Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XIX.
1 To the vnpitouse forsothe and to the
laste withoute mercy wrathe cam vpon;
forsothe he knew biforn and the thingis
to comen of hem.
2 For whan thei weren
turned, and hadden suffrid, that thei
shulden lede them, and with gret bisynesse
thei hadden sent them beforn, ther
folewede forsothe them the deede of penaunce.
3 &YOGH;it forsothe among the hondys
hauende weiling, and weping at the monumentes
of the deade, an other thynking
of vnkunnyng thei token to them;
and whom pre&yogh;ende thei hadden throwen
awei, them as fugitifes thei pursueden.
4 Forsothe ther ladde them to that ende
wrthi necessite, and of these thingis that
hadden fallen, the mynde thei losten, that
that lackeden of tormentis, punshyng
shulde fulfillen,
5 and thi puple forsothe
merueylously shulde passe; thei forsothe
newe deth shulden fynde.
6 Eche creature
forsothe to his kinde fro the bigynnyng
was a&yogh;een figured, deseruend to thin
hestes, that thi childer shulden be kept
vnhurt.
7 For a cloude shadewede the
tentes of hem, and in the water that was
biforn, the erthe aperede drie; and in the
rede se weie with oute lettyng, and a
buriounende feeld of ful gret depthe;
8 bi
the whiche alle nacioun passede, that was
couered with thin hond; seende forsothe
thi merueiles and wndris.
9 As hors forsothe
thei gnowen mete, and as lombis
thei ful out io&yogh;eden, magnefiende thee,
Lord, for thou delyueredest hem.
10 Forsothe
myndeful they weren &yogh;it of tho
thingus, that were don in the comeling
wonyng of hem; as for the nacioun of
bestes, the erthe bro&yogh;te out flee&yogh;es, and for
the fisshes, the flod bolkede out multitude
of frogges.
11 At the laste forsothe
-- --
they se&yogh;en a newe creature of briddes,
whan, lad bi lust, thei askeden metes of
delicious eting.
12 In the speche forsothe
of the desir, ste&yogh;ede vp to them fro the
se a curlu; and trauailes to synneres
camen vp on, not withoute tho euydences,
that weren mad bi the fors of flodis.
Ri&yogh;twisly forsothe thei suffreden, aftir
their shreudenesses;
13 forsothe in to abhominable
hospitalite thei stoden in. Othere
forsothe vnknowen comelingus resceyueden
not; othere forsothe goode gestes
in to seruage token.
14 And not onli these
thingus, but an other forsothe respit of
hem was, for maugre theires thei resceyueden
straungeres.
15 Who forsothe
with gladnesse resceyueden them, that
hadden vsid the same enformyngus, with
most cruel sorewes thei tormenteden.
16 Smyte forsothe thei ben with blindnesse,
as thei in the &yogh;ates of the ri&yogh;twise, with
sodeyn dercnesses, whan thei ben couered;
eche oon so&yogh;te the passing out of his
dore.
17 In to them self forsothe whil the
elemens ben turned, as in an orgne of
qualite the soun is chaungid, and alle
kepen ther soun; wherfore of that serteyn
si&yogh;te it may be eymed.
18 Feeldi wilde
thingus in to watri ben turned; whateuere
weren swymmende, in the erthe
passeden.
19 Fyr in the watir hadde
strengthe ouer his vertue; and water
for&yogh;at his quenchende kinde.
20 Flaumes
a&yogh;eenward trauaileden not the flesh of
the coruptible bestes goende togidere; ne
dissoluede it, that li&yogh;tli was dissolued as
ijs, good mete. In alle thingus forsothe
thou magnefiedist thi puple, Lord, and
wrshepedist; and dispisedist not, in alle
-- --
tyme and in alle place stondende ny&yogh; to
them.
Here endith the book of Sapiens, and
now bigynneth the prolog of Ecclesiasticus.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
