Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VI.
2 Hereth thanne, &yogh;ee kingis, and vndirstondith;
lerneth, &yogh;ee domes men of the
coestes of the erthe.
3 &YOGH;iueth eres, &yogh;ee
that holden togidere multitudis, and
plesen to &yogh;ou in cumpanyes of naciouns;
4 for ther is &yogh;ouen of the Lord power to
&yogh;ou, and vertue of the hei&yogh;este, that shal
aske &yogh;oure werkis, and tho&yogh;tis serchen.
5 For whan &yogh;ee weren mynestres of his
reume, not ri&yogh;tli &yogh;ee demeden, ne kepten
the lawe of ri&yogh;twisnesse, ne aftir the wil
of God &yogh;ee wenten.
6 Orribleli and soone
he shal apere to &yogh;ou; for most hard dom
shal ben don in hem, that ben biforn.
7 Forsothe `to the litle is grauntid mercy;
my&yogh;ty men forsothe my&yogh;tili tormentis
shul suffre.
8 Forsothe he shal not withdrawe
the persone of any man, the Lord,
that is lordshipere of alle thingus, and
he shal not drede the mykilnesse of any
man; for litil and gret he made, and
euenli cure is to hym of alle.
9 To the
strengere forsothe strengere stant in
tormenting.
10 To &yogh;ou thanne, kingus, ben
these my wrdis, that &yogh;ee lerne wisdam,
and that &yogh;ee falle not of.
11 Who forsothe
-- --
shul kepe ri&yogh;twisnesse, ri&yogh;tly shul
be demed; and that shul lerne ri&yogh;t
thingus, shul finde, what thei answere.
12 Coueiteth thanne my wrdys, and looueth
hem; and &yogh;ee shuln han disciplyne.
13 Wisdam is cler, and that neuere welewith;
and li&yogh;tli is seen of hem that
loouen it, and is founde of hem that
sechen it.
14 It beforn ocupieth that coueyteth
it, that to them rathere he shewe
hymself.
15 Who fro li&yogh;t shal wake to it,
shal not trauailen; forsothe he shal finde
it sittende in his &yogh;ates.
16 Thanne to
thenken of it is ful endid wit, and he
that shal wake for it, soone shal be sikir.
17 For it goth aboute sechende the wrthi
itself; and in his weis it shal shewe itself
to them, and gladsumli in alle prouydence
`or bifore ordeynyng it shal a&yogh;en
come to them.
18 The bigynnyng forsothe
of it is most verre coueityng of discipline.
19 Thanne cure of discipline is
loouyng; and loouyng is keping of his
lawis. Keping forsothe of lawes is ful
ending of vncorupcioun;
20 vncorupcioun
forsothe makith next to God to ben.
21 And so coueiting of wisdam shal lede
forth to the euerlastende kingdam.
22 If
thanne &yogh;ee deliten in setes, and in kingus
dignetees, O! &yogh;ee kingis of the puple,
looueth wisdam, that in to withoute ende
&yogh;ee regne.
23 Looueth the li&yogh;t of wisdam,
alle &yogh;ee, that ben toforn to puplis.
24 What
is forsothe wisdam, and hou it be mad,
I shal telle; and I shal not hide fro &yogh;ou
the sacramentis of God; but fro the bigynnyng
of birthe I shal enserche, and
putten in to li&yogh;t the kunnyng of it, and
I shal not passe biside the treuthe.
25 Ne
with the quyterende enuye weie I shal
han; for such a man shal not ben parcener
of wisdam.
26 The multitude forsothe
of wise men helthe is of the roundnesse
of erthis; and a wis king is the
stablete of the puple.
27 Thanne takith
-- --
discipline bi my wrdis, and it shal profite
to &yogh;ou.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
