Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXV.
1 The wrd that is do to Jeremye, of al
the puple of Jude, in the ferthe &yogh;er of
Joachym, sone of Josie, king of Juda,
aftir that Jeconye is translatyd in to
Babiloyne; it is the firste &yogh;er of Nabugodonosor,
king of Babiloyne;
2 that spac
Jeremye, the profete, to al the puple of
Juda, and to alle the dwelleris of Jerusalem,
seiende,
3 Fro the threttenthe &yogh;er of
the regne of Josie, sone of Amon, king of
Juda, vnto this dai, this is the thre and
twentithe &yogh;er, don is the wrd of the Lord
to me; and Y spac to &yogh;ou, fro ny&yogh;t risende
and spekende, and &yogh;ee herden not.
4 And
the Lord sente to &yogh;ou alle his profetus
seruauns, risende the morutid, and sendende,
and &yogh;ee herden not, ne boweden in
&yogh;oure eres, that &yogh;ee here;
5 whan he shulde
seyn, Turneth a&yogh;een, eche fro his euel
weie, and fro &yogh;oure werste tho&yogh;tus, and
&yogh;ee shul dwelle in the lond that the Lord
&yogh;af to &yogh;ou, and to &yogh;oure fadris, fro the
world and vnto the world.
6 And wileth
not gon aftir alien godis, that &yogh;ee serue
to them, and honoure them, ne me to
wrathe &yogh;ee terre, in the werkes of &yogh;oure
hondus, and Y tormente &yogh;ou not.
7 And
&yogh;ee herden not me, seith the Lord, that
me to wrathe &yogh;ee terreden in the werkus
of &yogh;oure hondus, in to &yogh;oure owne euel.
8 Therfore these thingus seith the Lord of
ostus, For thi that &yogh;ee herden not my
wrdus, lo!
9 Y shal sende, and taken to alle
the kinredus of the north, seith the Lord,
and Nabugodonosor, king of Babiloyne,
my seruaunt; and Y shal bringe them vp
on this lond, and vpon his dwelleris, and
-- --
vp on alle his naciouns, that in his cumpas
ben; and Y shal slen hem, and sette
them in to stoneyng, and in to whistling,
and in to wildernesse euerdurende.
10 And
Y shal leese fro them vois of io&yogh;e, and vois
of gladnesse, vois of the womman spouse,
and vois of the man spouse, vois of the
querne, and li&yogh;t of the launterne.
11 And
ben shal al his lond in to wildernesse,
and in to stoneyng; and seruen shuln
alle these folkis to the king of Babiloyne
seuenty &yogh;er.
12 And whan shul be fulfild
seuenti &yogh;er, Y shal visite vp on the king
of Babiloyne, and vp on that folc, seith
the Lord, the wickenesse of them, and
vp on the lond of Caldeis, and putten it
in to euermor wildernesses.
13 And Y shal
bringe vpon that lond alle my wrdus that
Y spac a&yogh;en it, al that ys write in this
boc; what euere thingus profeciede Jeremye
a&yogh;en alle Jentilis;
14 for they serueden
to them, whan thei weren many Jentiles,
and grete kingus; and Y shal &yogh;elde to them
after ther werkes, and aftir the deedus of
ther hondus.
15 For thus seith the Lord of
ostus, God of Israel, Tac the chalis of the
wyn of this wodnesse fro myn hond, and
thou shalt heelde drinc of it to alle Jentilis,
to whiche Y shal senden thee.
16 And
thei shul drinke, and be disturbid, and
waxe wod fro the face of the swerd, that
Y shal sende among hem.
17 And Y toc the
chalis of the hond of the Lord, and Y
helde oute drinc to alle Jentilis, to whiche
sente me the Lord;
18 to Jerusalem, and to
alle the cites of Juda, and to his kingus,
and to his princes; that Y shulde &yogh;yue
them in to wildernesse, and in to stoneyng,
and in to whistling, and in to cursing,
as is this dai;
19 to Farao, king of
Egipt, and to his seruauns, and to his
princes, and to al his puple;
20 and to alle
men ienerali, to alle kingus of erthe of
the est kuntree, that is clepid Hus, `or
Ansitidis, and to alle kingus of the
lond of Filisteym, and of Ascalon, and of
-- --
Gaze,
21 and of Accharon, Ydume, Asote,
and to othere; and to Moab, and to the
sonus of Amon;
22 and to alle kingus of
Tiri, and to alle kingus of Sidon, and
to kingus of the lond of iles that ben
bi&yogh;unde the se;
23 and to Dedan, and to
Theman, and to Bus, and to alle that
ben dodded in to the her;
24 and to alle
kingus of Arabie, and to alle kingis of
the west, that dwellen in desert;
25 and to
alle kingus of Samri, and to alle kingus
of Elam, and to alle kingus of Medus;
and to alle kingus of the north,
26 and fro
ny&yogh; and fro aferr, to eche a&yogh;en his brother;
and to alle reumes of erthe, that
ben vp on his face; and king Cesac shal
drinke aftir hem.
27 And thou shalt sei to
them, These thingus seith the Lord of
ostus, God of Irael, Drinketh, and beth
drunken, and vometh, and falleth, and
wileth not rise fro the face of the swerd
that Y shal sende among &yogh;ou.
28 And whan
thei wiln not take the chalis fro thin
hond, that thei drinke, thou shalt sei to
them, These thingus seith the Lord of
ostus, Drinkende &yogh;ee shul drinke;
29 for
lo! in the cite in whiche is inwardliche
clepid my name, Y bigynne to tormente,
and &yogh;ee as ynnocentus harmles shul be?
&yogh;ee shul not ben harmlis, forsothe I clepe
a swerd vp on alle dwelleris of erthe,
seith the Lord of ostus.
30 And thou shalt
profecien to them alle these wrdus, and
sei to them, The Lord fro an hi&yogh; shal
rore, and fro his hoeli dwelling place
shal &yogh;yue his vois; rorende he shal roren
vp on his fairnesse; a merie faring song,
as of men tredende in presses, `shal be
sunge togidere a&yogh;en alle the dwelleris
of erthe.
31 The soun ful cam vnto the
vtmostus of erthe, for dom to the Lord
with Jentylis, he is demed with alle
flesh; vnpitous men I toc to swerd, seith
the Lord.
32 These thingus seith the Lord
of ostus, Lo! tormenting shal gon out fro
-- --
folc in to folc, and a gret whirlewind shal
gon out fro the ouermostus of erthe.
33 And ther shul be the slayne of the Lord
in that day fro the ouermost of erthe
`vn to the ouermost of it; thei shul not
be wellid, ne be gedered, ne be biried;
in to a dunghll vp on the face of the
erthe thel shul lyn.
34 &YOGH;elleth, &yogh;ee shepperdus,
and crieth, and sprengeth &yogh;ou
with askes, &yogh;ee most wrshepeful of the
floc; for fulfild ben &yogh;oure da&yogh;es, that &yogh;ee
shul be slayn, and &yogh;oure scateringus, and
&yogh;ee shul falle as precious vesseles.
35 And
pershe shal fli&yogh;t fro the shepperdus, and
sauyng fro the best of the floc.
36 Vois of
the cri of shepperdus, and &yogh;elling of the
best of the floc, for the Lord wastede
the leswes of hem.
37 And al stille weren
the `wilde feldis of pes, fro the face `of
the wrath of the wodnesse of the Lord.
38 He forsoc as a leoun his tabernacle, for
mad is the lond of hem in to desolacioun,
fro the face of the wrathe of the
culuer, and fro the face of the wrathe
of the wodnesse of the Lord.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
