuyd, for tho thingis that ben seid to
thee fro the Lord, schulen be parfytli don.
46 And Marie seide, My soule magnyfieth
the Lord,
47 and my spirit hath gladid in
God, myn heelthe.
48 For he hath biholden
the mekenesse of his hand mayde.
49 Loo!
forsoth of this alle generaciouns schulen
seie me blessid. For he that is my&yogh;ti hath
don grete thingis to me, and his name is
hooly.
50 And his mercy is fro kynredis
in to kynredis, to men dredinge him.
51 He
made my&yogh;te in his arme, he scateride
proude men with mynde of his herte.
52 He puttide doun my&yogh;ty men fro seete,
and enhaunside meke.
53 He hath fillid
hungry men with goode thingis, and he
hath left ryche men voyde.
54 He, hauynge
mynde of his mercy, took vp Israel, his
child;
55 as he hath spoken to oure fadris, to
Abraham and to his seed, in to worldis.
56 Forsoth Marye dwellide with hir as three
monethis, and turnyde a&yogh;en in to hir hous.
57 Sothly the tyme of beringe child `was
fillid to Elizabeth, and sche childide a
sone.
58 And the nei&yogh;eboris and cosyns of
hir herden, for the Lord hadde magnyfied
his mercy with hir; and thei thankiden
him.
59 And it was don, in the
ei&yogh;tethe day, thei camen for to circumside
the child; and thei clepiden him Sacharie,
by name of his fadir.
60 And his modir
answeringe seide, Nay, but he schal be
clepid John.
61 And thei seiden to hir,
For no man is in thi kyn, that is clepid
bi this name.
62 Sothli thei maden a syngne
to his fadir, whom he wolde him for to
be clepid.
63 And he axinge a poyntel,
wroot, seyinge, John is his name. And
alle men wondriden.
64 Forsoth his mouth
-- --
was openyd anon, and his tunge, and he
spak, blessinge God.
65 And drede was
maad on alle her nei&yogh;eboris, and thes
wordis weren pupplischid on alle the
hilly placis of Judee.
66 And alle men that
herden puttedyn in her herte, seyinge,
Who, gessist thou, this child schal be?
And sothli the hond of the Lord was
with him.
67 And Zacharie, his fadir, `was
fillid with the Hooli Gost, and prophesiede,
seyinge,
68 Blessid be the Lord God
of Israel, for he hath visitid, and maad
redempcioun of his peple.
69 And he hath
rerid to vs an horn of helthe in the
hous of Dauith, his child.
70 As he spak by
the mouthe of `hooly prophetis, that ben
fro the world.
71 Helthe fro oure enemyes,
and fro the hond of alle men that hatiden
vs.
72 To do mercy with oure fadris, and
to haue mynde of his hooly testament.
73 The ooth that he swor to Abraham, oure
fadir, `to &yogh;yue him silf to vs.
74 That we
`withoute drede deliuerid fro the hond of
oure enemyes,
75 serue to him, in hoolynesse
and ri&yogh;tfulnesse bifore him in alle oure
dayes.
76 And thou, child, schalt be clepid
the prophete of the Hi&yogh;este; for thou
schalt go bifore the face of the Lord, to
make redy his weyes.
77 For to &yogh;yue the
science of helthe to his peple, in to remiscioun
of her synnes;
78 bi the entraylis of
mercy of oure God, in whiche he spryngynge
vp fro an hi&yogh; hat visytid vs.
79 For
to &yogh;yue li&yogh;t to hem that sitten in derknessis,
and in schadewe of deth; for to
dresse oure feet in to the wey of pees.
80 Sothli the child waxide, and was comfortid
-- --
in spirit, and was in desert til to
the day of his schewinge to Israel.
CAP. II.
1 Forsothe it was don in tho dayes, a
maundement went out fro Cesar August,
`or noble, that al the world schulde be
discryued.
2 This firste discryuyng was
maad of Cyryne, iustice of Cirye.
3 And
alle men wenten, that thei schulde make
profescioun, `or knowleching, ech by
him self in to his cite.
4 Sothly and Josep
sti&yogh;ede vp fro Galilee, of the cite of
Nazareth, in to Jude, in to a cite of Dauith,
that is clepid Bedleem, for that he
was of the hous and meyne of Dauith,
that he schulde knowleche with Marie,
5
`with child spousid wyf to him.
6 Sothli it
was don, whanne thei weren there, the
dayes weren fulfillid, that she schulde
bere child.
7 And sche childide her firste
born sone, and wlappide him in clothis,
and puttide him in a cracche, for ther
was not place to hym in the comyn stable.
8 And schepherdis weren in the same
cuntre, wakinge and kepinge the watchis
of the ny&yogh;t on her flok.
9 And loo! the
aungel of the Lord stood by sydis hem,
and the clerenesse of God schynede aboute
hem; and thei dredden with greet drede.
10 And the aungel seide to hem, Nyle &yogh;e
drede; lo! sothli I euangelise to &yogh;ou a
grete ioye, that schal be to al peple.
11 For
a sauyour is borun to day to vs, that is
Crist the Lord, in the cite of Dauith.
12 And this a tokene to &yogh;ou; &yogh;e schulen
-- --
fynde a &yogh;ong child wlappid in clothis,
and put in a cracche.
13 And sudenly ther
is maad with the aungel a multitude of
heuenly kny&yogh;thod, heriynge God, and seyinge,
14 Glorie be in the hi&yogh;este thingis to
God, and in erthe pees be to men of good
wille.
15 And it was don, that whanne the
aungelis passiden a wey fro hem in to
heuene, the schepherdis spaken to gidere,
seiynge, Passe we ouer til to Bedleem,
and `se we this word that is maad, the
`whiche the Lorde maad, and schewid to
vs.
16 And thei hy&yogh;inge camen, and founden
Marie and Joseph, and a &yogh;ong child put
in a cracche.
17 Sothli thei seinge, knewen
of the word that was seid to hem of this
child.
18 And alle men that hadden herd
wondriden, and of thes thingis that weren
seide to hem of the schepherdis.
19 Forsoth
Marie kepte alle thes wordis, beringe to
gidere in hir herte.
20 And the schepherdis
turneden a&yogh;en, glorifiynge and heriynge
God in alle thingis that thei hadden herd
and seyn, as it is seyd to hem.
21 And
aftir that ei&yogh;te dayes weren endid, that
the child schulde be circumsidid, his
name was clepid Jhesus, which was
clepid of the aungel, bifore he was conseyued
in wombe.
22 And aftir that the
dayes of purgacioun of Marie weren fulfild,
vp Moyses lawe, thei token him in
to Jerusalem, that thei schulden offre him
to the Lord,
23 as it is writun in the lawe
of the Lord, For ech male kynde openynge
the wombe `to go out, schal be
clepid hooly to the Lord;
24 and that thei
schulen &yogh;yue an offrynge, vp that it is
seid in the lawe of the Lord, A peyre of
turtris, or twey culuere briddis.
25 And
lo! a man was in Jerusalem, to whom the
name Symeon; and this man was iust
-- --
and dredful, abidinge the comfort of Israel;
and the Hooly Gost was in him.
26 And he hadde taken answere of the Hooly
Gost, `that he schal not se deeth, no but
he sai&yogh; first the Crist of the Lord.
27 And
he cam in spirit in to the temple. And
whenne his `fadir and modir ledden in
the child Jhesu, that thei schulden do vp
the custom of lawe for him,
28 and he took
him in to his armes, and he blesside God,
and seide,
29 Lord, now thou leeuyst thi
seruaunt vp thi word in pees;
30 for myn
y&yogh;en han seyn thin helthe,
31 the which
thou hast maad redy bifore the face of
alle peplis;
32 li&yogh;t to the schewing of hethene,
and glorie of thi peple of Israel.
33 And his fadir and his modir weren wondringe
on thes thingis, that weren seid of
him.
34 And Symeon blesside hem, and
seide to Marie, his modir, Lo! this is put
in to the fallinge and in to the rysinge
a&yogh;en of many men in Israel, and in to a
tokene, to whom it schal be a&yogh;einseid.
35 And a swerd schal passe thorw thin owne
soule, that thou&yogh;tis be schewid of manye
hertis.
36 And Anna was a prophetisse, the
dou&yogh;tir of Fanuel, of the lynage of Aser.
And sche hadde gon forth in many dayes,
and hadde lyued with hir hosebonde seuen
&yogh;eer fro hir maydenhed.
37 And this was a
widowe `til to foure score &yogh;eer and foure;
which departide not fro the temple,
seruynge ny&yogh;t and day to fastingis and
bisechingis.
38 And this in thilke our
aboue comynge, knowlechide to the Lord,
and spak of him to alle that abiden the
redempcioun of Israel.
39 And as thei hadden
perfytli doon alle thingis, by the lawe
of the Lord, thei turnyden a&yogh;en in to
Galilee, in to her citee Nazareth.
40 Sothli
-- --
the child wax, and was coumfortid, ful
of wysdom; and the grace of God was in
him.
41 And `his fadir and modir wenten
by alle &yogh;eeris in to Jerusalem, in the solempne
day of paske.
42 And whanne Jhesus
was maad of twelue &yogh;eeris, hem sti&yogh;ynge
vp in to Jerusalem, by custom
of the feeste day,
43 and the dayes endid,
whanne thei turneden a&yogh;en, the child
dwelte in Jerusalem, and his fadir and
modir knewen not.
44 Forsothe thei gessinge
him to be in the felowschipe,
camen the wey of a day, and sou&yogh;ten
him a mong his cosyns and knowen.
45 And thei not fyndinge, wenten a&yogh;en in to
Jerusalem, sekynge him.
46 And it was
don, aftir the thridde day thei founden
him in the temple, sittinge in the myddil
of doctours, heeringe hem and axinge
hem.
47 Sothli alle men that herden him,
wondriden on the prudence and answeris
of him.
48 And thei seynge wondriden.
And his modir seide to him, Sone, what
hast thou don to vs thus? Lo! thi fadir
and I sorwynge han sou&yogh;t thee.
49 And he
seith to hem, What is it that &yogh;e sou&yogh;ten
me? wisten &yogh;e not, for in tho thingis
that ben `of my fadir, it bihoueth me
to be?
50 And thei vndirstoden not the
word, which he spak to hem.
51 And he
cam doun with hem, and cam to Nazareth,
and was suget to hem. And his
modir kepte to gidere alle thes wordis,
beringe to gidere in hir herte.
52 And Jhesu
profitide in wysdom, age, and grace,
anemptis God and men.
CAP. III.
1 Forsothe in the fyftenthe &yogh;eer of the
empyre of Tiberie, emperour, Pilat of
Pounce kepinge Judee, sothli Eroude,
-- --
prince of Galilee, Philip forsoth, his brother,
prince of Ituree, and of the cuntre
of Tracon, and Lisany, prince of Abilyn,
2 vndir the princis of prestis Annas and
Cayfas, the word of the Lord is maad
on John, the sone of Zacharie, in desert.
3 And he cam in to al the cuntre of Jordan,
prechinge baptym of penaunce in to
remyscioun of synnes.
4 As it is writun
in the book of wordis of Ysaye, the prophete,
The voys of oon criynge in desert,
Make &yogh;e redy the weye of the Lord,
make &yogh;e his pathis ri&yogh;t.
5 Ech valey
schal be fulfillid, and `ech mountayn and
`litil hil schal be maad lou&yogh;; and schrewide
thingis schulen be in to dressid
thingis, and scharpe thingis in to playne
weyes;
6 and ech fleisch, `or man, schal
se the helthe of God.
7 Therfore he seide
to the cumpanyes, `the whiche wenten
out, that thei schulden be baptysid of
him, Kyndlis of eddris, who schewide to
&yogh;ou to flee fro wraththe to comynge?
8 Therfore do &yogh;e worthi fruytis of penaunce,
and bigynne &yogh;e not to seye,
We han a fadir Abraham; sothli I seie
to &yogh;ou, God is my&yogh;ti `to reise of thes
stoones the sones of Abraham.
9 Forsothe
now an ax is put to the roote of the
tree; sothli ech tree not makynge good
fruyt, schal be kitt doun, and schal be
sent in to the fier.
10 And the cumpanyes
axden him, seiynge, What therfore schulen
we do?
11 Sothli he answeringe seide to
hem, He that hath twey cootis, &yogh;yue `to
him that hath non; and he that hath
metis, do on lyk manere.
12 Sothli and
pupplicans camen for to be baptised;
and thei seiden to him, Maistir, what
-- --
schulen we don?
13 And he seide to hem,
Do &yogh;e no thing more, than `that that is
ordeyned to &yogh;ou.
14 Forsothe and kny&yogh;tis
axiden him, seiynge, What schulen also
we do? And he seith to hem, Smyte &yogh;e
wrongfulli no man, nether make &yogh;e fals
chalenge, and be &yogh;e apaid with &yogh;oure
soudis.
15 Forsoth al the peple gessinge,
and alle men thenkinge in her hertis of
John, lest perauenture he were Crist,
John `answeride,
16 seyinge to alle men,
Sothli I baptise &yogh;ou in watir; forsothe a
strengere than I schal come aftir me, `of
which I am not worthi for to vnbynde
the thwong of his schoon; he schal baptyse
&yogh;ou in the Hooly Gost and fyer.
17 Whos wynewyng tool in his hond, and he
schal purge his `corn floor, and schal
gedere the whete `in to his berne;
sothli the chaffis he schal brenne in fier
vnquenchable.
18 Forsoth and he monestinge
manye othere thingis, euangeliside
to the peple.
19 Sothli Eroude, `the forthe
prince, whanne he was blamyd of John
for Herodias, wyf of his brother, and of
alle euels that Eroud dide,
20 addide this
ouer alle, and closide John in prisoun.
21 Forsoth it was don, whanne al the peple
was baptisid, and Jhesu cristenyd, and
preiynge, heuene was openyd.
22 And the
Hooly Gost cam doun in bodily licknesse,
as a culuere in to him; and a voys was
maad fro heuene, Thou ert my dereworthe
sone, in thee it hath plesid to me.
23 And
`Jhesu him silf was bygynnynge as of
thritti &yogh;eer, that he was gessid the sone
of Joseph, which was of Hely, which
was of Mathath,
24 which was of Leuy,
-- --
wich was of Melchy, which was of
Jamne,
25 that was of Joseph, that was of
Mataty, that was of Amos, that was of
Naum, that was of Hely, that was of
Nagge,
26 that was of Mathath, that was of
Mathatye, that was of Semy, that was
of Joseph,
27 that was of Juda, that was of
Johanna, that was of Resa, that was of
Zorobabel, that was of Salatiel, that was
of Nery,
28 that was of Melchy, that was of
Addy, that was of Cosan, that was of
Elmadan,
29 that was of Her, that was of
Jesu, that was of Eleasar, that was of Jorym,
that was of Mathath, that was of
Leuy,
30 that was of Symeon, that was of
Juda, that was of Joseph, that was of
Jona,
31 that was of Elyachim, that was of
Melca, that was of Menna, that was of
Mathatha, that was of Nathan, that was
of Dauith,
32 that was of Jesse, that was
of Obeth, that was of Booz, that was of
Salmon,
33 that was of Nason, that was of
Amynadab, that was of Aram, that was of
Esrom,
34 that was of Phares, that was of
Judas, that was of Jacob, that was of Ysaac,
that was of Abraham, that was of Tare,
that was of Nacor,
35 that was of Seruch,
that was of Ragau, that was of Phaleth,
that was of Heber,
36 that was of Sale, that
was of Caynan, that was of Arfaxat, that
was of Sem, that was of Noe, that was
of Lameth,
37 that was of Matusale, that
was of Enok, that was of Jareth, that was
of Malaliel,
38 that was of Caynan, that was
of Enos, that was of Seth, that was of
Adam, that was of God.
CAP. IV.
1 Forsothe Jhesu ful of the Hooly Gost
turnede a&yogh;en fro Jordan, and was led by
the spirit in to desert fourty dayes,
2 and
was temptid of the deuyl, and eet no
thing in tho dayes; and tho dayes endid,
he hungride.
3 Forsothe the deuel seide to
him, If thou ert Goddis sone, seye to this
-- --
stoon, that it be maad bred.
4 And Jhesus
answeride to him, It is writun, For a man
lyueth not in `breed aloone, but in euery
word of God.
5 And the deuyl ladde hym
in to an hi&yogh; hil, and schewide to him alle
the rewmes of the roundnesse of erthe in
a moment of a tyme;
6 and seith to him,
I schal &yogh;yue to thee al this power, and the
glorie of hem, for to me thei ben &yogh;ouun,
and to whom I wole I &yogh;yue hem;
7 therfore
if thou `fallinge doun schalt worschipe
bifore me, alle thingis schulen be
thine.
8 And Jhesus answeringe seide `to
him, It is writen, Thou schalt worschipe
the Lord thi God, and to hym aloone
thou schalt serue.
9 And he ledde him in
to Jerusalem, and settide on the pynacle
of the temple, and seide to him, If thou
art Goddis sone, sende thi self fro hennis
down;
10 for it is writen, For he hath comaundid
to his aungels of thee, that thei
kepe thee in alle `thi weyes,
11 and for
thei schulen `in hondis take thee, lest perauenture
thou hirte thi foot at a stoon.
12 And Jhesus answeringe seith to him, It is
seid, Thou schalt not tempte the Lord thi
God.
13 And euery temptacioun endid, the
deuyl wente away fro him til to a tyme.
14 And Jhesu turnyde a&yogh;en in the vertu of
the spirit in to Galilee, and the fame wente
forth of him thur&yogh; al the cuntre.
15 And he
tau&yogh;te in the synagogis of hem, and was
magnyfied of alle men.
16 And he cam to
Nazareth, where he was norischid, and he
entride by custom in the `day of saboth
in to the synagoge, and roos for to rede.
17 And the book of Ysaie, the prophete, was
takun to him; and as he turnyde the
book, he fond a place where it is writun,
The Spirit of the Lord on me,
18 for which
-- --
thing he anoyntide me; he sente me for
to euaungelise to pore men, for to heele
contrite men in herte,
19 and for to preche
remyscioun to caytifs, and si&yogh;t to blynde
men; and for to delyuere brokun men
in to remiscioun; for to preche the &yogh;eer
of the Lord plesaunt, and the day of
&yogh;eldynge.
20 And whanne he hadde closid
the book, he &yogh;af a&yogh;ein to the mynystre,
and sat; and the y&yogh;en of alle men in the
synagoge weren biholdinge in to him.
21 Sothli he bigan for to seie to hem, For
in this day this scripture is fulfillid in
&yogh;oure eeris.
22 And alle men &yogh;auen witnessinge
to him, and wondriden in the
wordis of grace, that camen forth of his
mouth. And thei seiden, Wher this is
not the sone of Joseph?
23 And he seide
to hem, Sothli &yogh;e schulen seie to me this
liknesse, Leeche, heele thi silf. `Thei sayden,
Hou grete thingis han we herd don
in Capharnaum, make thou and here in thi
cuntre.
24 Sothli he seith, Treuli I seie to
&yogh;ou, for no man `prophete is receyued in
his owne cuntre.
25 In treuthe I seie to &yogh;ou,
for manye widewis weren in the dayes of
Elye, the prophete, in Israel, whanne
heuene was closid thre &yogh;eer and sixe
monethis, whanne greet hungir was maad
`in euery lond;
26 and to non of hem was
Elye sent, no but to Sarepta of Sydon,
to a womman widowe.
27 And manye
meselis weren in Israel, vndir Elyse, the
prophete, and non of hem was clensid, no
but Naman of Sirie.
28 And alle in the
synagoge heeringe thes thingis, weren
fulfillid with wraththe.
|
