1   And whanne Jhesus came ni&yogh; to Jerusalem, and cam to Bethfage, in the mount of Olyfeet, thanne Jhesus sente his two disciplis, 2   seyinge to hem, Go &yogh;e in to the castel that is a&yogh;einus &yogh;ou, and anon &yogh;e shal fynde a she asse tyed, and a colt with hir; vnbynde &yogh;e, and bryng to me. 3   And &yogh;if eny man `shal seie to &yogh;ou eny thinge, `seie &yogh;e, that the Lord hath need to hem; and anoon he shal leeue hem. 4   Trewly al this was don, that that thing that was seid by the prophete shulde be fulfillid, seyinge, 5   Seie &yogh;e to the dou&yogh;ter of Syon, Loo! thi kyng cometh to thee, `homly, or meke, sittynge on `an asse, and a `fole, the sone of a beest vndir &yogh;ook. 6   Forsothe disciplis, goynge, diden as Jhesus comaundide hem. 7   And thei brou&yogh;ten to a she asse, and `the fole, and puttiden

her clothis on hem, and maden hym sitte aboue. 8   Forsothe ful muche cumpanye strewiden her clothis in the wey; sothely other kittiden braunchis of trees, and strowiden in the weye. 9   But the cumpanyes that wenten before, and that sueden, crieden, seyinge, Osanna, that is, I preie, saue, to the sone of Dauith; blessid is he that cummeth in the name of the Lord; Osanna in `the hee&yogh;ist thingis. 10   And when he had entrid in to Jerusalem, al the cite was stirid, seyinge, Who is this? 11   Treuly the peplis seiden, This is `Jhesus, the prophete, of Nazareth of Galilee. 12   And Jhesus entride in to the temple of God, and kest out of the temple alle `sellynge and byinge; and he turnyde vpsadoun the bordis of chaungeris, and the chaiers of men sellynge culueris. 13   And he seith to hem, It is writen, My hous shal be clepid an hous of preiere; forsothe &yogh;e han made it a denne of thefes. 14   And blynde and crokid `camen ni&yogh; to hym `in the temple, and he helide hem. 15   Forsothe the princis of prestis and scribis, seeynge the marueilouse thingis that he dide, and children cryinge in the temple, and seiynge, Osanna to the sone of Dauith, dedeyneden, 16   and seiden to hym, Heerist thou what these seyen? Sothely Jhesus seith to hem, &YOGH;he; wher &yogh;e han nat rad, For of the mouth of children, that kunnen nat speke, and of soukynge mylk, thou hast made parfite heryinge? 17   And, hem forsaken, he wente forth out of the citee, in to Betanye; and there he dwelte, and tau&yogh;te hem of the kyngdam of God. 18   Forsothe on the morw, he, turnynge a&yogh;ein in to the citee, hungride. 19   And he, seeynge a fige tree bysidis the weye,

came to it, and fonde no thing `ther on no but leeuys oonly; and he seith to it, Neuer be fruyt born of thee, in to with outen eende. And anoon the fijge tree was dried vp. 20   And disciplis seeynge, wondreden, 21   seyinge, Hou `anon it driede. Sothely Jhesus answerynge, seith to hem, Trewly I seye to &yogh;ou, &yogh;if &yogh;e shulen han feith, as a corn of seneuey, and `douten nat, nat oonly &yogh;e shulen do of this fijge tree, bot and &yogh;if &yogh;e seien to this hill, Take thee, and caste thee in to the see, `and so it shal be don. 22   And alle thingis what euer &yogh;e shulen axe in preier byleuynge, &yogh;ee shulen take. 23   And whenne he came in to the temple, the princis of prestis and eldre men of the peple camen ni&yogh; to hym techynge, seyinge, In what power dost thou these thingis? and who &yogh;af to thee this power? 24   Jhesus answerynge seide to hem, And I shal axe &yogh;ou o word, the whiche &yogh;if &yogh;e shulen seie to me, and I shal seie to &yogh;ou, in what power I do these thingis. 25   Of whennes was the baptem of Joon; of heuene, or of men? And thei thou&yogh;ten with inne `hem self, seyinge, 26   &YOGH;if we shulen seie of heuene, he shal seie to vs, Whi therfore beleuen &yogh;e nat to hym? Sothely &yogh;if we shulen seie of men, we dreden the cumpanye `of peple, for alle hadde Joon as a prophete. 27   And thei answerynge to Jhesu seiden, We witen nat. And he seith to hem, Nether I seie to &yogh;ou, in what power I do these thingis. 28   Forsothe what semeth to &yogh;ou? Sum man hadde two sonys; and he `cummynge ni&yogh; to the firste seide, Sone, go `for to worche this day in to myn vyne&yogh;erd. 29   Sothely he answerynge seith, I nyle; forsothe afterward he stirid by

penaunce, `or forthenkynge, wente. 30   Forsothe he, cummynge to `the tother, seide lic maner. And he answerynge seith, Lord, I go; and he wente nat. 31   Who of the two dide the `fadris will? Thei seien to hym, The firste. Jhesus seith to hem, Trewly I seie to &yogh;ou, for puplicanys and hooris shulen go before &yogh;ou in to the kyngdam of God. 32   Forsothe Joon cam to &yogh;ou in the weye of ri&yogh;twisnesse, and &yogh;e bileeueden nat to hym; but puplicanys and hooris beleueden to hym. Sothely &yogh;ee seeynge `nether hadde don penaunce afterward, that &yogh;e bileeuyden to hym. 33   Heere &yogh;e an other parable. `Ther was an husbondman, that plantide a `vyne &yogh;erd, and &yogh;aue an hegge aboute, and dalue a pressour therynne, and bildide a toure, and `hiride, or sette it to ferme, to erthe tiliers, and wente ferre in pilgrimage. 34   Forsothe whenne the tyme of fruytis nei&yogh;ide, he sente his seruauntis to the erthe tiliers, that thei token fruytis of it. 35   And, his seruauntis taken, the erthe tiliers beeten `the toon, `an other thei slewen, `but another thei stoonyden `to deth. 36   Eftsones he sente other seruauntis, mo than the firste, and `liche maner thei diden to hem. 37   Forsothe at the laste he sent his sone to hem, seyinge, Thei shulen `shame, or drede, my sone. 38   Sothely the erthe tiliers, seeynge the sone, seiden with ynne hem self, This is the eire; cume &yogh;e, slea we hym, and we shulen haue his eritage. 39   And, `hym taken, thei kesten out of the vyn&yogh;erd, and slewen. 40   Therfore whenne the lord of the vyne&yogh;erd shal

cume, what shal he do to `the ilk erthe tiliers? 41   Thei seien to hym, He shal lese yuele the yuel men, and sette to hire his vyne&yogh;erd to other erthe tiliers, the whiche shulen &yogh;elde to hym fruytis in her tymes. 42   Jhesus seith to hem, Redden &yogh;e neuer in scripturis, The stoon `the whiche `beldynge men reproueden, this is maad in to the heued of the corner? `Of the Lord this thing is maad, and it is merueilous in oure ei&yogh;en. 43   Therfore I seie to &yogh;ou, for the kyngdam of God shal be taken fro &yogh;ou, and shal be &yogh;ouen to a folk doinge fruytis `of it. 44   And he that shal falle on this stoon, shal be broken togidre; forsothe `vpon whom it shal falle, it shal `togidre poune hym. 45   And when the princis of prestis and Pharisees hadden herde his parablis, thei knewen that he seide `of hem. 46   And thei, seekynge to holde hym, dreden the cumpanyes `of peple, for thei hadden hym as a prophete.

Previous section

Next section