Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XVI.
1 For these, and lic thingus to these,
wrthily thei suffreden tormentis, and bi
multitude of bestes thei ben destro&yogh;ed.
2 For whyche tormentis thou disposidist
wel thi puple, bi whiche thou &yogh;eue
coueiting of ther delit a newe sauour,
greithende curleeu mete to them.
3 That
thei forsothe coueitende mete, for tho
thingus that to them ben shewid, and
sent, also fro nedeful coueiting thei
shulden be turned awei; these forsothe
nedi mad in short, tasteden newe mete.
4 Forsothe it bihouede to them, hauntende
tiraundise, deth to comen on with oute
excusacioun; to them forsothe onli to
shewen, hou the enemys of them weren
destro&yogh;id.
5 Forsothe whan to them cam
on the cruel wrathe of bestis, bi the bityngis
of shreude shadewe edderes thei
weren distro&yogh;id.
6 But not in to euermor
thi wrathe abod stille; but to the correccioun
in short thei ben disturbid,
tocne hauende of helthe, to the remembring
of the maundement of thi lawe.
7 Who forsothe is turned, not bi that that
he sa&yogh;, he was heled, but bi thee, saueour
of alle.
8 In that forsothe thou shewdist
-- --
to oure enemys, for thou art, that delyuerest
fro alle euel.
9 Hem forsothe the
bityngis of fle&yogh;es and of locustis slowen,
and ther is not founden helthe to the
soule of hem; for wrthi thei weren of
suche thingus to ben destro&yogh;ed.
10 Thi
sonus forsothe, nouther the teth of dragounes,
ne of venymed thingus ouercamen;
forsothe thi mercy comende to,
helede them.
11 In the mynde forsothe of
thi wrdis thei weren distro&yogh;id, and swiftli
thei weren saued; lest in to hee&yogh; for&yogh;eting
fallende, thei my&yogh;ten not vse thin
helpe.
12 Forsothe neither erbe, ne plastre
helde them; but thi wrd, Lord, that
heleth alle thingus.
13 Thou art, Lord,
that of lif and deth hast power; and
bringest doun to the &yogh;atis of deth, and
a&yogh;een bringest.
14 A man forsothe sleth
bi malice forsothe his soule; and whan
the spirit goth out, he shal not turne
a&yogh;een, ne the soule, that is resceyued,
shal a&yogh;een clepen;
15 but thyn hond to
fleen is vnpossible.
16 Vnpitouse men forsothe,
denyynge to han knowen thee, bi
the strengthe of thin arm ben scourgid;
with newe watris, and hailis, and reynes,
they suffreden persecucioun, and bi fijr
ben wastid.
17 That forsothe was merueylous,
in water, that alle thingis
quencheth, more the fir my&yogh;te; the
world forsothe is veniere of ri&yogh;twis men.
18 Forsothe sum tyme the fyr was tamed,
that the bestes, that weren sent to vnpitous
men, weren not brent; but that
thei seende shulden witen, for bi the
dom of God thei suffren persecucioun.
19 And sum tyme in water, aboue vertue,
fyr brende out on either side, that the
wicke nacioun of the lond it shulde destro&yogh;en.
20 For the whiche with the mete
of aungelis thou nurshedist thi puple,
and thou &yogh;eue to them bred mad redi
-- --
fro heuene, with oute trauaile; hauende
alle deliting in itself, and swetnesse of
alle sauour.
21 Forsothe thi substaunce,
and thi swetnesse, that in to sones thou
hast, thou shewedist; and deseruende to
the wil of echone, to what eche wolde,
it was conuertid.
22 Sno&yogh; forsothe and ijs
suffreden the strengthe of fyr, and floweden
not; that thei shulden witen, for
brennende fyr, leiting in hail and reyn,
destro&yogh;ede the frutes of the enemys.
23 That forsothe eft, that the ri&yogh;twis man
shulde ben nurshid, the fyr also for&yogh;at
his vertue.
24 Forsothe the creature to
thee makere deseruende, brenneth out in
to torment a&yogh;en vnri&yogh;twis men, and
softere is mad to weel don, for them
that trosten in thee.
25 For that and
thanne thi graces deserueden in to alle
thingus, transfigured to the vertue of alle,
at the wil of them, that of thee ben desired;
that thi sones,
26 whom thou loouedyst,
Lord, shulden wite, for not the
frut of birthe fedde men, but thi wrd
kepte them, that in thee leeueden.
27 That
forsothe that of fijr my&yogh;te not ben destro&yogh;ed,
anoon of a litil bem of sunne
chaufid, flowede;
28 that it were knowen
to alle, for it byhoueth to comen beforn
the sunne to thi blessing, and at the
springing of li&yogh;t to honoure thee.
29 Forsothe
the hope of the vnkinde as cold
ijs shal flowen, and dispershen as watir
ouer voide.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
