Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VII.
1 Nyle &yogh;e deme, that &yogh;e be nat demyd;
for in what dome &yogh;e demen,
2 &yogh;e shulen ben
demyd, and in what mesure &yogh;e meten, it
shal be meten to &yogh;ou.
3 But what seest thou
a festu, `or a litil mote, in the ei&yogh;e of thi
brother, and thou seest nat a beme in thin
owne ei&yogh;e?
4 Or what maner saist thou to
thi brother, Brother, suffre that I caste out
a `festu fro thin ei&yogh;e, and loo! a beme is
in thin owne ei&yogh;e?
5 Ypocrite, cast out first
a beme of thin ei&yogh;e, and than thou shalt
see for to cast out a festu of the ei&yogh;e
of thi brother.
6 Nyl &yogh;e &yogh;eue holy thing to
houndis, nether sende &yogh;e &yogh;our margaritis,
or `preciouse stoonys, before swyne, lest
perauenture thei defoulen hem with theire
feet, and `lest houndis turned to gidre al
to-breke &yogh;ou.
7 Axe &yogh;e, and it shal be &yogh;ouen
to &yogh;ou; `seke &yogh;e, and &yogh;e shulen fynde;
`knocke &yogh;e, and it shal be opnyd to &yogh;ou.
8 For eche that axith, takith; and he that
sechith, fyndith; and it shal be opnyde to
`a man knokynge.
9 Other who of &yogh;ou is
a man, whom &yogh;if his sone axe breed, wher
he shal dresse to hym a stoon?
10 Other &yogh;if
he `shal axe a fishe, wher he shal dresse
to hym a serpent?
11 Therfore &yogh;if &yogh;e, when
&yogh;e ben yuel men, `han knowen for to &yogh;eue
good thingus &yogh;ouen to &yogh;oure sonys, hou
myche more &yogh;oure fadir that is in heuenes
shal &yogh;eue good thingis to men axinge
-- --
hym?
12 Therfore alle thingis, what euer
thingis &yogh;ee wolen that men don to &yogh;ou,
and &yogh;e do to hem, forsothe `these thingis
ben the lawe and prophetis.
13 Entre &yogh;e bi
the streyt &yogh;ate; for the gate `that ledith to
perdicioun, or dampnacioun, is brode, and
`the weye large, and `ther ben many that
entren bi it.
14 How streit is the &yogh;ate, and
narewe the weye, that ledith to lijf, and
`there ben fewe that fynden it.
15 Perceyue
&yogh;e, and flee fro fals prophetis, the whiche
cummen to &yogh;ou in clothingis of sheepis,
bot wythynne thei ben rauyshynge wolues;
of her fruytis &yogh;e shulen knowe hem.
16 Whether
men gaderen grapis of thornys, or
fijgis of breeris?
17 So euery good tree makith
good fruytis; sothely an yuel tree
makith yuel fruytis.
18 A good tree may
nat make yuel fruytis, nether an yuel tree
make good fruytis.
19 Euery tree that
makith nat good fruyt, shal be kitte doun,
and shal be sent in to the fire.
20 Therfore of
her fruytis &yogh;ee shulen knowe hem.
21 Nat
eche man that saith to me, Lord, Lord,
shal entre in to the kyngdam of heuenes;
but he that doth the wille of my fadir
that is in heuenes, he shal entre in to
the kyngdam of heuenes.
22 Many shul say
to me in that day, Lord, Lord, whether
we han nat prophecied in thi name, and
han cast out deuelis in thi name, and han
don many vertues in thi name?
23 And than
Y shal knowliche to hem, For I knewe
&yogh;ou neuer; departe awey fro me, &yogh;e that
worchen wickidnesse.
24 Therfore eche man
that herith these my wordis, and doth
hem, shal be maad liche to a wijse man,
that hath bildid his hous vpon a stoon.
25 And rayn came doun, and flodis camen,
and wyndis blewen, and rusheden in to
that hous; and it felle nat doun, for it
-- --
was foundid on a stoon.
26 And euery man
that herith these my wordis, and doth hem
nat, is liche to a man fool, that hath bildid
his hous on `grauel, or soond.
27 And rayn
came doun, and floodis camen, and wyndis
blewen, and thei hurliden in to that hous;
and it felle doun, and the fallyng doun
therof was grete.
28 And it is maad, when
Jhesus hadde eendid these wordis, the
cumpanyes wondreden on his techyng;
29 sothely
he was techynge hem, as `a man
hauynge power, and nat as the scribis of
hem, and Pharisees.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
