Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. L.
1 That seynge Joseph, fel vpon the face
of the fader, wepynge, and kyssynge hym,
and comaundide to the seruauntis,
2 his
leches, that with swete oynementis thei
shulden anoynte the fader.
3 The whiche
the maundementis fulfillynge, passiden
ouer fourti dayes; this forsothe manere
was of bodies anoynt, and Egipte wepte
hym seuenti dayes.
4 And fulfillid the
tyme of weilyng, Joseph to the meyne of
Pharao spak, If Y haue founde grace in
&yogh;oure si&yogh;t, spek &yogh;e in the eeris of Pharao,
5 therthur&yogh; that my fader hath chargid me
with ooth, seiynge, Loo! Y dye, in my
sepulcre that I deluede to me in the loond
of Chanaan, thow shalt byrye me; thanne
I shal steie vp that Y byrye my fader,
and shal turne a&yogh;en.
6 And Pharao seyde
to hym, Stey vp, and byry thi fader, as
thow hast sworne.
7 Whom stiynge vp,
&yogh;eden with hym alle the oold men of the
hows of Pharao, and alle the more thur&yogh;
birthe of the loond of Egipte,
8 the hows
of Joseph with his bretheren, with outen
litil children, and flockis, and droues, that
laften in the loond of Gessen.
9 And he
hadde in his ledyng chares, and rydynge
men, and there was maad the companye
not a litil.
10 And thei camen to the
thresshyng feelde of Adad, the which is
set bi&yogh;onde Jordan, where holdynge the
-- --
offices for the deed, with greet weilyng
and hydows, fulfilliden seuen dayes.
11 That
whanne hadden seen the dwellers of the
loond of Chanaan, seiden, A greet weilyng
is this to the Egipcyens, and therfor
thei clepiden the name of that place The
weylyng of Egipte.
12 Thanne the children
of Yrael diden as it was comaundid hem,
and berynge hym into the loond of Chanaan,
13
byryden hym in the dowble spelunk,
that Abraham bou&yogh;te with the feelde,
into possessioun of a sepulcre, of Ephron
Ethei, a&yogh;ens the face of Mambre.
14 And
Joseph is turned a&yogh;en into Egipte, with
his britheren, and with al the cumpanye,
the fader beryed.
15 The which deed, dredynge
the bretheren of hym, and togidere
spekyng, lest perauenture he haue mynde
of the wrong that he suffrede, and &yogh;eelde
to vs al the yuel that we han do,
16 senten
to hym, seiynge, Thi fader comaundide
vs or he shulde die,
17 that thes wordes to
thee we shulden seye, Y preye, that thow
for&yogh;ete the wickidnes of thi bretheren,
and of the synne, and of the malyce that
thei wrou&yogh;ten in thee; and we preyen,
that to the seruaunt of God, thi fader,
thow for&yogh;eue this wickidnesse. The whiche
thingis herd, Joseph wepte.
18 And to hym
comen his bretheren, and mekid into the
erthe lowtiden,
19 and seiden, Thi seruauntis
we ben. To whom he answerde, Wole &yogh;e
not dreden, whether mowen we a&yogh;enstonde
the wil of God?
20 &YOGH;e thou&yogh;ten of
me yuel, and God turneth it into good,
that he shulde enhaunce me, as &yogh;e now
seen, that saaf he make many puples;
wole &yogh;e not dreden,
21 Y shal fede &yogh;ow, and
&yogh;oure children. And he coumfortide hem,
and fayre and softly he spak,
22 and dwelte
in Egipte, with al the hows of his fader,
and lyuede an hundrid and ten &yogh;eer, and
saw&yogh; the sones of Effraym vnto the
thridde generacioun; and the sones of
-- --
Machir, sone of Manasse, ben born in the
kneen of Joseph.
23 The whiche thingis
ouerpassid, he spak to his bretheren,
After my deeth God shal visite &yogh;ow, and
make &yogh;ow steyen vp fro this loond to
the loond that he fastnede with ooth to
Abraham, Ysaac, and Jacob.
24 And whanne
he hadde adiuryd hem, and seide, God
shal visite &yogh;ow, bere &yogh;e with &yogh;ow my
bones fro this place,
25 he diede, fulfillid an
hundred and ten &yogh;erys of his lijf, and
anoyntide with swete oynementis, was
leid in to towmbe in Egipte.
Heere endith Genesis and now
bigynne[th] Exodus
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
