Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 And these ben the wrdus of the boc,
that wrot Baruch, the sone of Neri, sone
of Masy, sone of Sedechie, sone of Sedei,
sone of Elchie,
2 in Babilon; in the fifte
&yogh;er, in the seuenthe dai of the moneth,
in the tyme that Caldeis token Jerusalem,
and brenden it vp with fyr.
3 And
Baruch radde the wrdus of this boc at
the eres of Jeconye, sone of Joachym,
-- --
king of Juda, and at the eres of al the
puple comende to the boc;
4 and at the eres
of the my&yogh;ti men of the sonus of kingus,
and at the eres of prestus, and at the eres
of the puple, fro the leste vnto the meste
of hem, alle dwellende in Babyloyne, and
at the flod of Sodi.
5 The whiche herende
wepten, and fasteden, and pre&yogh;eden in
the si&yogh;t of the Lord.
6 And thei gedereden
monee, after that my&yogh;te of eche the
hond.
7 And thei senten in to Jerusalem
to Joachym, sone of Elchie, sone of Salen,
the prest, and to the prestus, and to
al the puple that ben founde with hym
in Jerusalem;
8 whan thei shulde take the
vesseles of the temple, that weren take
awei fro the temple, to a&yogh;een clepe `in to
the lond of Juda, the tenthe dai of the
moneth Cybam; the siluer vesselis, that
Sedechie, sone of Josie, king of Juda,
made,
9 after that Nabugodonosor, king of
Babiloyne, hadde take Jeconye, and his
princes, and alle the my&yogh;ti, and the
puple of the lond fro Jerusalem, and
bro&yogh;te them gyued in to Babiloyne.
10 And
thei seiden, Lo! wee han sent to &yogh;ou
mones, of whiche bieth brent sacrifise, and
cens, and maketh manaa, and offreth for
synne at the auter of the Lord oure
God.
11 And pre&yogh;eth for the lif of Nabugodonosor,
king of Babiloyne, and for the
lif of Balthasar, his sone, that the da&yogh;es
of them be as the da&yogh;es of heuene vp on
erthe;
12 that the Lord &yogh;yue vertue to vs,
and li&yogh;tne oure e&yogh;en, that wee lyue vnder
the shadewe of Nabugodonosor, king of
Babiloyne, and vnder the shadewe of
Balthasar, his sone; and serue wee to
hem manye da&yogh;es, and fynde wee grace
in the sy&yogh;te of hem.
13 And for vs self
pre&yogh;eth to the Lord oure God, for wee
han synned to the Lord oure God, and
turned awei is not his wodnesse fro vs,
vn to this dai.
14 And redeth this boc, that
wee han sent to &yogh;ou, to be reherced in
-- --
the temple of the Lord, in a solempne
dai, and in a couenable day.
15 And &yogh;ee
shul sey, To the Lord oure God ri&yogh;twisnesse,
to vs forsothe confusioun of oure
face, as is this dai to al Juda, and to the
dwelleris in Jerusalem,
16 to oure kingus,
and to oure princes, to oure prestus, and
to oure profetus, and to oure faders.
17 We
han synned bifor the Lord oure God, and
wee han not leeued, mystrostende in to
hym.
18 And we wer not soietable `to hym,
and wee wel herden not the vois of the
Lord oure God, that wee shulde go in
his maundemens that he &yogh;af to vs;
19 fro
the dai that he ladde out oure faders fro
the lond of Egipt, vn to this dai, we
weren mystrowable to the Lord oure
God; and scatered we wenten awey, lest
wee shulde heren the vois of hym.
20 And
ther cleueden to vs many euelis, and
cursingus, the whiche the Lord sette to
his seruaunt Moises; that ladde out oure
faders fro the lond of Egipt, to &yogh;yue to
vs the lond flowende mylc and hony, as
in this day.
21 And wee herden not the
vois of the Lord oure God, after alle the
wrdus of profetus, that he sente to vs, and
to oure iugis;
22 and we wenten awey, eche
in to the wit of oure shreude herte, to
werche to alien godus, doende euelus bifor
the e&yogh;en of the Lord owre God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|