Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXIII.
1 The charge of Tyry. &YOGH;elleth, &yogh;ee
shippes of the se, for wastid is the hous,
whennus to comen `thei weren wont; fro
the lond of Sethym it is opened to them.
2 Beth stylle, &yogh;ee that dwellen in the ile,
the chaffaring of Sidon; the men seilende
3 ouer the se fulfilden thee with manye
watris; the sed of Nyli, the rip of the
flod his frutes, and mad is the chaffare
of Jentiles.
4 Ashame thou, Sidon, seith
the se, the strengthe of the se, seiende,
I trauailide not with child, and bar not,
and nurshede not out &yogh;ung childer, ne to
ful waxing bro&yogh;te forth maidenes.
5 Whan
herd it shal be in Egipt, thei shuln sorewen,
whan thei shuln heren of Tiro.
6 Passeth the ses; &yogh;elleth, that dwellen in
the ile.
7 Whether not this &yogh;oure is, that
gloriede fro the rathere da&yogh;es in his eelde?
leden shuln it aferr hir feet to pilgrymagen.
8 Who tho&yogh;te this vp on Tirun sum
tyme crouned, whos nededoeres princes,
his marchaundus noble men of the erthe?
9 The Lord of ostes tho&yogh;te this, that he
drawe doun the pride of alle glorie, and
to shenshipe bringe doun alle the noble
men of erthe.
10 Passe ouer thi lond as the
flod, thou do&yogh;ter of the se; ther is no
more girdil to thee.
11 His hond ouer the
se he `strecchide, and disturbede reumes.
The Lord sente a&yogh;en Canaan, that he totrede
his stronge men;
12 and seide, Thou
shalt no mor leyn to, that thou glorie,
chalengis sustenende, thou maden do&yogh;ter
of Sidon. In Sichym risende ouerseile
thou; there forsothe shal not ben
reste to thee.
13 Lo! the lond of Caldeis such
a puple was not; Assur foundide it; in
to caitifte thei ouerladden the stalwrthe
-- --
men of it; thei vnderdoluen his houses,
thei putten it in to falling.
14 &YOGH;elleth, &yogh;ee
shipes of the se, for doun wastid is &yogh;oure
strengthe.
15 And it shal be, in that dai in
for&yogh;eting thou shalt be, O! Tire, seuenti
&yogh;er, as the da&yogh;es of o king; after seuenti
&yogh;er forsothe to Tiro shal be as a song
of a strumpet.
16 Tac harpe, go aboute the
cite, thou strumpet, to for&yogh;eting taken;
weel syng, ofte vse song, that mynde of
thee be.
17 And it shal be, after seuenti
&yogh;er, the Lord shal visite Tirum, and
bringen it a&yogh;een to his meedes; and eft
it shal ben, whan it shal do fornycacioun
with alle the reumes of the erthe,
vp on the face of the erthe.
18 And his
nede doyngus and his meedus shuln ben
halewid to the Lord; thei shuln not ben
hid, ne leid vp; for to them that dwellede
bifor the Lord shal be his nede doyng,
that thei ete into fulnesse, and be
clad vn to oldnesse.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|