Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. L.
1 These thingus seith the Lord, What is
this boc of the forsaking of &yogh;oure moder,
that I lafte hir? or who is my creauncer,
to whom I solde &yogh;ou? Lo! forsothe in
&yogh;oure wickidnesses &yogh;ee be sold, and in
&yogh;oure hidous giltes I lafte &yogh;oure moder.
2 For I cam, and there was not a ful man;
I clepide, and ther was not that herde.
Whether abreggid, and ful litil maad is
myn hond, that I mai not a&yogh;eenbien? or
is not to me vertue to delyuere? Lo! in
my blamyng desert I shal make the se,
I shal putte flodis in to dro&yogh;te; stinke
shul fisshes withoute watir, and dien in
thrist.
3 I shal clothin heuenes with dercnesses,
-- --
and a sac Y shal putte the coueryng
of hem.
4 The Lord &yogh;af to me a ta&yogh;t
tunge, that I kunne hym susteyne, that
is weri in wrd; he rereth vp the morutyd,
the morutyd rereth vp to me an ere,
that I here as a maister.
5 The Lord God
openede to me an ere; I forsothe a&yogh;ensei
not, bacward I &yogh;ide not awei.
6 My bodi
I &yogh;af to the smyteres, and my chekes
to the pulleris; my face I turnede not
awei fro the blameres, and the spitteres
in me.
7 The Lord God myn helpere, and
therfore I am not confoundid; therfore
I putte my face as a most hard ston, and
I wot for I shal not ben confoundid.
8 Ny&yogh; is, that iustefieth me; who with
seith to me? stonde wee togidere. Who
is myn aduersarie? come he ny&yogh; to me.
9 Lo! the Lord God myn helpere; who
thanne is that condempneth me? Lo!
alle as a cloth shul be to-trede, and a
mo&yogh;te shal ete them.
10 Who of &yogh;ou dredende
the Lord, herende the vois of his
seruaunt? Who &yogh;ide in dercnesses and
ther is not li&yogh;t to hym, hope he in the
name of the Lord, and leene he vp on
his God.
11 Lo! &yogh;ee alle teendende vp fyr,
and gird with flawmes, goth in the li&yogh;t
of &yogh;oure fyr, and in the flaumes that &yogh;ee
teenden vp to &yogh;ou. Of myn hond don is
this to &yogh;ou, in sorewis &yogh;ee shul slepe.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
