Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. I.
1 The wrdis of Jeremye, sone of Elchie,
of the prestus that weren in Anathot, in
the lond of Beniamyn.
2 That maad is the
wrd of the Lord to hym in the da&yogh;es of
Josie, sone of Amon, king of Juda, in the
threttenthe &yogh;er of his regne.
3 And don it
is in the da&yogh;es of Joachym, sone of Josie,
king of Juda, vn to the ful ending of the
elleuenthe &yogh;er of Sedechie, sone of Josie,
king of Juda, vnto the transmygracioun
of Jerusalem, in the fifte monyth.
4 And
don is the wrd of the Lord to me, seiende,
Bifor that I foormede thee in the wombe,
5
Y knew thee; and er thou wentest out of
the priue wombe, I halowede thee; and
a profete in folkis of kinde I &yogh;af thee.
6 And I seide, A! A! A! Lord God, lo!
7 I kan not speke, for a child I am. And
the Lord seyde to me, Wile thou not
seyn, for a child I am; for to alle thingus
that I shal sende thee, thou shalt go, and
alle thingis, what euere I shal sende to
thee, thou shalt speke.
8 Ne drede thou
fro the face of them, for I am with thee,
that I delyuere thee, seith the Lord.
9 And
the Lord sente his hond, and touchide
my mouth; and the Lord seide to me,
Lo! I haue &yogh;oue my wrdis in thi mouth;
lo!
10 I haue set thee to dai vp on folkis of
kinde, and vp on reumes, that thou pulle
vp, and destro&yogh;e, and springe abrod, and
waste, and bilde vp, and plaunte.
11 And
don is the wrd of the Lord to me, seiende,
What seest thou, Jeremye? And Y seide,
A wakende &yogh;erde I see.
12 And the Lord
seide to me, Wel thou hast seen, for I
shal waken vp on my wrd, that I do it.
13 And don is the wrd of the Lord the
secounde tyme to me, seiende, What
seest thou? And I seide, A pot tend vp
-- --
I see, and his face fro the face of the
north.
14 And the Lord seide to me, Fro
the north shal be schewid euel vp on
alle the dwelleris of erthe.
15 For lo! I
shal clepe togidere alle the kinredis of
the rewmes of the north, seith the Lord,
and thei shul come, and setten eche his
see in the entre of the &yogh;atis of Jerusalem,
and vp on alle his wallis in enuyroun,
and vp on alle the chef cites of Juda.
16 And I shal speke my domes with hem
vp on al the malice of hem, that forsoke
me, and offreden to aliene goddis, and
honoureden the werc of ther hondis.
17 Thou thanne gird vp thi leendis, and
ris, and spec to them alle thingus that I
comaunde to thee; ne be thou aferd fro
the face of them, ne forsothe Y shal make
thee to dreden the chere of them.
18 Y forsothe
haue &yogh;oue thee to dai in to a
strengthid cite, and in to an irene pilere,
and in to a brasen wal, vp on al erthe,
to the kingus of Juda, and to his princes,
and to his prestes, and to al the puple of
the lond.
19 And thei shul fi&yogh;te a&yogh;en thee,
and not han the maistri; for I with
thee am, seith the Lord, that I delyuere
thee.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
