Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. III.
1 My sone, ne for&yogh;ete thou my lawe;
and thin herte kepe myn hestis.
2 Forsothe
lengthe of da&yogh;is, and &yogh;eeris of lif,
and pes, thei shul ley to to thee.
3 Mercy
and treuthe forsake thei not thee; cumpase
them to thi throte, and descryue in
the tablis of thin herte.
4 And thou shalt
finde grace, and good discipline befor
God and men.
5 Haue trost in the Lord,
of al thin herte; and ne lene thou to thi
prudence.
6 In alle thi weies thenc hym,
and he shal ri&yogh;t reulen thi goingis.
7 Ne
be thou wis anent thiself; dred God, and
go awey fro euel.
8 Helthe forsothe shal
ben in thi nauele, and watring of thi
bones.
9 Honoure the Lord of thi substaunce,
and of the cheef of alle thi
frutis &yogh;if to pore men;
10 and thi bernes
shul ben fulfild with fulnesse, and with
win thi presses shul rebounden.
11 The
discipline of the Lord, my sone, ne caste
thou awey; ne faile thou, whan of hym
thou art chastisid.
12 Whom forsothe the
Lord looueth, he chastiseth; and as fader
in the sone it with pleseth to hym.
13 Blisful the man that findeth wisdam,
and that flowith prudence.
14 Betere is the
purchasing of it, than the chaffering of
gold and of siluer; first and most pure
the frutis of it.
15 More precious than alle
richesses it is; and alle thingus that be
desirid, to it moun not be comparisound.
16 Lengthe of da&yogh;is in his ri&yogh;t half, and in
the left half of it richessis and glorie.
17 The weies of it faire, and alle the pathis
-- --
of it pesible.
18 The tre of lif it is to them
that cacchen it; and that holden it, ben
blisful.
19 The Lord bi wisdam foundede
the erthe; bi prudence stablide heuenes.
20 Bi the wisdam of hym breeken out depe
watris; and the cloudis bi dew togidere
waxen.
21 My sone, ne flowe these thingis
awei fro thin e&yogh;e; kep thou my lawe, and
counseil;
22 and there shal ben lif to thi
soule, and grace to thi chekis.
23 Thanne
thou shalt go trostli in thi wey; and thi
foot shal not offende.
24 If thou shul slepe,
thou shalt not drede; thou shalt resten,
and sweete shal be thi slep.
25 Ne drede
thou with sodeyn gastnesse, and the
poweris of the vnpitous men fallende
on to thee.
26 The Lord forsothe shal ben
in thi side; and kepe thi foot, that thou
be not take.
27 Wile thou not forfenden
hym that mai wel don; if thou maist,
and thiself wel do.
28 Ne sey thou to thi
frend, Go, and turne a&yogh;een, to moru I shal
&yogh;yue to thee; whan anoon thou maist
&yogh;iue.
29 Ne caste thou to thi frend euel,
whan he in thee hath trost.
30 Ne striue
thou a&yogh;en a man in veyn, whan he no
thing of euel hath don to thee.
31 Ne
enuye thou the vnri&yogh;twis man, ne folewe
thou the weies of hym.
32 For abhomynacioun
of the Lord is eche gilour; and
with the simple the sermounyng of hym.
33 Nede of the Lord in the hous of the
vnpitouse; the dwelling placis forsothe of
ri&yogh;twise men shul be blessid.
34 He shal
desceyue the desceyueres; and to the debonere
he shal &yogh;yue grace.
35 Glorie wise
men shul welde; of foolis the out io&yogh;ing
shenshipe.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|