Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXII.
1 Betere is a good name, than manye
richessis; ouer siluer forsothe and gold
good grace.
2 The riche man and the pore
metten togidere; the werkere of euer
either is the Lord.
3 The felle man seeth
euel, and hideth hymself; and the innocent
-- --
passede, and is tormentid with harm.
4 The ende of manernesse the dred of the
Lord; richessis, and glorie, and lif.
5 Armes
and swerdis in the weie of the proud;
the kepere forsothe of his soule ferr goth
awei fro hem.
6 A prouerbe is, A &yogh;ung ful
waxen man aftyr his weie, and whan he
eldeth, shal not gon awei fro it.
7 The
riche man to pore men comaundeth; and
he that taketh borewing, seruaunt is of
the vsurer.
8 Who sowith wickidnesse, shal
repen euelis; and the &yogh;erde of his wrathe
shal be ful endid.
9 Who redi is to mercy,
shal be blissid; of his loues forsothe he
&yogh;af to the pore. Victorie and worshipe
shal purchace, that &yogh;eueth &yogh;iftis; forsothe
he taketh awei the soule of the
resceyueres.
10 Cast awey the scornere, and
with hym shal gon out strif; and causis
shul cese, and wrong blamyngis.
11 Who
looueth clennesse of herte, for the grace
of his lippis shal han the king frend.
12 The e&yogh;en of the Lord kepe kunnyng;
and supplauntyd ben the woordis of the
wicke.
13 The slowe shal seyen, A leoun is
withoute; in the myddel of the stretes
I am to be slain.
14 A dep dich the mouth
of the alien womman; to whom the Lord
is wroth, shal falle in to hir.
15 Folie is
bounde togidere in the herte of the child;
and the &yogh;erde off discipline shal driuen
awei it.
16 Who wrong chalengeth the pore,
that he eeche his richessis, he shal &yogh;yue
to a richere, and neden.
17 My sone, bowe
in thin ere, and here the woordis of wise
men; lei to forsothe herte to my doctrine.
18 The whiche fair shal be to thee, whan
thou kepist it in thi wombe, and shal
rebounde in thi lippis.
19 That in the Lord
be thyn trost; wherfore and I shal shewe
to thee it to dai.
20 Lo! I haue discriued
it thre wise, in tho&yogh;tus and kunnyng,
that I shulde shewe to thee stedefastnesse;
21
and faire spechis of treuthe thou
shuldest answere of these thingis to them
-- --
that senten thee.
22 Do thou not violence
to the pore, for he is pore; ne to-trede
thou the nedy in the &yogh;ate.
23 For the Lord
shal deme the cause of hym, and he shal
stike them, that stekeden the lif of hym.
24 Wile thou not be frend to a man ful of
wrathe, ne go thou with a wood man;
25 lest parauenture thou lerne the pathis of
hym, and take sclaunder to thi soule.
26 Wile thou not be with them that ficche
doun ther hondis, and that borewis offren
hemself for dettis;
27 if forsothe thou hast
wherof thou restore, what of cause is,
that thou take coueryng fro thi bed?
28 Ne ouerpasse thou olde termes, the
whiche thi fadris setteden.
29 Hast thou
seen a swift man in his werc? befor
kingis he shal stonde, ne he shal ben
beforn vnnoble men.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
