Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. III.
1 For loo! in tho days, and in that
tyme, whanne Y shal to gydre turne the
caitiftee of Juda and Jerusalem,
2 Y
shal gedre alle folkis, and Y shal leede
hem forth in to the valey of Josaphath;
and Y shal dispute there with hem on
my peple, and myn eritage Yrael, whom
thei scaterden in naciouns; and thei
departiden my lond,
3 and on my peple
thei senten lot; and thei puttiden a chijld
in the bordel hous, and solden a meydchijld
for wijn, that thei shulden drynke.
4 Sothely what to me and &yogh;ou, Tyrus, and
Sydon, and alle the terme of Palestynys?
Wher &yogh;e shuln &yogh;elde vengyng to me? and
&yogh;if &yogh;e vengen &yogh;ou a&yogh;einus me, soone swiftly
Y shal &yogh;eelde the whilnesse to &yogh;ou on
&yogh;our hed.
5 Forsothe &yogh;e token my syluer
and gold, and my desireable and most
faire thingus &yogh;e baren in to &yogh;our templis.
6 And &yogh;e solden sonys of Juda, and sonys
of Jerusalem to the sonys of Greekis,
-- --
that &yogh;e shulden make hem fer fro her
coostis.
7 Loo! Y shal reyse hem of the
place in whiche &yogh;e solden hem; and Y
shal turne to gydre &yogh;our &yogh;eldyng in to
&yogh;our hed.
8 And Y shal selle &yogh;our sonys
and &yogh;our dou&yogh;tris in the hondis of the
sonys of Juda, and thei shuln selle hem
to Sabeis, a fer folc, for the Lord spac.
9 Crie &yogh;e this thing in heithen men, halewe
&yogh;e bateile, reyse &yogh;e strong men; alle menfi&yogh;ters,
cum to, and stey vp.
10 Bete to
gydre &yogh;our plowis in to swerdis, and &yogh;our
pikoysis, or mattokis, in to speris; the
seeke man saye, for Y am strong.
11 Breste
&yogh;e out, and come &yogh;e, alle folkis of cumpas,
and be &yogh;e gadrid; there the Lord shal
make thi stronge men for to dye.
12 Folkis
rijse to gydre, and stie vp in to the valey
of Josephath; for there I shal sitte, that
Y deme alle folkis in cumpas.
13 Sende &yogh;e
sykelis, for the corn hath rypid; cum &yogh;e,
and discende &yogh;e, for the pressoure is ful;
pressours ben plenteuouse, for the malice
of hem is multiplied.
14 Peplis, peplis in
the valey of concisioun, or sleaynge to
gydre; for the day of the Lord is ni&yogh; in
the valey of concisioun.
15 The sonne and
mone ben maad derck, and sterris withdrewen
her shynyng.
16 And the Lord of
Syon shal rore, and of Jerusalem shal
&yogh;eue his voice, and heuens and erthe
shuln be moued; and the Lord hoope of
his peple, and strengthe of the sonys of
Yrael.
17 And &yogh;e shuln wite, for Y the
Lord &yogh;our God, dwellynge in Syon, in my
holy hyll; and Jerusalem shal be holy,
and aliens shuln namore passe therby.
18 And it shal be, in that day mounteyns
shuln droppe swetnes, and litil hillis shuln
flowe with mylk, and by alle the reuers
of Juda waters shuln go; and a welle shal
go out of the hous of the Lord, and shal
moiste the reyny streme of thornys.
19 Egypt shal be in to desolacioun, and
Ydume in to desert of perdicioun; for
that that thei diden wickidly in to sonys
of Juda, and shedden out innocent blood
-- --
in her lond.
20 And Jude in to with oute
eende shal be enhabited, and Jerusalem
in to generacioun and generacioun.
21 And
Y shal clense the blood of hem, whiche
Y clenside not; and the Lord shal dwelle
in Syon.
Here endith the book of Joel, and
bigyn[neth] the book of Amos, prophete.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
