CAP. XLIV.
1 The wrd that is do to Jeremye, and to
alle the Jewis, that dwellen in the lond
of Egipt, dwellende in Magdalo, and in
Tannys, and in Memphis, and in the
lond of Fatures,
2 seiende, These thingus
seith the Lord of ostus, God of Irael, &YOGH;ee
han seen al thys euel, that Y haue bro&yogh;t
vp on Jerusalem, and vp on alle the cites
-- --
of Juda; and lo! thei ben desert to dai,
and ther is not in hem a dwellere;
3 for
the malice that thei diden, that me to
wrathe thei shulde terre, and gon, and
sacrifien, and herien alien godus, that thei
knewe not, and &yogh;ee, `and thei, and &yogh;oure
fadris.
4 And Y sente to &yogh;ou alle my seruauns
and profetus, fro ny&yogh;t risende, and
sendende, and seiende, Wileth not do the
wrd of this maner abhominacioun.
5 And
thei herden not, ne boweden in ther ere,
that thei were conuertid fro ther eueles,
and sacrifieden not to alien godis.
6 And
&yogh;ot out is myn indignacioun and wodnesse,
and tend vp it is in the cytes of
Juda, and in the stretus of Jerusalem;
and turned thei ben in to wildernesse,
and wastite, after this day.
7 And now
these thingus seith the Lord of ostus, God
of Irael, Whi do &yogh;ee this grete euel a&yogh;en
&yogh;oure soulus, that die of &yogh;ou man and
womman, litil child and soukende, fro
the myddel of Jude, ne be laft to &yogh;ou
any thing residue,
8 terrende me in the
werkes of &yogh;oure hondus, in sacrifiende to
aliene godus in the lond of Egipt, in to
whiche &yogh;ee ben come, that &yogh;ee dwelle
there, and pershe, and be in to cursing,
and in to repref to alle Jentilis of erthe?
9 Whether &yogh;ee han for&yogh;ete the euelis of
&yogh;oure fadris, and the euelis of the kingus
of Juda, and the euelis of the wyues of
hem, and &yogh;oure eueles, and the euelys of
&yogh;oure wyues, that thei diden in the lond
of Juda, and in the regiouns of Jerusalem?
10 Thei ben not clensid vnto this
day, and thei dredde not, and wente not
in the lawe of the Lord, and in myn
hestus, that Y &yogh;af bifor &yogh;ou, and bifor
&yogh;oure fadris.
11 Therfore these thingus seith
the Lord of ostus, God of Irael, Lo! Y
shal sette my face in &yogh;ou in to euel,
and destro&yogh;en al Juda,
12 and take the remnauns
of Juda, that setteden ther faces,
that thei shulden go in to the lond of
Egipt, and dwelle there; and thei shul
-- --
be wastid alle in the lond of Egipt, `and
thei shul falle in swerd, and in hunger
shul be wastid, fro the leste `vn to the
meste, in swerd and in hunger thei shul
die, and thei shul be in to `ri&yogh;t of swerding,
and in to myracle, and in to cursing,
and in to repref.
13 And Y shal visite vp on
the dwelleres of the lond of Egipt, as Y
visitede vp on Jerusalem, in swerd, and
hunger, and pestilence.
14 And ther shal
not be that scape, and be the residue of
the remnaunt of Jewis, that gon that thei
pilgrimage in the lond of Egipt, and be
turned a&yogh;een to the lond of Juda, to
whiche thei reren vp ther soules, that
thei be turned a&yogh;een, and dwelle there;
thei shul not be turned a&yogh;een thidur, no
but thei that floun.
15 Answerende forsothe
to Jeremye alle the men, witende
that ther wyues shulden sacrifien to alien
godus, and alle the wymmen, of whiche
stod a gret multitude, and al the puple
of dwelleris in the lond of Egipt, in Fatures,
seiende,
16 The wrd that thou speeke
to vs in the name of the Lord oure God,
wee shul not heren of thee,
17 but doende
wee shul do eche word that `shal gon
oute of oure mouth, that wee sacrifie to
the queen of heuene, and offre to hir
sacrifise of licoures, as diden wee, and
oure fadris, oure kingus, and oure princes,
in the cheef cites of Juda, and in the
stretus of Jerusalem; and we weren fulfild
with loeves, and wel it was to vs,
and euel wee se&yogh;en not.
18 Fro that forsothe
tyme, that wee ceseden to sacrifien to the
queen of heuene, and to offre to hir sacrifises
of licoures, wee nededen alle
thingus, and with swerd and hunger wee
ben wastid.
19 That if wee sacrifien to
the queen of heuene, and offre to hir
sacrifises of licoures, whether withoute
oure men wee shul do to hir plesaunt
cakes, `for to herie hir, and sacrifises of
licoures to ben offred?
20 And Jeremye
-- --
seide to al the puple, a&yogh;en the men, and
a&yogh;en the wymmen, and a&yogh;en al the folc,
that answereden to hym the wrd, seiende,
21 Whether not the sacrifise that &yogh;ee sacrifieden
in the cites of Juda, and in the
stretus of Jerusalem, &yogh;ee, and &yogh;oure fadris,
&yogh;oure kingus, and &yogh;oure princes, and the
puple of the lond, of these thingus recordide
the Lord, and it ste&yogh;ede vp vpon
his herte;
22 and the Lord my&yogh;te no mor
bern, for the malice of &yogh;oure studies, and
for the abhomynaciouns that &yogh;ee diden?
And don is &yogh;oure lond in to desolacioun,
and in to stoneing, and in to cursing,
for thi that ther is not a dwellere, as ys
this dai.
23 Therfore `for &yogh;ee sacrifieden
to maumetus, and synneden to the Lord,
and &yogh;ee herden not the vois of the Lord,
and in the lawe, and hestus, and in his
witnesses &yogh;ee han not gon, therfore
camen to &yogh;ou these eueles, as is this dai.
24 Jeremye forsothe seide to al the puple,
and to alle the wymmen, Hereth the wrd
of the Lord, al Juda, that ben in the lond
of Egipt.
25 These thingus seith the Lord
of ostus, God of Irael, seiende, &YOGH;ee and
&yogh;oure wyues speeken with &yogh;oure mouth,
and with &yogh;oure hondus fulfilden, seiende,
Do wee oure vouwis that wee vouweden,
that wee sacrifie to the quen of heuene,
and offre to hir sacryfises of licoures;
&yogh;ee han fulfild &yogh;oure vouwis, and in werc
&yogh;ee han do them.
26 Therfore hereth the
wrd of the Lord, al Juda, that dwellen in
the lond of Egipt; Lo! Y swor in my
gret name, seith the Lord, for no mor
shal be clepid my name of the mouth of
eche man Jew, seiende, The Lord God
lyueth, in the lond of Egipt.
27 Lo! Y shal
waken vp on hem in to euel, and not in
to good; and to-wastid shul ben alle the
men of Juda, that ben in the lond of
Egipt, with swerd and hungur, to the
tyme that fulli thei ben wastid.
28 And
they that shul flee swerd, shul turne
a&yogh;een fro the lond of Egipt in to the lond
-- --
of Juda, fewe men; and wite shul al the
remnaunt of Juda, of the men goende in
to the lond of Egipt, that thei dwelle
there, whos sermoun be fulfild, myn or
theris.
29 And this to &yogh;ou a tocne, seith
the Lord, that Y visite vp on &yogh;ou in this
place, that &yogh;ee wite, for verrely shul be
fulfild my wrdus a&yogh;en &yogh;ou in to euel.
30 These thingus seith the Lord, Lo! Y shal
take Farao, king of Egipt, in the hond
of his enemys, and in the hond of men
sechende the soule of hym, as Y toc Sedechie,
king of Juda, in the hond of Nabugodonosor,
king of Babiloyne, his enemy,
and sechende his soule.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
