Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 In the thridde &yogh;eer of the kyngdam
of Joachym, kyng of Juda, Nabugodonosor,
kyng of Babiloyne, came in to Jerusalem,
and byseegide it.
2 And the Lord
bitoke Joachym, kyng of Juda, in the
hond of hym, and he toke a part of vessels
of the hous of God; and bare hem
out in to the lond Sennaar, in to the
hous of his god, and toke the vessels in
to the hous of tresour of his god.
3 And
the kyng saith to Aphanet, prepost, or
souereyne, of his geldingus, that he shulde
brynge yn of the sonys of Yrael, and of
the kyngus bloode, and the children of
-- --
tyrauntis,
4 or strong men, in whom was
no wem, faire in fourme, and lernd in al
wisdam, war in science, and tau&yogh;t in
disciplyne, and whiche mi&yogh;ten stonde in
paleys of the kyng, that he shulde teche
hem lettris and langage of Caldeis.
5 And
the kyng ordeynde to hem fruyte of oo
&yogh;eer bi alle days of his metis, and of the
wijne of whiche he dranke; that thei
nurishid out in three &yogh;eers, afterward
shulden stonde in si&yogh;t of the kyng.
6 Therfore there weren amonge hem of
the sonys of Juda, Danyel, Ananyas,
Mysael, and Azarias.
7 And the prepost
of geldyngus puttide to hem names; to
Danyel, Balthasar; to Ananyas, Sydrac;
to Mysael, Mysac; and to Azarias, Abdenago.
8 Forsothe Danyel purposide in his
herte, that he were not defoulid of the
borde of the kyng, nether of the wyne
of his drinke; and he preyede the prepost
of the geldingis, that he were not
defoulid.
9 Forsothe God &yogh;aue grace and
mercy to Danyel, in si&yogh;te of the prince
of geldyngus.
10 And the prince of geldingus
saide to Danyel, I dreede my lord
the kyng, whiche ordeynede to &yogh;ou mete
and drinke; whiche &yogh;if he shal see &yogh;our
cheeris lener byfore other &yogh;unge men,
&yogh;our eueneldis, &yogh;e shuln condempne myn
hede to the kyng.
11 And Danyel sayde
to Malassar, whom the prince of geldyngus
hadde ordeynyd vpon Danyel, Ananye,
Mysael,
12 and Azarie, I beseche,
tempte, or assaie, vs thi seruauntis ten
days, and be potage &yogh;ouen to vs for to
ete, and water for to drinke;
13 and byholde
thou oure cheeris, and the cheeris of
children that eten the kyngus mete; and
as thou shalt see, so do thou to thi seruauntis.
14 Whiche, siche manere wordis
herd, temptide hem ten days.
15 Forsothe
after ten days the cheeris of hem apperiden
betir and fuller of fleshe, byfore alle
the children that eeten kyngus mete.
16 Sotheli
Malassar toke the metis, and wijn
-- --
the drinke of hem, and &yogh;aue to hem potagis.
17 Forsothe God &yogh;aue to these children
science and discipline in eche boke,
and wisdam; to Danyel sothely vndirstondynge
of alle visiouns and sweuens.
18 And so the days fulfillid, after whom the
kyng saide, that thei shulden be brou&yogh;t
yn, the prepost of geldyngus brou&yogh;te hem
yn, in the si&yogh;t of Nabugodonosor.
19 And
whan the kyng spac to hem, ther ben not
founden siche of alle, as Danyel, Ananyas,
Mysael, and Azarias; and thei stoden in
si&yogh;t of the kyng.
20 And eche word of wijsdam
and vndirstondyng, that the kyng
axide of hem, he fonde in hem the tenthe
folde ouer alle dyuynours and witchis,
that weren in alle the rewme of hym.
21 Forsothe Danyel was vn to the first &yogh;eer
of kyng Cyrus.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
