Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM LXXIII.
1 The vnderstonding of Asaf.
noteWherto, God, hast thou put abac in to
the ende; thi wodnesse wrathide vpon the
shep of thi leswe?
2 Myndeful be thou of
thi congregacioun; that thou weldedest
fro the begynnyng. Thou hast a&yogh;een bo&yogh;t
the &yogh;erde of thin eritage; the hil of Sion
in whiche thou dwellidist in it.
3 Rere
vp thin hondis in to the pridis of hem in
to the ende; hou grete thingis wariede
-- --
the enemy in the holi.
4 And thei glorieden
that hateden thee; in the myddel
of thi solempnete.
5 Thei putten ther
tocnes, tocnes; and thei knewe not as in
the going out vpon the he&yogh;ist.
6 As in a
woode of trees with axis thei heewen
doun the &yogh;atis of it in to itself; in axis
and hachet thei threwen it doun.
7 Thei
brenden vp with fyr thi seintuarie; in
the erthe thei defouleden the tabernacle
of thi name.
8 Thei seiden in ther herte,
the kinrede of hem togidere; To resten
make wee alle the feste da&yogh;is of God fro
the erthe.
9 Oure signes wee han not seen,
now ther is not a profete; and he shal
knowen vs no more.
10 Hou longe, God,
the enemye shal repreue? the aduersarie
vnlefulli taketh thi name in to the ende.
11 Wherto turnest thou awei thin hond, and
thi ri&yogh;thond fro thi myddel bosum in to
the ende?
12 God forsothe oure king befor
worldis; wro&yogh;te helthe in the myddes of
erthe.
13 Thou hast confermed in thi vertu
these; thou al to-trublidist the hedis of
dragounys in watris.
14 Thou hast tobroke
the hedis of the dragoun; thou
hast &yogh;iuen hym mete to the puplis of
Ethiope.
15 Thou hast wastid the wellis,
and the stremes; thou hast dried the
flodis of Etham.
16 Thin is the dai, and
thin is the ny&yogh;t; thou forgedist the
morutyd and the sunne.
17 Thou madest
alle the termes of erthe; somer and ver
time, thou formedist hem.
18 Myndeful be
thou of this, the enemy putte repref to
the Lord; and the vnwise puple terrede
thi name.
19 Ne take thou to bestis soulis
knoulechende to thee; and the soulis of
thi pore men ne for&yogh;ete thou in to the
ende.
20 Behold in to thi testament; for
thei ben fulfild, that ben dercned of erthe;
bi the housis of wickidnessis.
21 Ne be
turned awei the meke maad confundid;
the pore and the helpelis shul preise thi
-- --
name.
22 Rys vp, God, deme thou thi
cause, myndeful be thou of thi repreues
of hem; that of the vnwise man ben al
day.
23 Ne for&yogh;ete thou the voisis of thin
enemys; the pride of hem that hateden
thee, ste&yogh;eth vp euermor.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
