Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM CXLIII.
1 The salm of Dauid; a&yogh;en Golie.
noteBlissed the Lord my God, that techeth
myn hondis to strif; and mi fingeris to
bataile.
2 My mercy, and my refut; myn
vndertakere, and my delyuerere. My defendere,
and in hym I hopide; that vndirpooteth
my puple vnder me.
3 Lord, what
is a man, for thou hast myche maad
knowen to hym; or the sone of man, for
thou eymest hym?
4 A man to vanyte is
maad lic; his da&yogh;is as shadewe passen.
5 Lord, bowe doun thin heuenes, and cum
doun; touche the monteynes, and thei
shuln smoken.
6 Leite thou leitingis, and
thou shalt scateren hem; send out thin
arewis, and thou shalt al disturbe them.
7 Send out thin hond fro an hei&yogh;, tac me
out, and deliuere me of many watris; and
fro the hond of alien sones.
8 Whos mouth
spac vanyte; and the ri&yogh;thalf of hem the
ri&yogh;thalf of wickidnesse.
9 God, a newe song
I shal singe to thee; in the ten cordid
sautre I shal do salm to thee.
10 That
&yogh;iuest helthe to kingis; that a&yogh;een bo&yogh;tist
Dauid, thi seruaunt, fro the malice doinge
swerd tac me awey.
11 And pull me
awei fro the hond of alienes sones, whos
mouth spac vanyte; and the ri&yogh;thalf of
hem the ri&yogh;thalf of wickidnesse.
12 Whos
sones; as newe plauntingis in ther &yogh;outhe.
The do&yogh;tris of hem maad semely; enhourned
13 aboute as the licnesse of the temple.
-- --
The celeris of hem fulle; bowende out
fro that into it. The shep of hem ful of
frut, aboundende in ther goingis;
14 the oxen
of hem fatte. Ther is not falling of wal,
ne passing ouer; ne cry in the stretis of
hem.
15 Blisful, thei seiden, the puple, to
whom these thingis ben; blisful the puple,
of the whiche the Lord is his God.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|