Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
PSALM CXXXI.
1 The song of grees.
noteHaue mynde, Lord, of Dauid; and of
al the debonernesse of hym.
2 As he swor
to the Lord; a vow he vouwide to the
God of Jacob.
3 I shal not entre in to
the tabernacle of myn hous; I shal not
ste&yogh;en vp in to the bed of my bedding.
4 I shal not &yogh;iue slep to myn e&yogh;en; and to
my e&yogh;e lidis napping.
5 And reste to my
times, to the time I finde a place to the
Lord; a tabernacle to the God of Jacob.
6 Lo! wee han herd it in Effrata; wee han
founden it in the feldis of the wode.
7 Wee shul entre in to the tabernacle of
hym; wee shuln honouren in the place,
where stoden his feet.
8 Ris, Lord, in to
thi resting; thou and the arke of thin
halewing.
9 Thi prestis be thei clad ri&yogh;twisnesse;
and thin halewis ful out io&yogh;e
they.
10 For Dauid, thi seruaunt; turne
thou not awei the face of thi crist.
11 The
Lord swor to Dauid treuthe, and he shal
not maken hym in vein; of the frute
of thi wombe I shal putte vp on thi seete.
12 If thi sones shul kepe my testament; and
my witnessingis, these that I shal teche
them. And the sones of hem vn to the
world; shul sitte vp on thi sete.
13 For the
Lord ches Sion; he ches it in to dwelling
to hym.
14 This my reste in to the world
of world; heer I shal dwelle, for I ches it.
15 His widewe blessende I shal blisse; his
pore I shal fulfille with loues.
16 Hise
prestis I shal clothe with helthe &yogh;iuere;
and his halewis with ful out io&yogh;ing shuln
ful out io&yogh;en.
17 Thider I shal bringe forth
the horn of Dauid; I haue maad redi a
-- --
lanterne to my crist.
18 His enemys I shal
clothe with shenshipe; vp on hym forsothe
shal flouren out myn halewing.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
