Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. V.
37 Loo! forsoth thi sones cummen, whom
thou leftist scaterid; thei gadrid cummen
to thee fro the eest vn to the west
in the word of the holy, ioying in to
honour of God.
1 Jerusalem, vnclothe thee
the stoole of mournynge, and of thi traueile;
and clothe thee with fairnesse, and
honour of it, that is to thee of God in
euerlastynge glorie.
2 Forsoth God shal
enuyroun thee with double clothe of ri&yogh;twisnesse,
and shal putte to thin heued a
mytre of euerlastynge honoure.
3 Forsoth
God shal shewe in thee his shynynge,
that is vndir heuen.
4 Sotheli thi name
shal be named to thee of God in to with
outen eend, Peese of ri&yogh;twisnesse, and
honour of pitee.
5 Jerusalem, rijse vp, and
stoonde in hee&yogh;, and biholde aboute to
the eest; and see thi sones gaderid fro
the sune, rijsinge vn to the west in the
word of the holy, ioyinge in the mynde
of God.
6 Forsoth thei wenten out fro
thee, led in feet of enmyes; forsoth the
Lord shal brenge to thee hem born in to
honour, as the sonnys of kyngdam.
7 Forsoth
God ordeynyde for to meek eche
hee&yogh; hill, and euerlastynge rooches, and
for to fulfille the euen valeys in to the
euenesse of erthe; that Yrael walke diligentli
in to honour of God.
8 Sothely
woddis and eche tree of swetnesse of
Israel shadewiden, or obeiden, to the
maundement of God.
9 Forsoth God shal
-- --
leede to Yrael with myrthe in the li&yogh;t
of his maiestee, with mercy and ri&yogh;twisnesse,
that is in hym.
Heer begynneth ensaumple of the
same pistle, whiche Jeremye sente to
the caitifs led aweie in to Babiloyne, of
the kyng `of men of Babiloyne, that he
shulde shewe to hem, after that it is
comaundid to him of God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
