Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM XVII.
1 In to the ende, to the child of the Lord,
Dauid; the whiche woordus of this
song he spac to the Lord, in the dai
that the Lord toc hym out fro the
hond of the enemys of hym, and fro
the hond of Saul; and seide:
2 noteI shal looue thee, Lord, my strengthe;
the Lord my fastnyng, and my refut,
-- --
and my delyuerere.
3 My God, myn helpere;
I shal hope in to hym. My defendere,
and the horn of myn helthe; and
myn vndertakere.
4 Preisende I shal inwardly
clepe the Lord; and fro myn
enemys I shal be saf.
5 The sorewis of
deth enuyrounden me; and the stremes
of wickidnesse togidere sturbiden me.
6 The sorewis of helle wenten aboute me;
befor ocupieden me the grenes of deth.
7 In my tribulacioun I inwardly clepide
the Lord; and to my God I criede. And
he ful out herde fro his holi temple my
vois; and my cry in his si&yogh;te wente in to
the eris of hym.
8 Moued is togidere, and
togidere tremblide the erthe; the foundemens
of mounteynes ben togidere sturbid,
and togidere moued, for he wrathide to
them.
9 Ther ste&yogh;ede vp smoke in his
wrathe, and fyr fro his face ful out
brente; and colis ben vndertend of hym.
10 He ful bowide heuenes, and cam doun;
and dercnesse vnder his feet.
11 And he
ste&yogh;ede vpon cherubyn, and flei&yogh;; he flei&yogh;
on the pennes of windis.
12 And he putte
dercnesses his hiding place, in the cumpas
of hym his tabernacle; derk watir
in the cloudis of the eir.
13 Fro the li&yogh;ting
in the si&yogh;te of hym cloudis passeden;
hail and the colis of fyr.
14 And in thundrede
fro heuene the Lord; and the
he&yogh;est &yogh;af his vois, hail and colis of fyr.
15 And he sente his arewis, and scaterede
hem; leitis he multipliede, and togidere
sturbide hem.
16 And ther apereden the
wellis of watris; and ben opened the
foundemens of the roundnesse of erthis.
Of thi blamyng, Lord; of the inbrething
of the spirit of thi wrathe.
17 He sente fro
the he&yogh;est, and toc me; and ca&yogh;te me fro
many watris.
18 He toc me out fro my
most strong enemys; and fro hem that
hatiden me, for thei ben coumfortid vpon
me.
19 Thei befor camyn me in the dai of
my tormenting; and the Lord is maad
my defendere.
20 And he ladde out me in
-- --
to brodnesse; he made me saf, for he
wolde me.
21 And the Lord shal &yogh;elde to
me after my ri&yogh;twisnesse; and after the
clennesse of myn hondis he shall &yogh;elde to
me.
22 For I kepte the weies of the Lord;
ne vnpitously I dide fro my God.
23 For
alle the domys of hym in my si&yogh;te; and
the ri&yogh;twisnesses of hym I putte not fro
me awey.
24 And I shal ben vndefoulid
with hym; and al abouten kepe me fro
my wickidnesse.
25 And the Lord shal &yogh;elde
to me after my ri&yogh;twisnesse; and after the
clennesse of myn hondis in the si&yogh;te of
the e&yogh;en of hym.
26 With the holy, holy
thou shalt be; and with the innocent
man, an innocent thou shalt be.
27 And
with the chosen, chosen thou shalt be;
and with the peruertid, thou shalt be peruertid.
28 For thou a meke puple shalt
make saf; and the e&yogh;en of proude men
thou shalt lowen.
29 For thou li&yogh;tist my
lanterne; Lord, my God, li&yogh;te my dercnessis.
30 For in thee I shal be pullid out
fro temptacioun; and in my God I shal
gon ouer the wal.
31 My God, vndefoulid
the weie of hym, the spechis of the Lord
bi fyr examyned; the defendere he is of
alle hoperis in hym.
32 For who God but
the Lord? or who God but oure God?
33 God that befor girte me with vertue;
and sette my weye vndefoulid.
34 That parfitli
made my feet as of hertes; and vp on
he&yogh;e thingus settende me.
35 That techeth
myn hondis to bataile; and thou settist
as a brasene bowe myn armys.
36 And
thou &yogh;eue to me the proteccioun of thin
helthe; and thi ri&yogh;thond vndertoc me.
And thi discipline amendede me in to
the ende; and that thi discipline shal
teche me.
37 Thou madest large my goingus
vnder me; and my steppis ben not feblid.
38 I shal pursue myn enemys, and taken
hem; and I shal not be turned, to the
time thei failen.
39 I shal breke them togidere,
ne thei my&yogh;ten stonde; thei shul
falle vnder my feet.
40 And thou befor
-- --
girtist me with vertue to bataile; and
thou supplauntidist men risende in me
vnder me.
41 And myn enemys thou &yogh;eue
to me bac; and the hatende me thou
scateredest.
42 Thei crieden, and ther was
not that shulde make saf; to the Lord,
and he ful out herde them not.
43 And I
shal to-poone them into pouder befor the
face of the wind; as clei of stretis I shal
do them awei.
44 Thou shalt take me out
fro the a&yogh;en seiyngus of the puple; thou
shalt sette me in to the hed of Jentilis.
45 The puple, that I knewe not, seruede to
me; in heering of ere it obeshede to me.
46 Alienes sones han lied to me, alienes
sonus ben elded; and haltiden fro thi
pathis.
47 The Lord liueth, and blessid my
God; and God of myn helthe be enhauncid.
48 God, that giuest veniauncis to
me, and sogetyst puplis vnder me; my
deliuerere fro my wratheful enemys.
49 And
fro men risende in to me, thou shalt enhaunce
me; fro the wicke man thou shalt
take me awei.
50 Therfore, Lord, I shal
knouleche to thee in naciouns; and to thi
name a salm I shal seyn.
51 Magnefiende
the helthis of his king; and doende
mercy to his crist Dauid, and to his sed
vnto the world.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
