CAP. IX.
1 And risende vp Esdras fro `the beforn
porche of the temple, wente in to the
celle of Jonathe, sone of Nazabi.
2 And
herberewid there, he tastede no bred, ne
water dranc, vp on the wickednesses of
the multitude.
3 And ther is maad a
preching in al Jude and in Jerusalem, to
alle that weren of the caitifte gedered in
Jerusalem,
4 Whosoeuere a&yogh;een cometh not
to the secunde or the thridde dai, aftir
the dom of the eldere men sittende, his
facultees shul ben taken awei, and he
alien demed fro the multitude of caitifte.
5 And alle ben gedered togidere, that weren
of the linage of Juda and of Beniamyn,
thre da&yogh;es in Jerusalem; this is the
nynthe moneth, the twentithe dai of the
monyth.
6 And al the multitude sat in
the flor of the temple, tremblende for
the present winter.
7 Esdras risende vp,
seide to Irael, &YOGH;ee wickedeli diden, settende
&yogh;ou in to matrimoine hethene
wiues, that &yogh;ee adde to the synnes of
Irael.
8 And now &yogh;iueth shrifte, and gret
doing to the Lord God of oure fadris;
and parformeth his wil,
9 and goth awei
fro the hethene folc of the lond, and fro
hethene wiues.
10 And al the multitude
criede, and seiden with a gret vois, As
thou hast seid, wee shul do.
11 But for
the multitude is gret, and the time winter,
and wee moun not vnholpen stonde,
and this werc is not to vs of o dai, ne of
two; myche in these thingus wee han
synned;
12 stonde the prouostus of the multitude,
and alle that with vs dwellen, and
hou fele euere han `anent them hethene
wiues;
13 and stonde thei ne&yogh; in the accept
time of alle place, prestis, and domes
men, for to thei losne the wrathe of the
Lord, of this nede.
14 Jonathas forsothe,
-- --
the sone of Ezeli, and Ozias, Thethan,
token aftir these thingus, and Bosoramus,
and Leuys, and Satheus togidere wro&yogh;ten
with hem.
15 And ther stoden aftir alle
these thingus, alle that weren of the caitifte.
16 And Esdras, prest, ches to hym
men, grete princis, of the fadris of hem,
after the names; and thei seten togidere,
in the newe mone of the tenthe moneth,
to examyne this nede.
17 And it is determyned
of the men, that hadden hethene
wiues, vnto the newe mones of the firste
moneth.
18 And there ben founden mengd
among of the prestis, that hadden hethene
wiues;
19 of the sonus of Jesu, the
sonus of Josedech, and of his brethern,
Maseas, and Eleeserus, and Joribus, and
Joadeus.
20 And thei leiden hondis, that
thei shulden putten awei ther wiues,
and to sacrifien, in to preieere for ther
ignoraunce.
21 And of the sonus of Semmery,
Masseas, and Esses, and Geleth,
Azarias;
22 and of the sones of Fosore,
Leomasias, Hismaeius, and Nathanias,
Jussio, Leddus, and Talsas.
23 And of the
Leuitus, Josabdus, and Semeis, and Cholitus,
and Calitas, and Facceas, and Coluas,
and Elionas.
24 And of the sacrid syngeres,
Eliazub, Zaccurus.
25 And of the
vssheris, Salumus, and Tholbanes.
26 And
of Irael, of the sonus of Forchosi, and
Remias, and Jeddias, and Melchias, and
Michelus, and Eliasarus, and Jemebias,
and Bannas.
27 And of the sonis of Jolamani,
Anias, and Zacharias, Jerselus, and
Jobdius, and Erimoth, and Elias.
28 And
of the sonus of Sachon, Eliadas, and Eliasumus,
and Othias, and Jarimoth and
Zabdis, and Thebedias.
29 And of the
sones of Bede, Johannes, and Amanyas,
and Zabdias, and Emetis.
30 And of the
sonis of Baum, Olamus, and Mallucus,
and Jeddeus, and Jasub, and Azabus,
and Jerimoth.
31 And of the sonis of Addin,
Nathus and Moosias, and Caalemus,
and Raanas, and Baseas, Mathatias, and
Bethsel, and Bonnus, and Manasses.
-- --
32 And of the sonus of Miaie, Nenyas, and
Afeas, and Melcheas, and Sameas, and
Simon, Beniamyn, and Malchus, and
Marias.
33 Of the sonus of Azom, Cartaneus,
Mathatias, and Bannus, and Elifalath,
and Manasses, and Semeth.
34 And of the
sonus of Banny, Jeremias, and Modias,
and Abramus, and Johel, and Baneas,
and Pelias, and Jonas, and Marymoth,
and Eliazub, and Mathaneus, and Eleasis,
and Orisas, and Dielus, and Samedius,
and Zambris, and Josefus.
35 And of
the sonus of Nobei, Idelus, and Mathatias,
and Zabadus, and Cetheda, Seduni,
and Jessei, Baneas.
36 Alle these ioineden
to hem hethene wiues, and laften hem,
with the sones.
37 And prestis, and Leuitus,
and that weren of Irael, dwelten in
Jerusalem in oon hol regioun, the newe
mone of the seuenthe moneth; and the
sonus of Irael weren in ther abidingus.
38 And al the multitude is gedered togidere
in to the flor, that is fro the est of the
sacrid &yogh;ate.
39 And thei seiden to Esdre,
bisshop and redere, that he shulde bringe
forth the lawe of Moises, that is &yogh;iuen
of the Lord God of Irael.
40 And Esdras,
bisshop, bro&yogh;te forth the lawe to al the
multitude of hem, fro man vnto womman,
and to alle the prestus, to heren the
lawe, in the newe mone of the seuenthe
moneth.
41 And he radde in the flor, that
is befor the holi &yogh;ate of the temple, fro
the firste li&yogh;t vnto euen, befor men and
wymmen; and alle thei &yogh;euen wit to the
lawe.
42 And Esdras, prest, and redere of
the lawe, stod vp on the treene cha&yogh;er,
that was forgid.
43 And there stoden to
hym Mathatias, and Samus, and Ananyas,
Azarias, Vrias, Ezechias, and Balsamus,
at the ri&yogh;t;
44 and at the lift, Faldeus,
and Misael, Malachias, Abustas, Sabus,
Nabadias, and Zacharias.
45 And Esdras
toc a boc beforn al the multitude; forsothe
he sat beforn in glorie, in the si&yogh;te
of alle.
46 And whan he hadde asoilid the
lawe, alle stoden vp ri&yogh;t. And Esdras
-- --
blesside the Lord God, al ther hei&yogh;est
God of Sabaoth, al my&yogh;ti.
47 And al the
puple answerde, Amen. And eft, the
hondis rerid vp, thei, fallende doun in to
the erthe, honoureden the Lord.
48 And
Esdras comaundede, that ther shulden
teche the lawe, Jesus, and Banaeus, and
Sarabias, and Jadinus, and Accubus, and
Sabatheus, and Calithes, and Azarias,
and Joradus, and Ananias, and Filas,
Leuite.
49 The whiche ta&yogh;ten the lawe of
the Lord, and in the multitude radden
the lawe of the Lord; and eche putten
beforn hem, that vndirstoden the lessoun.
50 And Atharathes seide to Esdre, the bishop
and redere, and to the Leuitus that
ta&yogh;ten the multitude,
51 seiende, This dai is
holi to the Lord. And alle wepten,
whan thei hadden herd the lawe.
52 And
Esdras seide, &YOGH;ee thanne, gon atwynne,
eteth alle most fatte thingys, and drinketh
alle most sweete, and sendeth &yogh;iftus
to hem that han not;
53 forsothe holi is
this dai of the Lord; and wileth not ben
sori, the Lord forsothe shal clarifien vs.
54 And the Leuitus denounceden in opene
to alle men, seiende, This dai is holi;
wileth not ben sori.
55 And alle wenten
awei, to eten, and to drinken, and to han
plente of mete, and to &yogh;iue &yogh;iftus to hem
that han not, that thei plenteuousli eten.
Gret doingli forsothe thei ben enhauncid
in the woordis, with the whiche thei ben
ta&yogh;t.
56 And alle thei ben gedered in to
Jerusalem, to make solempne the gladnesse,
after the testament of the Lord
God of Irael.
Here endith the thridde book of
Esdre, and now begynneth the prolog
of the book of Tobie.
-- --
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
