Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXV.
2 The glorie of God is to hilyn a wrd;
and the glorie of kingis to enserchen a
sermoun.
3 Heuene aboue, and erthe benethe,
and the herte of kingus vnserchable.
4 Do awei rust from siluer, and
ther shal gon out a most pure vessel.
5 Do awei vnpitousnesse fro the chere of
the king, and bi ri&yogh;twisnesse shal ben
fastned the trone of hym.
6 Ne glorious
apere thou befor the king, and in place
of grete men stonde thou not.
7 Betere
is forsothe, that it be seid to thee, Ste&yogh;e
vp hidir, than that thou be mekid beforn
a prince.
8 That thin e&yogh;en se&yogh;en, ne
speke thou soone in strif; lest parauenture
thou mowe not amende, whan thou
hast dishonestid thi frend.
9 Thi cause
trete with thi frend, and priuyte to a
straunger opene thou not;
10 lest perauenture
he asaile to thee, whan he shal
heren, and to repreuen cese not. Grace
and frendshipe delyueren, the whiche
kepe thou to thee, lest thou be maad
repreuable.
11 A goldene cheke bon in siluerene
beddis, that speketh a wrd in his
tyme.
12 A goldene erering, and a margarite
shynende, that vndernemeth a wis
man, and an ere obedient.
13 As cold of
sno&yogh; in the dai of rep, so an feithful
messager to hym that sente hym; the
-- --
soule of hym to resten he maketh.
14 Cloud and wind, and reines not folewende,
a man glorious, and the behestes
not fulfillende.
15 Bi pacience shal ben
maad softe the prince; and a nesshe
tunge shal to-breke hardnesse.
16 Hony
thou hast founden, ett that suffiseth to
thee; lest parauenture fulfild thou spewe
it out.
17 Withdra&yogh; thi foot fro the hous
of thi ne&yogh;hebore; lest any time fulfild, he
shul hate thee.
18 Spere, and swerd, and
sharp arwe, a man that speketh a&yogh;en his
ne&yogh;hebore fals witnesse.
19 A roten toth,
and a foot sliden, that hopith vpon the
vnfeithful in the dai of anguysh,
20 and
leeseth the mantil in the dai of cold.
Eisel in glas, that singeth dites with
peruertid herte. As a mo&yogh;he to the
cloth, and a werm to the tree, so sorewe
of a man no&yogh;eth to the herte.
21 If thin
enemy shul hungren, feed hym; if he
thristith, &yogh;if hym watir to drinke;
22 forsothe
colis thou shalt gadere togidere vp
on the hed of hym; and the Lord shal
&yogh;elde to thee.
23 A northerne wind scatereth
reynes; and a dreri face the bacbitende
tunge.
24 Betere is to sitte in a
corner of a roof, than with a womman
ful of strif, in the hous of a feste.
25 Cold
watir to the threstende soule; and a good
messager fro a ferr lond.
26 A welle trublid
bi foot, and a veyne corupt, the
ri&yogh;twis fallende beforn the vnpitous.
27 As
he that etith myche hony, and it is not
to hym good; so that is a serchere of
mageste, shal ben opressid of glorie.
28 As
an opyn cite, and withoute enuyrounyng
of wallis; so a man that mai not in
speking chastisen his spirit.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
