Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM LIV.
1 In to the ende, in ditees or ympnes, the
vndirstonding of Dauid.
2 noteHere thou, God, myn orisoun, and despise
thou not my lowe pre&yogh;eere;
3 tac
heede to me, and ful out here me. I am
maad al sory in myn enhaunting; and I
am al disturbid fro the vois of the enemy,
4
and fro tribulacioun of the synnere. For
thei bowiden doun in me wickidnessis;
and in wrathe thei weren heuy to me.
5 Myn herte is al disturbid in me; and
ferd of deth fel vp on me.
6 Drede and
trembling camen vp on me; and al couereden
me dercnesses.
7 And I seide, Who
shal &yogh;iue to me federes as of a culuer;
and I shal flee, and a&yogh;een resten?
8 Lo!
I dro&yogh; out me along fleende; and I duelte
in wildernesse.
9 I abod hym, that made
-- --
me saf; fro to litil coraiouste of spirit,
and fro tempest.
10 Lord, put doun, and
deuyde the tungis of hem; for I sa&yogh; wickidnesse
and contradiccioun in the cite.
11 Dai and ny&yogh;t wickidnesse shal enuyroune
it vpon the wallis of it; and trauaile in
the myddes of it,
12 and vnri&yogh;twisnesse.
And ther failede not fro the stretis of it;
vsure and treccherie.
13 For if myn enemy
hadde cursid to me; I shulde also han
suffrid. And if he, that hadde hatid me,
ouer me grete thingis hadde spoken; I
shulde han hid me perauenture fro hym.
14 Thou forsothe a man of oon inwit; my
ledere, and my knowen.
15 The whiche
togidere with me swete metis thou toke;
in the hous of God wee wente with
consent.
16 Deth come vp on hem; and
go they doun in to helle lyuende. For
shreudenessys in the dwelling placis of
hem; in the myddel of hem.
17 I forsothe
to the Lord criede; and the Lord shal
saue me.
18 The euentid and the moru,
and at myddai, I shal seyn, and befor
telle; and he shal ful out here my voys.
19 He shal a&yogh;een bie my soule in pes fro
them, that ne&yogh;hen to me; for among
manye thei weren with me.
20 God shal
ful out heren, and meke them; that is
befor worldis. Ther is not forsothe to
them al hol chaunging, and thei dredde
not God;
21 he stra&yogh;te out his hond in
a&yogh;een &yogh;elding. Thei defouleden the testament
of hym,
22 thei ben deuydid fro the
wrathe of his chere; and the herte of
hym ne&yogh;hede to. Softid ben the woordis
of hym vp on oile; and thei ben speris.
23 Thro&yogh; vp on the Lord thi bisynesse, and
he shal nurshe thee out; and he shal not
&yogh;iue in to with oute ende flotering to
the ri&yogh;twise.
24 Thou forsothe, God, shalt
bringe them doun; in to the pit of deth.
Men of blodis and treccherous shul not
haluen ther da&yogh;es; I forsothe shal hope
in thee, Lord.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|