Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM LXV.
1 In to the ende, the song of the salm of
resureccioun.
2 noteIo&yogh;eth to God, al erthe, salm seith to
his name; &yogh;iueth glorie to his preising.
3 Seith to God, Hou ferful ben thi werkis,
Lord; in the multitude of thi vertu shuln
lie to thee thin enemys.
4 Al erthe honoure
thee, God, and do salm to thee; and
sey salm to thi name.
5 Cometh and seeth
the werkis of God; ferful in counseilis vp
on the sones of men.
6 That al turneth
the se in to drie, in the flod thei shul
passe thur&yogh; afoote; ther wee shul gladen
in hym.
7 That lordshipeth in his vertu
in to withoute ende; his e&yogh;en vp on Jentilis
beholden, that ful out terren shul
not ben enhauncid in hemself.
8 Blesseth,
&yogh;ee Jentylis, oure God; and herd maketh
the vois of his preising.
9 That putte my
soule to lif, and &yogh;af not in to togidere
stiring my feet.
10 God, for thou hast
proued vs; bi fyr thou examynedest vs, as
siluer is examyned.
11 Thou bro&yogh;tist vs in
to the grene, thou puttist tribulaciouns
in oure rig;
12 thou puttist in men vpon
oure hedis. Wee passiden thur&yogh; fyr and
watir; and thou bro&yogh;tist out vs in to refreshing.
13 I shal go in to thin hous in
brent sacrifises; I shal &yogh;elde to thee my
vowis,
14 that determyneden my lippis.
And my mouth spac in my tribulacioun;
15 brent sacrifises ful of mer&yogh; I shal offre
to thee, with encens of wethers; I shal
offre to thee oxen with get.
16 &YOGH;ee, alle
that dreden God, cometh and hereth; and
I shal telle hou grete thingus he dede to
my soule.
17 To hym with my mouth I
criede; and I ful out io&yogh;ide vnder my
-- --
tunge.
18 Wickedenesse if I beheeld in myn
herte; the Lord shal not ful out here.
19 Therfor ful out herde God; and toc
heede to the vois of my lowe pre&yogh;ing.
20 Blissid the God; that mouede not awei
myn orisoun, and his merci fro me.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
