Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXIV.
1 Ne&yogh;heth, &yogh;ee Jentiles, and hereth; taketh
heed, &yogh;ee puples; here the lond, and
his fulnesse, the world, and al his buriownyng.
2 For the indignacioun of the
Lord vp on alle Jentiles, and wodnesse
vp on al the chyualrie of hem; he slo&yogh;
hem, and &yogh;af them in to sla&yogh;ter.
3 The
slayne of hem shul be throwe afer, and
of the careynes of hem shal ste&yogh;en vp
stinc; whlaten shul mounteynes of the
blod of hem.
4 And wlate shal al the
kny&yogh;thed of heuenes, and `heuenes shulen
be foldid togidere as a boc, and al
the kny&yogh;thed of hem shal fade, as fadeth
awey a lef of the vyne and of the fige
tree.
5 For inwardli drunken is in heuene
my swerd; lo! vp on Ydume it shal come
doun, and vp on the puple of my sleyng,
to dom.
6 The swerd of the Lord fulfild
-- --
is of blod, innerly fattid it is with tal&yogh; of
blod of lombis and of get, of the blod
of merewi wetheres; forsothe victorie
sacrifises of the Lord in Bosra, and gret
sla&yogh;ter in the lond of Edom.
7 And doun
shul come vnycornes with hem, and booles
with the my&yogh;ty; inwardli drunken shal
be the lond of hem with blod, and the
loewe erthe of hem with tal&yogh; of fatte
thingis;
8 for the dai of the veniaunce of
the Lord, &yogh;er of &yogh;eelding of the dom of
Sion.
9 And turned shuln ben his stremes
in to pich, and his loew&yogh; erthe in to
brunston; and his erthe shal be in to
brennende pich, ny&yogh;t and day.
10 It shal
not be queynt in to euermor, his smoke
shal ste&yogh;en vp fro ieneracioun in to ieneracioun,
and desolat shal be in to worldus
of worldis; ther shal not ben a passere
thur&yogh; it.
11 And welden shul it the foul
in face lic an asse, and the irchoun; and
the snyte, and the crowe dwelle shul in
it; and stra&yogh;t out vp on it shal ben a
mesure, that it be bro&yogh;t to no&yogh;t, and `a
lyne euene doun pi&yogh;t in to desolacioun.
12 His noble men shul not be there; the
king more thei shul inwardly clepen, and
ben shuln alle his princes in to no&yogh;t.
13 And ther shul springe in his houses
thornes and netles, and tasil in the
strengthis of it; and it shal be the bed
place of dragownes, and the leswe of
ostriches.
14 And a&yogh;en come shul deueles,
the beste party an asse and `a party
a man, and the wodewose; the tothir
shal crie to the tother.
15 There shal lyn
`lamya, that is, a thirs, or a beste
hauende the bodi lic a womman and
horse feet; and he fyndeth to himself
reste; there hadde diches the yrchoun,
and nurshede out litle chittes, and aboute
dalf, and nurshede in his shadewe;
-- --
there ben gedered kites, the tother to
the tother.
16 Secheth besily in the boc of
the Lord, and redeth; oon of hem failyde
not, the tother at the tother so&yogh;te not;
for that of my mouth &yogh;ide forth, he comaundide,
and his spirit he gederede
tho thingus.
17 And he sente to them lot,
and his hond deuydede it to them in to
mesure; vnto euermore thei shul welden
it, in ieneracioun and ieneracioun thei
shul dwellen it.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
