Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXI.
1 The charge of the desert se. As
whirlewyndus fro Affrich comen, fro the
desert cam, fro the orrible lond.
2 An hard
viseoun told is to me; that vnleeuende is,
vnfeithfully doth; and he that `is distro&yogh;ere,
wasteth. Stee&yogh;h vp, Elam, and
bisege, Medeba; al his weilyng I made to
cesen.
3 Therfore ben fulfild my lendys
with sorewe; anguysh weldide me, as
-- --
anguysh of the trauailende with child;
I fel doun, whan I herde; I am disturbid,
whan I sa&yogh;.
4 Myche languysshede myn
herte, dercnesses stoneid maden me; Babilon,
my looued, put is to me `in to
myracle.
5 Sett the bord, bihold in a
toothil; etende and drinkende riseth,
&yogh;ee princes, taketh to the terget.
6 These
thingus forsothe seide the Lord to me,
Go, and put a tootere; and what euere
thing he shal see, telle he.
7 And he sa&yogh;
a char of two horse men, a ste&yogh;ere of an
asse, and a ste&yogh;ere vp of a camayle; and
he beheeld bisily by myche looking,
8 and
he criede as a leoun, Vp on the toothil
of the Lord I am stondende contynuelly
bi day, and vp on my warde I am stondende
alle ny&yogh;tus.
9 Lo! this cam, a man
ste&yogh;ere of the carte of horse men. And
he answerde, and seide, Is falle, is falle
Babilon; and alle grauen thingus of hys
godus ben to-brosid in to the erthe.
10 My
thressing, and the do&yogh;ter of my cornflor,
the thingus that I herde of the Lord of
ostes, God of Irael, I tolde to &yogh;ou.
11 The
charge of Duma. To me he crieth fro
Seir, O! kepere, what of the ny&yogh;t? O!
kepere, what of the ny&yogh;t?
12 The kepere
seide, Ther cometh morutid, and ny&yogh;t;
if &yogh;ee sechen, secheth, and beth conuertid,
and cometh.
13 The charge in Araby. In
the wilde wode at euen &yogh;ee shul slepen,
in the sties of Dodanym.
14 A&yogh;encomende
to the thristi berth water, that dwellen
the lond of the south; with loeues a&yogh;encometh
to the fleende.
15 Fro the face forsothe
of swerdes thei fledden, fro the
face of the swerd stondende on, fro the
face of the bowe bend, fro the face of the
greuous bataile.
16 For these thingus seith
the Lord to me, &YOGH;it in o &yogh;er, as in the &yogh;er
of an hirid man, and ther shal ben take
awey al the glorie of Cedar.
17 And the
relikis of the noumbre of the stronge
-- --
archeres fro the sonus of Cedar shul be
mynusht; the Lord forsothe, God of Israel,
spac.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|