Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VIII.
1 The vois of patriarkis, of Crist. Who
to me &yogh;yueth thee, my brother, soukende
the tetes of my moder, that I finde thee
alone withoute forth, and kisse thee,
and now me no man dispise?
2 I shal
take thee, and leden in to the hous of
my moder, and in to the bed place of hir
that gat me; there thou shalt teche me,
and I shal &yogh;yue to thee drinken of spiced
win, and of the must of my poumgarnetes.
3 The lift hond of hym vnder myn
hed, and the ri&yogh;t hond of hym shal clippe
me. The vois of Crist, of the Chirche.
4 I adiure &yogh;ou, &yogh;ee do&yogh;tris of Jerusalem, ne
rere &yogh;ee, ne maketh to waken my leef,
to the time that she wile. The vois of
the sinagoge, of the Chirche.
5 What is
she this, that ste&yogh;eth vp fro desert, flowende
-- --
delices, faste cleuende vpon hir
leef? The vois of Crist to the sinagoge,
of the holi cros. Vndir an apil
tree I rerede thee; there shent is thi
moder, there defoulid is she that gat
thee.
6 Put me as a brooche vpon thin
herte, as a brooche vpon thin arm; for
strong is as deth looue, hard as helle ielousnesse;
the laumpis of it the laumpes
of fir, and of flaumes.
7 Manye watris
shul not moun quenchen out charite, ne
flodis shul not throwen it doun. If a
man &yogh;eue al the substaunce of his hous
for looue, as no&yogh;t he dispisith it. The
vois of Crist to the sinagoge, of the
holi Chirche.
8 Oure sister a litil child,
and tetes she hath not; what shul wee
do to oure sister, in the dai whan she is
to ben spoken to?
9 If a wal she is, bilde
wee vp `on it siluerene pynaclis; if a
dore she is, ioyne wee it with ceder tables.
10 The vois of the Chirche answerende. I
a wal, and my tetes as a tour; sithen I
am mad befor thee as pes resceyuende.
11 The sinagoge of the Chirche seith. A
vyne she was to the pesible; in hir that
hath puples, she toc it to the keperes;
a man taketh awei for the frut of it a
thousend siluer plates. Crist to the
-- --
Chirche seith.
12 My vine bifor me is; a
thousend thi pesiblis, and two hundrid
to them that kepen the frutis of it.
13 The whiche dwellist in gardynes, frendis
herknen thee; mac me to heren thi
vois. The vois of the Chirche to Crist.
14 Flee thou, my leef; be thou licned to a
capret, and to an hert calf of hertes, vp
on the mounteynes of swote spices.
Here endith the Songis of Songis.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
