Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
II. ESDRAS.
[Prologue on the Second book of Esdras.]
In this secounde book of Esdre is contened the actis of Neemye, duyk and gouernour
of the peple of Juda, which made a&yogh;en the wallis and &yogh;atis of Jerusalem, and the hous
of the Lord, and heeld smal houshold, and oppresside not the peple, but dredde God,
and kepte hise comaundementis, in so myche that he suffride not the peple to bringe
yn burthuns in to the cite, neither ledinge out, in the dai of sabat; therfor he wrou&yogh;te
alle thingis with prosperite, and God was with him.
The second book of Esdras.
CAP. I.
1 The woordis of Neemye, sone of Elchie.
And it is do in the monith of
December, the twentithe &yogh;er, and I was
in the bur&yogh; toun of Susis;
2 and ther cam
to me Annam, oon of my brethern, he
and the men of Juda; and I askide hem
of Jewis, that abiden stille, and laften
ouer of the caitifte, and of Jerusalem.
3 And thei seiden to me, Thei that abiden
stille, and ben laft of the caitifte there in
the prouynce, ben in gret affliccioun, and
in repref; and the wal of Jerusalem is
scatered, and his &yogh;atis ben brend with
fijr.
4 And whan I hadde herd such maner
woordis, I sat and wepte, and weilide
manye da&yogh;es, and fastide, and pre&yogh;ede befor
the face of God of heuene;
5 and seide,
I beseche, Lord God of heuene, strong,
-- --
gret, and ferful, that kepist couenaunt
and merci with hem, that loouen thee,
and kepen thi maundemens;
6 be thi ere
maad herknende, and thi e&yogh;en opened,
that thou here the orisoun of thi seruaunt,
in the whiche I prey&yogh;e befor thee
to dai, ny&yogh;t and dai, for the sonys of
Irael, thi seruauns, and I knowleche for
the synnes of the sones of Irael, in the
whiche thei synneden to thee; and I and
the hous of my fader han synned;
7 bi
vanyte wee ben born doun, and wee han
not kept the heste, and cerimoines, and
domus, that thou comaundedest to Moises,
thi seruaunt.
8 Haue mynde of the woord,
that thou comaundedest to thi seruaunt,
seiende, Whan &yogh;ee han trespasid, I shal
scatere &yogh;ou in to puplis;
9 and if &yogh;ee be
turned a&yogh;een to me, that &yogh;ee kepe myn
hestus, and don hem, also if &yogh;ee weren
lad awei to the endis of heuene, thennus
I shal gadere &yogh;ou togidere, and leden in
to the place, that I ches, that my name
dwelle there.
10 And wee thi seruauns,
and thi puple, whom thou hast bo&yogh;t in
thi grete strengthe, and in thi stronge
hond.
11 I beseche, Lord, be thin ere takende
heede to the orisoun of thi seruaunt,
and to the orisoun of thi seruauns, that
wiln dreden thi name; and dresse thi
seruaunt to dai, and &yogh;if to hym merci
befor this man. I forsothe was the
booteler of the king.
CAP. II.
1 It is do forsothe in the monith of
Aprill, the twentithe &yogh;er of Artaxerses,
the king, and win was befor hym, and
I heuede vp the win, and &yogh;af to the king,
and I was astoneid beforn his face.
2 And
the king seide to me, Whi is thi chere
dreri, sithen I see thee not sijk? That is
-- --
not in vein; but I wot not the euel that
is in thin herte. And I dradde ful myche;
and I seide to the king,
3 King, with outen
ende liue; whi shulde not my chere sorewin
priueli? for the cite of the hous of
the sepulcris of my fader is desert, and
his &yogh;atus ben brent with fiir.
4 And the
king seith to me, For what thing askist
thou? And I pre&yogh;ede the God of heuene,
and seide to the king,
5 If it is seen good
to the king, and if it plese to thi seruauns
befor thi face, that thou sende me
in to Jude, I beseche, to the cite of the
sepulcre of my fader, and I shal bilden
it.
6 And the king seide to me, and the
quen that sat biside hym, Vnto what
time shal be thi wei, and `whanne shalt
thou come a&yogh;een? And I pleside befor
the chere of the king, and he sente me,
and I sette hym a time;
7 and seide to the
king, If to the king it is seen good, lettris
&yogh;iue he to me to the dukis of the regioun
be&yogh;onde the flod, that thei lede me ouer,
to the time I come in to Jude;
8 and a
lettre to Asaf, kepere of the wilde wode
of the king, that he &yogh;iue to me trees, that
I mowe couere the &yogh;atis of the tour of
the hous, and of the wal of the cite, and
the hous that I shal come in. And the
king &yogh;af to me, after the goode hond of
my God with me.
9 And I cam to the
dukis of the regioun be&yogh;unde the flod,
and I &yogh;af to hym the epistolis of the
king. Forsothe the king hadde sent with
me prinsis of kni&yogh;tus, and horsemen.
10 And
Sanaballath Oronyte, and Tobie, seruaunt
Amonyte, herden, and ben euele
pa&yogh;id bi gret sorewe, that a man was
come, that shulde seche the prosperite of
the sonus of Irael.
11 And I cam in to Jerusalem,
and I was there thre da&yogh;es.
-- --
12 And I ros the ny&yogh;t, and fewe men with
me, and I shewide to no man, what God
hadde &yogh;iuen in myn herte, that I shulde
do in Jerusalem; and there was noon
helpely beeste to me, but the beeste that
I sat on.
13 And I wente out bi the &yogh;ate
of the valei the ny&yogh;t, and beforn the welle
of the dragoun, and at the drit &yogh;ate; and
I beheeld the wal of Jerusalem scaterid,
and his &yogh;atis wastid with fijr.
14 And I
passide ouer to the &yogh;ate of the welle, and
to the watir cundict of the king, and
ther was no place to the beeste, that I
sat on that he my&yogh;te passen ouer;
15 and
I ste&yogh;ide vp bi the strem the ny&yogh;t, and I
beheeld the wal, and turned a&yogh;een I
cam to the &yogh;ate of the valei, and am
comen a&yogh;een.
16 The maister iuges forsothe
wisten not, whider I was go, or what I
wolde do; but and to the Jewis, and to
the prestus, and to the most worshipeful
men, and to the maister iuges, and to the
tothere that maden the werc, vnto that
of the placis no thing I hadde shewid.
17 And I seide to hem, &YOGH;ee han knowen the
affliccioun, in whiche we ben, for Jerusalem
is desert, and his &yogh;atis ben wastid
with fijr; cometh, and bilde we vp the
wallis of Jerusalem, and be we no more
repref.
18 And I shewide to hem the hond
of my God, that it was good with me,
and the woordis of the king, that he spac
to me; and I sey, Rise we, and bilde we;
and the hondis of hem ben coumfortid
in goode.
19 Forsothe Sanballath Oronyte,
and Tobias, seruaunt Amonyte, and Gosem
Arabs, herden, and scorneden vs,
and despiseden; and seiden, What is
this thing that &yogh;ee don? whether a&yogh;en
the king &yogh;ee rebellen?
20 And I &yogh;eld to
them a woord, and seide to them, God
-- --
of heuene, he helpith vs, and wee his
seruauns ben; rise wee, and bilde wee;
to &yogh;ou forsothe is no part and ri&yogh;twisnesse
and mynde in Jerusalem.
CAP. III.
1 And Eliasif, the grete prest, ros, and
his brethern, and prestus, and thei bilden
vp the &yogh;atis of the floc; thei halewiden
it, and setten the &yogh;ate leuys of it, and
vn to the tour of an hundrid cubitus thei
halewiden it, vn to the tour of Ananehel.
2 And beside hym the men of Jericho
bilden; and biside hem bilde Zaccur, the
sone of Amri.
3 The &yogh;ate forsothe of
fisshis bilden vp the sonus of Azanaa;
thei couereden it, and setten his &yogh;ate
leues, and lokis, and heengis. And biside
hem bilde Marimuth, the sone of Vri,
sone of Accus.
4 And biside hym bilde
Mosolla, the sone of Barachie, sone of
Mesezebeel. And biside hym bilde Sadoc,
the sone of Baana.
5 And biside hym
bilden Thecuenus; forsothe the more wirshipeful
men of hem vnder putten not
ther neckis in the werc of the Lord
ther God.
6 And the olde &yogh;ate bilden vp
Joiada, the sone of Fasia, and Mosollam,
the sone of Besoida; and thei couereden
it, and setten his &yogh;ate leuis, and lokis,
and heengis.
7 And biside hem bilden
Melchia Gabonite, and Jaddon Methonothite,
men of Gabaon and Masfa, for
the duk that was in the regioun be&yogh;onde
the flod.
8 And biside hym bilde Eziel,
the sone of Aria, goldsmith; and biside
hym bilde Annany, the sone of a piment
makere; and thei laften Jerusalem vnto
the wal of the braddere strete.
9 And biside
hym bilde Rafaia, the sone of Hahul,
prince of a toun of Jerusalem.
10 And biside
hym bilde Jeieda, the sone of Ramath,
-- --
a&yogh;en his hous; and biside hym
bilde Accus, the sone of Azebonie.
11 The
myddel forsothe part of the toun bilde
Melchias, the sone of Herem, and Asub,
the sone of Feth Moab; and the tour of
ouenus.
12 Biside hym bilde Sellum, the
sone of Aloes, prince of the myddel part
of a toun of Jerusalem, and he and his
sonus.
13 And the &yogh;ate of the valei bilde
Annun, and the dwelleris of Sanoe; thei
bilden it, and setten his &yogh;ate leuis, and
lokis, and henglis, and a thousend cubitus
in the wal vnto the &yogh;ate of the
dunge hil.
14 And the &yogh;ate of the dunge
hil bilde Melchias, the sone of Recab,
prince of the toun of Bethacharem; he
bilde it, and sette his &yogh;ate leues, and
lokis, and henglis.
15 And the &yogh;ate of the
welle bilde Sellum, the sone of Colosai,
prince of the toun of Masfa; he bilde it,
and couerede, and sette his &yogh;ate leuis,
and lockis, and heengis; and the wallis
of the fish pond of Siloe in to the &yogh;erd
of the king, and vn to the grees of the
king, that comen doun fro the cite of
Dauid.
16 After hym bilde Neemyas, the
sone of Asboc, the prince of the half
part of the toun of Bethsuri, vnto a&yogh;en
the sepulcre of Dauid, and vnto the fish
pond, that bi gret werc is maad, and vnto
the hous of stronge men.
17 After hym
bilden Leuitus; and after hem Reum,
the sone of Benny. After hym bilde
Azebias, prince of the half part of the
toun of Cheile, in his toun.
18 After hym
bilden the brethern of hem, Bethin, the
sone of Enadad, prince of the half part
of Cheila.
19 And Aser, the sonn of Josue,
prince of Masfa, bilde beside hym the
secunde mesure a&yogh;en the ste&yogh;ing vp of
the most fast corner.
20 After hym in the
hil bilde Baruch, the sone of Sachaie, the
-- --
secunde mesure fro the corner vnto the
&yogh;ate of the hous of Eliazif, grete prest.
21 After hym bilde Marimuth, the sone of
Vrie, sone of Accur, the secunde mesure
fro the &yogh;ate of the hous of Eliasif, to the
time that the hous of Eliasif were stra&yogh;t
out.
22 And aftir hym bildeden the prestus,
men of the wilde feldis of Jordan.
23 After
hym bilden Beniamyn and Asub a&yogh;en
ther hous; and after hym bilde Asarias,
the sone of Moosie, sone of Ananye, a&yogh;en
his hous.
24 Aftir hym bilde Benni, the
sone of Senadad, the secunde mesure fro
the hous of Azarie vnto the bowing and
vnto the corner.
25 Falel, the sone of Osi,
a&yogh;en the bowing, and the tour that stant
aboue, fro the he&yogh;e hous of the king, that
is in the porche of the prisoun; and after
hym Fadaia, the sone of Feros.
26 Gabonites,
water bereris forsothe dwelten in
Ofel a&yogh;en the &yogh;ate of watris at the est,
and the tour that aboue semede.
27 After
hym bilden Thecuynes the secunde mesure
forn a&yogh;en, fro the grete tour and
stondende aboue vnto the wal of the
temple.
28 Aboue forsothe at the horse
&yogh;ate bildeden the prestus, eche a&yogh;en his
hous. Aftir hem bilde Seddo, the sone
of Enner, a&yogh;en his hous.
29 After hym bilde
Semeia, the sone of Sechenye, kepere of
the est &yogh;ate.
30 After hym bilde Ananye,
the sone of Selemye, and Anon, the sone
of Selon, the sixte, the secunde mesure.
After hym bilde Mosollam, the sone of
Barachie, a&yogh;en his tresorie. After hym
bilde Melchias, the sone of a goldsmith,
vnto the hous of sodeknys, and of the
men sellende sheldis a&yogh;en the judicial
&yogh;ate, and vnto the supping place of the
corner.
31 And withinne the supping place
of the corner in to the &yogh;ate of the king
bilden craftusmen and marchandus.
1 It
-- --
is do forsothe, whan Sanaballath hadde
herd, that we schulden bilde the wal, he
wrathide gretli, and, moued ful myche,
scornede the Jewis.
2 And he seide beforn
his brethern, and the court of Samaritanys,
What do the Jewis ful feble?
Whether shuln leuen hem the Jentilis?
Whether shul thei sacrifien and fulfillen
in o dai? Whether thei shuln moun
bilden vp stonis of the hillokis of pouder,
that ben brent?
3 But and Tobias Amonite
seith to his ne&yogh;hebores, Bilde thei;
if ther ste&yogh;e vp a fox, he shal lepe ouer
ther ston wal.
4 And Neemie seide, Here
thou, oure God, for we ben maad despit;
turne the repref vp on the hed of hem,
and &yogh;if hem in to despising in the lond
of caitifte;
5 ne couere thou the wickenesse
of hem, and the synnus of hem befor thi
face be not don awei; for thei scorneden
the bilders.
6 And so we bilden the wal,
and al we ioyneden togidere vnto the
half part, and the herte of the puple is
stirid to werken.
CAP. IV.
7 It is do forsothe, whan Sanaballath
hadde herd, and Tobias, and Arabes,
and Amanytes, and Azozie, that the gap
of the wal of Jerusalem was maad al hol,
and that the chinys `or crauasis begunnen
to be closid, thei ben ful myche
wroth.
8 And alle thei ben gedered togidere,
that thei comen and fi&yogh;te a&yogh;en Jerusalem,
and casten busshemens.
9 And we
pre&yogh;eden the Lord oure God, and we setten
keperis vp on the wal dai and ny&yogh;t
a&yogh;en hem.
10 Forsothe Judas seide, The
strengthe of the berere is feblid, and
there is to miche erthe, and we shul not
moun bilden vp the wal.
11 And oure enemis
-- --
seiden, Wite thei not, and vnknowe
thei, to the time that we comen in to the
middel of hem, and slen hem, and make
the werc to cesen.
12 It is do forsothe, the
Jewis comende, that dwelten bisides hem,
and seiende to vs ten sithis, of alle the
placis fro whiche thei weren come to vs,
13 I sette in a place behinde the wal bi
enuyroun a puple in order, with ther
swerdis, and speris, and bowis.
14 I beheeld,
and ros, and seide to the more
wrshipeful men, and maister iugis, and to
the tother part of the comun, Wilith not
dreden fro the face of hem; of the grete
Lord and ferful hath mynde, and fi&yogh;teth
for &yogh;our brethern, and &yogh;our sonus, and
&yogh;our do&yogh;tris, &yogh;our wiues, and housis.
15 It
is do forsothe, whan oure enemys hadden
herd to be told to vs, God scaterede the
conseil of hem; and alle wee ben turned
a&yogh;een to the wallis, eche to his werk.
16 And it is do fro that dai, the half part
of the &yogh;unge men maden the werk, and
the half part was redi to bataile; and
speris, and sheeldis, and bowis, and haberiones,
and princis bihinde them, in al
the hous of Juda,
17 of bilders in the wal,
and of bereris berthenus, and of leieris
on; with ther oon hond thei maden the
werc, and with the tother thei heelden
swerd.
18 Forsothe of the bilders eche was
gird aboute the hipis with a swerd; and
thei bilden, and crieden with trumpe bisyde
me.
19 And I seide to the most wrshipeful
men, and to the maister iugis,
and to the tother part of the comun,
A gret werc it is, and brod, and we ben
seuered in the wal aferr, an other fro
an other;
20 in what euere place &yogh;ee shul
here the criyng of the trumpe, thider
-- --
renneth togidere to vs; forsothe oure
God shal fi&yogh;te for vs.
21 And we vsself
shul make the werk, and the half part
of vs holde speris, fro the ste&yogh;ing vp of
the morutid to the time that the sterris
gon out.
22 Also that time I seide to the
puple, Eche with his child dwelle in the
middel of Jerusalem, and be ther to &yogh;ou
whilis by ny&yogh;t and dai to werken.
23 I
forsothe, and my brethern, and the keperis,
and my childer, that weren bihinde
me, diden not of oure clothis; eche onli
was nakid to baptem.
CAP. V.
1 And ther is maad a cri of the puple
and of ther wiues, a gret, a&yogh;en Jewis,
ther brethern.
2 And ther weren that
seiden, Oure sonus and oure do&yogh;tris ben
ful manye; take we for the pris of hem
whete, and ete we, and liue wee.
3 And
ther weren that seiden, Oure feldis, and
vines, and oure housis lei wee to, and
take wee whete in hunger.
4 And othere
seiden, Borewe wee monei in to the tributus
of the king, and &yogh;iue wee oure feldis,
and oure vines.
5 And now as the flesh of
oure brethern, so oure flesh ben; and as
the sonys of hem, so and oure sonus; lo!
we han vnder &yogh;okid our sonus and oure
do&yogh;tris in to seruage, and of oure do&yogh;tris
ben thrallis, and we han not, wherof thei
moun be bo&yogh;t; and our feldus, and oure
vines other men welden.
6 And I wrathide
ful myche, whan I hadde herd the cri of
hem after these woordys.
7 And myn herte
tho&yogh;te with me, and I blamede the most
wrshipeful men and maister iugis; and
seide to hem, Echone aske &yogh;ee not vsuris
of &yogh;oure brethern. And I gederede a&yogh;en
-- --
hem a gret conuocacioun,
8 and seide to
them, Wee, as &yogh;ee witen, han forbo&yogh;t oure
brethern Jewis, that weren sold to the
Jentilis, after oure power; and &yogh;ee thanne
sellen &yogh;oure brethern, and wee shul bien
hem a&yogh;een. And thei heelden ther pes,
ne founden not what thei shulden answern.
9 And I seide to hem, This is no
good thing, that &yogh;ee don; whi in the
drede of oure God &yogh;ee gon not, lest it be
repreuid to vs of the Jentilis, oure enemys?
10 And I and my brethern, and my
childer, lenten to manye men monei and
whete, ne wee askeden not a&yogh;en this in
to comun; and other thing that is a&yogh;t to
vs graunte wee.
11 &YOGH;eldeth to them to dai
ther feldis, and ther vines, their oliues,
and ther housis; but more and the hundrid
part of monee of whete, and of win,
and oile, that &yogh;ee weren wont to asken of
hem, &yogh;iueth for hem.
12 And thei seiden,
Wee shal &yogh;elden, and of hem nothing we
sechen; and thus wee shul do as thou
spekist. And I clepide the prestis, and
adiurede hem, that thei shulde do aftir
that I hadde seid.
13 Ferthermor I shakide
out my bosum, and seide, Thus God shake
out eche man, that fulfillith not this woord
of his hous, and of his trauailis; and be
he shaken out, and maad voide. And al
the multitude seide, Amen; and preiseden
God. Thanne dide the puple, as it
was seid.
14 Forsothe fro that dai that the
king hadde comaunded to me, that I were
duke in the lond of Juda, fro the twentithe
&yogh;er vn to the two and threttithe
&yogh;er of king Artaxerses, bi twelue &yogh;er,
I and my brethern the &yogh;eris frutus, that
weren due to dukis, wee eeten not.
15 Forsothe
the firste dukis that weren befor
me greueden the puple, and token of hem
in bred, and win, and in mone, eche dai
-- --
fourti ouncis; but and the seruauns of
hem presseden doun the puple. I forsothe
dide not so, for the drede of God;
but rathere in the werk of the wal bildede,
16
and feeld I bo&yogh;te not, and alle my
childer gedered weren to the werc.
17 Also
Jewis and the maister iugis of hem
weren an hundrid men and fifti; and
thoo that camen to vs of the Jentilis,
that ben in oure enuyroun, weren in my
bord.
18 Forsoth there was greithid to
me bi alle da&yogh;is an oxe, sixe chosen wetheris,
out take volatilis, and betwe ten
da&yogh;es diuerse wines; and othere manye
thingus I &yogh;af; ferthermor and the &yogh;eris
frutis of my duchie I so&yogh;te not; forsothe
the puple gretli was poueresht.
19 My God, haue mynde of me in to goode,
after alle thingis that I haue do to this
puple.
CAP. VI.
1 It is do forsothe, whan Sanaballath
hadde herd, and Thobias, and Gosem
Arabs, and oure othere enemys, that I
hadde bild the wal, and ther was not
in it laft brosure among; forsothe vnto
that time I hadde not put &yogh;ate leues in
the &yogh;ate;
2 Sanaballath, and Thobias, and
Gosem Arabs senten to me, seiende,
Cum, and smite wee pes couenaunt togidere
in litle tounus, in a feeld; thei
forsothe tho&yogh;ten, that thei do to me euel.
3 Thanne I sente to hem messageris,
seiende, A gret werc I do, and I mai not
come doun, lest parauenture it be laft,
whan I shulde comen, and descende to
&yogh;ou.
4 Forsothe thei senten to me after
this woord bi foure sithes, and I answerde
to hem after the rathere woord.
5 And Sanaballath sente to me after the
-- --
rathere woord the fifte sithe his child;
and he hadde a lettre in his hond writen
in this maner;
6 In Gentilis it is herd, and
Gosem seide, for thou and the Jewis
thenken to rebellen, and therfore &yogh;ee
bilden, and thou wilt rere thee vp on hem
king;
7 for what cause and profetus thou
hast sett, that prechen of thee in Jerusalem,
seiende, A king in Jerusalem is;
the king is to here these woordis; therfore
cum now, that wee go in counseil
togidere.
8 And I sente to hem, seiende,
It is not don after these woordis that
thou spekist; forsothe of thin herte thou
makist these thingus.
9 Alle these fereden
vs, thenkende that our hondis shulden
cesen fro werkis, and resten a&yogh;een; for
what cause more I confortid myn hond.
10 And I wente in to the hous of Samaie,
sone of Dalie, sone of Methabehel, priuyli,
the whiche seith, Trete wee with
vs in the hous of God, in the middel of
the temple, and close we the &yogh;atus of the
hous; for ther ben to come that thei sle
thee, and the ny&yogh;t thei ben to come that
thei sle thee.
11 And I seide, Whethir any
man lic me fleeth, and who as I shal go
in to the temple, and liuen? I shal not
gon in.
12 And I vnderstod that God hadde
not sent hym, but as profeciende he hadde
spoke to me; and Thobias and Sanaballath
bi mede hadden hirid hym.
13 Forsothe
he hadde take pris, that aferd I
shulde don, and synnen; and thei my&yogh;te
han euel, that thei repreue to me.
14 Haue
mynde of me, Lord, for Tobias and Sanaballath,
after suche werkus of hem; but
and of Nadie, profete, and of othere profetus,
-- --
that fereden me.
15 Forsothe the wal
is fulfild the fiue and twentithe dai of
the sixte moneth, in two and fifti da&yogh;es.
16 It is do thanne, whan alle oure enemys
hadden herd, that alle the Jentilis that
weren in oure enuyroun dredden, and
fellen togidere with inne themself, and
knewen, that of the Lord was do this
werc.
17 But and in tho da&yogh;es manye epistolis
of the moste wrthi men of Jewis
weren sent to Tobie, and fro Tobie camen
to them.
18 Manye forsothe weren in Jude,
hauende his oth; for he was the sone in
lawe of Sechenye, sone of Jorel; and Johannan,
his sone, hadde taken the do&yogh;ter
of Mosollam, sone of Barachie.
19 But and
thei preseden hym befor me, and my
woordis thei tolden to hym; and Thobias
sente lettris, that he shulde fere me.
CAP. VII.
1 Aftir forsothe that the wal is maad
vp, and I sette the &yogh;ate leuys, and noumbride
the porteres, and the singeris, and
the Leuitis,
2 I comaundede to Aneny, my
brother, and to Ananye, prince of the
hous of Jerusalem; he forsothe as a sothfast
man, and dredende God more than
othere was seen;
3 and I seide to hem,
The &yogh;atis of Jerusalem be thei not opened
vnto the hete of the sunne; and whan &yogh;it
I stod nee&yogh;h, the &yogh;atis ben closid and
stoppid. And I sette keperis of the
dwelleris of Jerusalem, eche bi ther
whilis, and eche a&yogh;en his hous.
4 Forsothe
the cite was myche brod and gret, and
the puple litil in the middel of it, and
ther weren not housis bild.
5 God forsothe
&yogh;af in myn herte, and I gaderede
togidere the most wrshipeful men, and
-- --
the maister iugis, and the comun, that I
noumbre hem; and I fond the boc of the
noumbring of hem, that hadden ste&yogh;id
vp first. And it is founde writen in it,
These the sones of the prouince,
6 that
ste&yogh;eden vp fro the caitifte of transmigracioun,
the whiche Nabugodonosor, king
of Babiloine, hadde translatid; and thei
ben turned a&yogh;een in to Jerusalem and in
to Jude,
7 eche in to his cite, that camen
with Sorobabel; Josue, Neemias, Azarias,
Raamias, Naanum, Mardocheus, Bethsar,
Mesfarath, Beggai, Naum, Banaa. The
noumbre of the men of the puple of
Irael;
8 the sones of Faros, two thousend
and hundrid and two and seuenti;
9 the
sonus of Safaie, thre hundrid foure score
and two;
10 the sonus of Area, sixe hundrid
two and fifti;
11 the sonus of Faeth Moab,
of the sonus of Josue and of Joab, two
thousend ei&yogh;te hundrid and ei&yogh;tetene;
the sonus of Elam,
12 a thousend ei&yogh;te hundrid
and foure and fifti;
13 the sonus of
Zechua, ei&yogh;te hundrid and fiue and fourti;
the sonus of Zachai,
14 seuene hundrid and
sixty;
15 the sonus of Bennui, sixe hundrid
and ei&yogh;te and fourti;
16 the sonus of Ebai,
sixe hundrid `and ei&yogh;te and twenti;
17 the
sonus of Asgad, two thousend thre hundrid
and two and twenti;
18 the sonus of
Asonycham, sixe hundrid and seuene and
sixti;
19 the sonus of Bagoamy, two thousend
and seuene and sixti;
20 the sonus of
Adin, sixe hundrid and fiue and fifti;
the sonus of Aser,
21 sone of Ezechie, ei&yogh;te
and twenti;
22 the sonus of Asem, thre hundrid
and ei&yogh;te and twenti;
23 the sonus of
Bethsai, thre hundrid and foure and
twenti;
24 the sonus of Aref, an hundrid
and seuene and twenti;
25 the sonus of Salaon,
fiue and nynti;
26 the men of Bethlem
and of Nethufa, an hundrid foure
-- --
score and ei&yogh;te;
27 men of Anatot, an hundrid
and ei&yogh;te and twenti;
28 men of Bethsamoth,
two and fourti;
29 men of Cariathiarim,
Sefira, and Beroth, seuene hundrid
and thre and fourti;
30 men of Ramaa and
of Gabaa, sixe hundrid and oon and
twenti;
31 men of Machinas, two hundrid
and two and twenti;
32 men of Bethel and
of Hai, an hundrid and thre and twenti;
men of the tother Nebo,
33 two and fifti;
men of the tother Elam,
34 a thousend two
hundrid and foure and fifti;
35 the sonus
of Arem,
36 thre hundrid and twenti; the
sonus of Jericho, thre hundrid and fiue
and fourti;
37 the sonus of Joiadid and of
Anon, seuene hundrid and oon and
twenti;
38 the sonus of Senaa, thre thousend
nyne hundrid and thretti;
39 prestus,
the sonus of Joiada, in the hous of Josue,
nyne hundrid and foure and seuenti;
40 the
sonys of Emmer, a thousend and two and
fifti;
41 the sonus of Fassur, a thousend two
hundrid seuene and fourti;
42 the sones of
Arem, a thousend and seuentene; Leuitus,
sonus of Josue and of Gadimel,
43
44 sonus
of Odina, seuenti and foure; singeres,
sonus of Asaf,
45 an hundrid and seuene and
fourti;
46 porteres, sonus of Sellum, sonus of
Ather, sonus of Thelmon, sonus of Accub,
sonus of Accita, sonus of Sobai, an hundrid
and ei&yogh;te and thretti;
47 sodeknes,
sonus of Soa, sonus of Asfa, sonus of Thebaoth,
sonus of Cheros,
48 sonus of Sicca,
sonus of Fado, sonus of Lebana, sonus of
Agaba,
49 sonus of Selmon, sonus of Anon,
sonus of Jeddel,
50 sonys of Gair, sonus of
Raaia, sonus of Rasym, sonus of Nechoda,
sonus of Jesem,
51 sonus of Asa, sonus of
Fascha,
52 sonus of Besai, sonus of Minum,
sonus of Nefusym,
53 sonis of Bechue, sonus
of Acufa,
54 sonus of Assur, sonus of Belloth,
sonus of Meida,
55 sonus of Arsa, sonus of
Berchos, sonus of Cizara, sonus of Thema,
sonus of Nezia,
56
57 sonus of Athifa, sonus of
the seruauns of Salomon, sonus of Sothai,
-- --
sonus of Soforeth,
58 sonus of Ferida, sonus
of Jachala, sonus of Dalchon, sonns of
Jeddel,
59 sonus of Safacia, sonus of Atchil,
sonus of Focereth, that was born of
Abaim,
60 sone of Amon; alle the sodeknes,
and the sonus of the thrallis of Salamon,
thre hundrid and two and twenti.
61 These ben that ste&yogh;eden vp of Themelath,
Thelarsa, Cherub, Addo, and Emmer,
and thei my&yogh;ten not shewe the hous of
ther fadirs, and ther sed, whether of
Israel thei weren;
62 sonus of Dalaia, sonus
of Thobia, sonus of Nethoda, sixe hundrid
and two and fourti;
63 and of the
prestis, sonus of Abia, sonus of Achos,
sonus of Bersellai, that toc a wif of the
do&yogh;tris of Bersellai Galadite, and is clepid
bi the name of hem;
64 these so&yogh;ten the
scripture of ther genelogie, and founde
not, and ben cast out fro presthod.
65 And
Athersatha seide to them, that thei shulden
not eten of the holi thingus of halewis,
to the time that ther rijse a ta&yogh;t
and lerned prest.
66 Al the multitude as o
man, two and fourti thousend thre hundrid
and sixti,
67 with oute the seruauns
and the hand wymmen of hem, that
weren seuen thousend thre hundrid and
seuene and thretti; and among hem singeres
and singressis two hundrid and fiue
and fourti.
68 The hors of hem, seuene
hundrid and thre and thretti;
69 the camailis
of hem, foure hundrid and fiue and
thretti; the assis of hem, sixe thousend
seuene hundred and thretti; `the mulis of
hem, two hundrid and fiue and fourti.
70 Summe forsothe of the princis of the
meynes &yogh;euen expensis in to the werc of
God; Athersatha &yogh;af in to the tresorie,
of gold, dragmys a thousend, fifty violis,
prestus cotus fiue hundrid and thretti.
-- --
71 And of the princis of the meines ther
&yogh;euen in to the tresorie of the werk, of
gold, dragmis twenti thousend, and of
siluer, two thousend besauntus and two
hundrid.
72 And that that &yogh;af the tother
puple, of gold, dragmis twenti thousend,
and of siluer, besauntus two thousend, and
prestus cotus sixti and seuenn. Forsothe
the prestus, and Leuitus, and the porteris,
and singeris, and the tother comun, and
the sodekyns, and al Irael dwelten in
ther cites.
CAP. VIII.
1 And the seuenthe monethe of the feste
of tabernaclis was comen vnder Esdra
and Neemie; the sonus forsothe of Irael
weren in ther cites. And al the puple is
gedered as oo man, at the strete that is
befor the &yogh;ate of watris. And thei seiden
to Esdra, scribe, that he shulde bringe
forth the boc of the lawe of Moises, that
the Lord hadde comaundid to Irael.
2 Thanne Esdras, the prest, bro&yogh;te forth
the lawe, befor the multitude of men and
wymmen, and to alle that my&yogh;ten vnderstonde,
in the firste dai of the seuenthe
monyth.
3 And he radde in it apertli in
the strete that was befor the &yogh;ate of
watris, fro the morutid vnto the middai,
in the si&yogh;te of men and wymmen and of
wise men; and the eris of al the puple
weren ri&yogh;t to the boc.
4 Forsothe Esdras
scribe stod vpon a treene gree, the
whiche he hadde maad to speken in; and
ther stoden beside hym, Mathathias,
and Semma, and Anania, and Vria, and
Elchia, and Maasia, at his ri&yogh;t side; and
at his left, Fadaia, Misael, and Melchia,
Assum, and Asef, Dana, and Acharia,
-- --
and Mosollam.
5 And Esdras openede the
boc beforn al the puple; vp on al the
puple forsothe he stod ouer; and whan he
hadde opened it, al the puple stod.
6 And
Esdras blesside to the Lord God with a
gret vois; and al the puple answerde,
Amen, Amen, rerend vp ther hondus.
And thei ben ful bowid, and bowid in to
the erthe thei honoureden God.
7 But
Josue, and Baani, and Serebia, Jamyn,
Accub, Sefai, Odia, Maasia, Celitha,
Azarias, Josabeth, Anan, Fallaia, Leuitus,
maden silence in the puple to the
lawe to ben herd. The puple forsothe
stod in his gree.
8 And thei radden in the
boc of the lawe distinctli and apertli to
vnderstonde; and thei vnderstoden, whan
it schulde be rad.
9 Forsothe Neemias, he
is Athersata, seide, and Esdras, prest and
scribe, and the Leuitus, remenyng to al
the puple, A dai is halewid to the Lord
oure God; wileth not weilen, and wileth
not wepen. Forsothe al the puple wepte,
whan he herde the woordis of the lawe.
10 And he seide to them, Goth, and eteth
fatte thingis, and drinketh meth, and
sendeth for hem, that han not maad redi
to them self, for it is the holi dai of the
Lord; wileth not be dreri, forsothe the
io&yogh;e of the Lord is &yogh;oure strengthe.
11 Also
Leuitus maden silence in al the puple,
seiende, Holdeth &yogh;our pes, for it is halidai,
and wileth not sorewen.
12 And so al
the puple wente to ete, and drinken, and
to sende partis, and to make gret gladnesse;
for thei vnderstoden the woordis,
that he hadde ta&yogh;t hem.
13 In the secunde
dai ben gedered the princis of meynes,
and al the puple, prestus, and Leuitus, to
Esdra, scribe, that he remene to them the
-- --
woordis of the lawe.
14 And thei founde
writen in the lawe, the Lord to han comaundid
in the hond of Moises, that the
sonus of Irael dwelle in tabernaclis in the
solempne dai, the seuenthe moneth;
15 and
that thei prechen, and pupplishen vois
in alle ther cites, and in Jerusalem;
seiende, Goth out in to the hil, and bringeth
braunchis of oliues, and braunchis of
the most fair tree, and the braunchis of
myrt tree, and bowis of palmys, and
braunchis of a wodi tree, that ther be
made tabernaclis, as it is write.
16 And
al the puple wente out, and bro&yogh;ten, and
maden tabernaclis to them, eche in his
hous, and in ther porchis, and in the porchis
of the hous of God, and in the strete
of the &yogh;ate of watris, and in the strete of
the &yogh;ate of Effraym.
17 Thanne al the
chirche of hem, that ben turned a&yogh;een fro
the caitifte, made tabernaclis, and thei
dwelten in tabernaclis. Forsothe the
sonus of Irael hadden nott maad suche
thingis fro the dai of Josue, sone of Nun,
vnto that dai; and ther was a gret
gladnesse ri&yogh;t miche.
18 Forsothe he
radde in the boc of the lawe bi eche
da&yogh;es, fro the firste dai vn to the laste
dai; and thei maden solempnete seuene
da&yogh;es, and in the ei&yogh;the a colect, after
the custum.
|
