Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XII.
1 Forsothe in that tyme My&yogh;hel shal
rijse, the grete prince, that stondith for
sonys of thi peple. And tyme shal cum,
what maner was not, fro that sithen
folkis bygunen for to be, vn to that
tyme. And in that tyme thi peple shal
be saued, eche that shuln be founden
wrijten in the boke of lijf.
2 And manye
of these that slepten in dust of erthe,
shuln wake out, other in to euerlastinge
lyf, and othere in to shenship, that thei
se euermore.
3 Forsothe thei that shuln
be tau&yogh;t men, or wijse, shuln shyne as
shynyng of the firmament, and thei that
lernen, or enfourmen, manye to ri&yogh;twijsnesse,
as sterris in to euerlastyngnessis.
4 Forsothe thou, Danyel, close the wordis,
and seale the boke, vn to the tyme ordeynyd;
-- --
ful manye shuln passe, and
science manyfold shal be.
5 And Y, Danyel,
saw&yogh;, and loo! as two other stoden;
oon stode on this syde, vpon the ryuere
of floode, and an other on that syde, on
the tother part of the floode.
6 And I
sayde to the man, that was clothid with
lynnen, whiche stode vpon the watris of
the floode, Hou longe the eende of these
merueylis?
7 And Y herde the man, that
was clothid in lynnen, whiche stode vpon
watris of the floode, whann he hadde
reyside vp his ri&yogh;t and left half in to
heuen, and swore by the lyuynge in to
with outen eende, For in to tyme, and
tymys, and the half of tyme. And whan
scateryng abrood of the lond of holy
peple shal be fulfillid, alle these thingus
shuln be eendid.
8 And Y herde, and vndirstode
not; and saide, My lord, what
shal be after these thingus?
9 And he
saith, Go thou, Danyel, for the wordis
ben closid and sealid, vn to tyme ordeynyd.
10 Thei shuln be chosen, and be
maad whijt, and as fijr many shuln be
proued, and vnpytous men shuln do vnpytously,
nether alle vnpitouse men shuln
vndirstonde; forsothe tau&yogh;t men shuln
vndirstonde.
11 And fro tyme in whiche
contynuel sacrifice shal be don awey, and
abomynacioun in to desolacioun shal be
sett, days a thousand two hundrid and
nynty.
12 Blessid is he, that abydith, and
fully cummeth, vn to days a thousand
thre hundrid and thritty and fyue.
13 Forsothe
-- --
go thou to determynd; and thou
shalt reste a&yogh;ein, and shalt stonde in thi
sort, or part, in the eende of days.
Hidre to we reeden Danyel in Ebru;
other thingis that suen, til in to the eende
of the boke, ben translatid of the making
of Theodosyon.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
