Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIV.
2 Yrael, be thou conuertid to the Lord
thi God, for thou hast fallen to gydre in
thi wickidnesse.
3 Take with &yogh;ou wordis,
and be &yogh;e conuertid to the Lord; and
saye &yogh;e to hym, Do awey alle wickidnesse,
and resceyue good; and we shuln
&yogh;eelde the calues of our lippis.
4 Assur
shal not saue vs, we shuln not steye on
hors; nether we shuln saye more, Our
goddis werkis of oure hondis; for thou
shalt haue mercy of the ylke fadrelesse
chijld, that is in thee.
5 Y shal heele the
contricioun of hem; Y shal loue hem of
my free wille, for my woodnesse is turned
awey fro hem.
6 Y shal be as dew, and
Yrael shal buriowne as lilie. And the roote
of hym shal birst out as of Lyban;
7 the
braunchis of hym shuln go. And as olyue
his glorie shal be, and his sauour as of
Liban.
8 Thei shuln be conuertid sittynge
in the shadewe of hym; thei shuln lyue
in whete, and shuln burioune as a vyne
&yogh;erd. The memoriel of hym as wijn of
Lyban.
9 Effraym, what ouer to me ydolis?
Y shal heere hym, and Y shal dresse
hym as a beeche wexinge green. Of me
thi fruyte is founden.
10 Who is wijse, and
shal vndirstonden these thingis? vndirstondynge,
and shal wite these thingis?
For ri&yogh;tful the wayes of the Lord, and
iust men shuln walke in hem; forsothe
trespassours shuln falle in hem.
Here endith the book of Osee, and
bigynneth the book of Joel, prophete.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
