Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XVI.
1 For Saray, the wijf of Abram, had not
geet to hym fre children; but hauynge
an hand mayden Egipcian, Agar bi name,
seyde to hir howsbond, Loo!
2 the Lord
hath closid me, that Y may not bere; go
into myn hand maydyn, if perauenture
at the leste of hir I take children. And
whanne he assentide to hir preiyng,
3 he
toke Agar the Egipcian, hir hand mayden,
aftir ten &yogh;eer that thei bigunnen to dwelle
in the londe of Chanaan, and she &yogh;aue
hir a wijf to hir husbond.
4 The which
&yogh;ede into hir; and she seynge hir silf
that she had conseyued, dispiside hir ladi.
5 And Saray seide to Abram, Vneuenli
thow dost a&yogh;ens me; I haue &yogh;yuun myn
hand mayden into thi bosum, the which
seynge that she hath conseyued, hath me
to despit; the Lord deme bitwix me and
thee.
6 To whom answerynge Abram, Lo!
he seith, thin hand maydyn is in thin
hond; vse hir as it is leueful. Thanne
Saray ouertraueilynge hir, she &yogh;ede into
fly&yogh;t.
7 And whanne the aungel of the
Lord hadde foundun hir biside the welle
of water in wildirnes, the which is in the
weye of Sur in desert,
8 he seide to hir,
Agar, the hand mayden of Saray, whens
comyst thow, and whithir gost thow?
9 The which answeride, Fro the face of
Saray my ladi I flee. And the aungel
of the Lord seide to hir, Turne a&yogh;en to
thi ladi, and be meke vndir the hondis of
hir.
10 And eft, Multipliynge, he seith, I
shal multiplie thi seed, and it shal not be
nowmbrid for the multitude.
11 And herafterward,
Loo! he seith, thow hast conseyued,
and thow shalt bere a sone, and
thow shalt cleep the name of hym Ysmael,
-- --
therthur&yogh; that the Lord hath herd
thin affliccioun;
12 this shal be a feers man;
the hoond of hym a&yogh;ens alle, and the
hoond of alle a&yogh;ens hym; and `forn a&yogh;ens
alle his britheren he shal ficche tabernaclis.
13 Agar forsothe clepide the name
of the Lord that spak to hir, Thow God
that saw me; and she seide, Forsothe
here I haue seen the hyndirmore of thilk
that saw me.
14 Therfor she nemnyde that
pytte, the pytte of hym lyuynge and seynge
me; thilk is bytwix Cades and Barad.
15 And Agar bare to Abram a sone,
the which clepide the name of hym Ismael.
16 Of ei&yogh;ti and sixe wynter was
Abram, whanne Agar bare to hym Ismael.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
