Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. VIII.
1 The wisdam of a man li&yogh;tneth in the
chere of hym; and the most my&yogh;ti the
face of hym shal chaungen.
2 I the mouth
of the king kepe, and hestes and the othis
of God.
3 Ne he&yogh;e thou to gon awei fro
the face of hym, ne abide thou stille in
euel werc. For al that he wille, he shal
do;
4 and the sermoun of hym is ful of
power, ne any man mai sey to hym, Whi
dost thou thus?
5 Who kepeth the hest,
shal not ben expert any thing `of euel;
time and answering the herte of the
wise man vnderstant.
6 To alle nede time
is and couenablenesse; and myche tormentyng
of a man,
7 that vnknowith the
passide thingus, and the to comen bi no
messager he may wite.
8 It is not in a
mannys power to defende the spirit, ne
he hath power in the dai of deth, ne it is
suffrid to resten, bataile a&yogh;encomende;
ne vnpitousnesse shal saue the vnpitouse.
9 Alle these thingus I beheeld, and &yogh;af myn
herte in alle werkis, that ben mad vnder
sunne. Otherwhile a man lordshipeth to
a man, in to his euel.
10 I sa&yogh; vnpitous men
biried, that alsoo, whan &yogh;it thei liueden,
`in holi place weren; and thei weren
preised in the cite, as of ri&yogh;twis werkis;
but and this is vanyte.
11 Forsothe for
ther is not bro&yogh;t forth anoon a&yogh;en euele
men sentence, withoute any drede the
sones of men werchen eueles.
12 And ner
the latere the synnere, of that, that an
hundrid sithes he doth euel, and bi pacience
-- --
is sustened, I kne&yogh; that ther was
good to men dredende God, that reuerentli
dreden the face of hym.
13 Be ther
not good to the vnpitouse, ne be ther
aferr longid the da&yogh;es of hym; but as
shadewe passe they, that dreden not the
face of the Lord.
14 Ther is and an other
vanyte, that is don vp on erthe. Ther
ben ri&yogh;twis men, to the whiche eueles
comen forth, as werkes thei diden of vnpitous
men; and ther ben vnpitous men,
that ben so sikir, as tho&yogh; thei hadden
the deedis of ri&yogh;twis men; but and this
most veyn I deme.
15 I preisede therfore
gladnesse, that ther was not to man
good vnder sunne, but that he ete, and
drinke, and io&yogh;e; and that onli with hym
he take of his trauaile, in the da&yogh;es of
his lif, that God &yogh;af to hym vnder the
sunne.
16 And I leide to myn herte, that
I wite wisdam, and vnderstande distincioun,
that goth on erthe. Ther is a
man, that da&yogh;es and ni&yogh;tus slep taketh
not to his e&yogh;en.
17 And I vnderstod, that
of alle the werkis of God, no resoun of
them mai a man finde, that ben mad
vnder the sunne; and hou myche more
he trauailede to sechen, so myche lasse
he shal finde; also if the wise man shal
sei hymself to han knowen, he shal not
moun finde.
1 All these thingus I tretede
in myn herte, that I vndirstonde curyously.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
