1   Wo! &yogh;ee sonus forsakeres, seith the Lord, that &yogh;ee schulden do counseil, and not of me; and wefen a web, and not bi my spirit, that &yogh;ee adde synne vp on synne. 2   The whiche gon, that &yogh;ee descende in to Egipt, and my mouth &yogh;ee han not askid; hopende helpe in the strengthe of Farao, and hauende trost in the shadewe of Egipt. 3   And shal be to &yogh;ou the strengthe of Farao in to confusioun, and the trost of the vmbre of Egipt in to shenshepe. 4   Wenten forsothe in Thampnys thi princes, and thi messageres vnto `Anes cite ful camen. 5   Alle thei ben confoundid vp on the puple, that to hem my&yogh;te no than profited; thei weren not in to helpe, and in to any profit, but in to confusioun and repref. 6   The charge of the bestes of the south. In the lond of tribulacioun and of anguysh, a leounesse, and a leoun, of hem a violent eddere, and a kokatrice fleende; berende vp on the shuldris of bestes ther richesses, and vp on the bocche of camailes ther tresores, to the puple that to them my&yogh;te not han profited. 7   Egipt forsothe wastli, and in veyn shal helpen. Therfore I criede vp on this, Pride onli it is; reste thou. 8   Now thanne gon in, wryt to it vp on a box table, and in a boc bisili graue it; and it shal be in the laste day in to witnessyng, vn to euermore. 9   The puple forsothe to wrathe ys terrende, and sones lieres, sones not willende to heren the lawe of God. 10   That seyn to men seende, Wileth not see; and to men biholdende, Wileth not biholde to vs tho thingus that ben ri&yogh;te; speketh to vs plesaunt thingus, seeth to vs erroures. 11   Doth awei fro me the weie, bowith doun fro me the sty; cese fro oure face the hoeli Irael. 12   Therfore these thingus seith the

hoeli of Irael, For thi that &yogh;ee han repreued this wrd, and han hopid in to wronge chaleng, and in to noise, and han lened vp on it, 13   therfore shal be to &yogh;ou this wickidnesse as betwe brosure fallende, and a&yogh;een so&yogh;t in an hee&yogh; wal; for sodeynly whil me hopeth not, shal come the to-brosing of it. 14   And shal be tomynusht, as is to-brosid the galoun of the crockere with ful strong to-brosyng; and ther shal not be founde of his brosingus a shord, in whiche be born a litil fyr fro the brennyng, or be drawe a litil of water fro the dich. 15   For these thingus seith the Lord God, hoeli of Irael, If &yogh;ee turnen a&yogh;een, and resten, &yogh;ee shul be saaf; in scilence and in hope shal be &yogh;oure strengthe. And &yogh;ee wolden not. 16   And &yogh;ee seiden, Nai, but to hors we shul flee; therfor &yogh;ee shul flee. And vp on swift wee shul ste&yogh;en vp; therfor more swift shul be, that shul pursue &yogh;ou. 17   A thousend men fro the face of the ferd of oon; and fro the ferd of the face of fyue &yogh;ee shul fleen, to the tyme that &yogh;ee be laft as the mast of a ship in the cop of a mounteyn, and as tocne vp on an hil. 18   Therfor abideth the Lord, that he haue mercy of &yogh;ou, and therfore shal ben enhauncid the sparende to &yogh;ou; for God of dom the Lord, blisful alle that abijden hym. 19   The puple forsothe of Sion `shal dwelle in Jerusalem; wepende thou shalt not wepe, rewende, `or doyng mercy, he shal han mercy of thee; at the vois of thi cry, anoen as he hereth, he shal answern to thee. 20   And the Lord shal &yogh;yue to thee streit bred, and short water, and he shal not make to fleen awey fro thee more thi techere; and thin e&yogh;en shul be seende thi comaundere, 21   and thin eres shuln heren the wrd bihinde the bac of the monestere; This the weie, goth in it, nouther to the ri&yogh;t ne to the lyft. 22   And

thou shalt al to-foule the plates of the grauen thing of thi siluer, and the clothing of thi &yogh;oten gold; and thou shalt distro&yogh;e them, as the vnclennesse of the blod flux of wymmen; Go out, and thou shalt sey to it. 23   And ther shal be &yogh;oue reyn to thi sed, wher euere thou shalt sowe in the erthe, and the bred of the frutus of the erthe shal be most plenteuous `and fatt; ther shul be fed in thi possessioun in that day the lomb spaciously, `or largly. 24   And thi bolis and thin asse coltes, that werken the erthe, mengd barly thei shul ete, as in the cornflor it is wynewid. 25   And ther shul be vp on alle hee&yogh; mounteyn, and vp on alle rered hil, ryueres of rennende watris, and in the dai of sla&yogh;tir of manye, whan shul falle toures. 26   And the li&yogh;t of the moone shal be as the li&yogh;t of the sunne, and the li&yogh;t of the sunne shal be seuene fold, as the li&yogh;t of seuene da&yogh;es, in the dai that the Lord shal bynde the wounde of his puple, and the smyting of his wounde shal helen. 27   Lo! the name of the Lord cam fro afer; his wodnesse brennende and heuy to bern; his lippis ben fulfild with indignacioun, and his tunge as fyr deuourende. 28   His spirit as a swift strem, flowende vnto the myddel of the hyl, to be lost Jentiles in to no&yogh;t, and the bridil of errour, that was in the chekes of puples. 29   A song shal be to &yogh;ou, as the vois of the halewid solempnete; and the gladnesse of herte, as he that goth with a trumpe, that he entre in to the hil of the Lord, to the stronge of Irael. 30   And herd the Lord shal make the glorie of his vois, and the ferd of his arm he shal shewe in threting of wodnesse, and in flaume of fyr deuourende; he shal hurtle in whirlewind, and in the ston of hail. 31   Fro the vois forsothe of the Lord shal dreden Assur smyte with a &yogh;erde; 32   and the passing of the &yogh;erde shal be founded, that the Lord shal make

to resten vp on hym. In tymbris, and harpis, and in cheef batailis he shal ouercome them. 33   Greithid is forsothe fro &yogh;istai Tofeth, fro the kyng greithid; his nurshemens deep and spred, fyr and myche wode; the blast of the Lord as a strem of brunston vp brennende it.

Previous section

Next section