Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXXIV.
1 Of ei&yogh;t &yogh;eer was Jozias, whanne he
hadde begunne to regnen, and oon and
thritty &yogh;eer he regnede in Jerusalem.
2 And he dide that was ri&yogh;t in the si&yogh;t of
the Lord; and he wente in the weies of
-- --
Dauid, his fadir, and he bowede not to
the ri&yogh;t ne to the left.
3 The ei&yogh;the &yogh;eer
forsothe of his empyre, whanne &yogh;it he was
a child, he beganne to sechen the God of
his fadir Dauid; and the twelfthe &yogh;eer
aftir that he hadde begunnen, he clensede
Judeam and Jerusalem fro hee&yogh;e
thingus, and mawmete wodis, and symulacres,
and grauen thingus.
4 And thei
distruy&yogh;eden before hym the auters of
Baalym, and the symulacres that weren
sett vpon; thei waastiden also the mawmete
wodis. And grauen thingus he
hew&yogh; doun, and mynuscht; and vpon the
toumbis of hem, that weren wount to
offren, he scaterede the releuys.
5 Forthermore
the boones of prestis he brende
in the auters of mawmetis, and he clensed
Judam and Jerusalem.
6 Bot and in the
citees of Manasse, and of Effraym, and
of Semeon, vnto Neptalym, alle thingus
he turnede vpsadoun.
7 And whanne the
auters he hadde `to-scaterede, and the
mawmete wodus and grauen thingus he
hadde to-bray&yogh;ide in to gobetis, and al
the wasching templis he hadde waastide
fro al the lond of Irael, he is turnede
a&yogh;ein in to Jerusalem.
8 Thanne the
ei&yogh;tenthe &yogh;eer of his regne, the lond now
clensede and the temple of the Lord, he
sente Saphan, the sone of Elchie, and
Maazian, prince of the cytee, and Joa,
the sone of Joachas, chauncelere, that
thei schulden enstore the hous of the
Lord their God.
9 The whiche camyn to
Elchyam, the grete preste; and monee
taken of hym, that was brou&yogh;t into the
hous of the Lord, and that gadereden
Leuytis and porters, of Manasse, and of
Effraym, and of alle the tother of Irael,
-- --
also of al Juda and Beniamyn, and the
dwellers of Jerusalem,
10 thei token in the
hondis of hem that stoden vpon to the
werkmen in the hous of the Lord, that
thei enstoren the temple, and eche feble
thingus thei bocchyn.
11 And thei &yogh;euen it
to the craftise men, and to masouns, that
thei schulden bien hewen stones of the
quarers, and trees to the iunctours of the
bildynge, and to the ioynynge of the
houses, that the kingus of Irael hadden
distruyede.
12 The whiche feithfully alle
thingus diden. Forsothe prouostis of the
werkmen weren Jabath, and Abdias, of
the sonus of Merery; Zacharias, and Mosollam,
of the sonis of Caath; that streyneden
the werk; alle Leuytis, cunnynge in
orgnys to syngyn.
13 Vpon hem forsothe
that to dyuerse vses beeren birthens weren
scribis, and maisters, the porters of the
Leuytis.
14 And whanne thei schulden offeren
the monee, that was brou&yogh;t in to
the temple of the Lord, Elchias, the
preste, fonde a boke of the lawe of the
Lord by the hond of Moisy;
15 and seith
to Saphan, scribe, The boke of the lawe
I haue founden in the hous of the Lord.
16 And he toke to hym, and he brou&yogh;t in
the volume to the kyng; and tolde to
hym, seyinge, Alle thingus that thou hast
&yogh;euen in to the hondis of thi seruauntis,
loo! thei ben fulfild.
17 The syluer that is
founden in the hous of the Lord thei
han &yogh;otyn; and it is &yogh;euen to the prefectis
of craftise men, and forgynge dyuerse
werkis;
18 forthermore Elchias, the preste,
toke to me this boke. The whiche whanne
the kyng present,
19 he hadde reherside, and
he hadde herd the wordis of the lawe, he
kutte his clothes;
20 and he comaundide to
Elchie, and to Aichan, the sone of Saphan,
and to Abdon, the sone of Micha,
also to Saphan, scribe, and to Asie, the
seruaunt of the kyng,
21 seyinge, Goth, and
-- --
preyeth the Lord for me, and for the
remnaunt of Irael and of Juda, vpon alle
the wordis of this boke, that is founden.
Forsothe grete woodnesse of the Lord
droppide vpon us, forthi that oure fadirs
han not kept the wordis of the Lord,
that thei schulden don alle thingus that
ben writen in this volume.
22 Thanne wente
Elchias, and thes that to gider of the
kyng weren sent, to Oldam, prophetisse,
wijf of Sellum, sone of Thecuath, sone of
Azia, keper of the clothes, `the whiche
dwellide in Jerusalem in `the secounde
wallynge, and thei speekyn to hyr the
wordis, that we han aboue told.
23 And
sche answerde to hem, Thes thingus seith
the Lord God of Irael, Seith to the man,
that sente &yogh;ou to me,
24 Thes thingus seith
the Lord, Loo! I schal bryngyn in euyls
vpon this place, and vpon the dwellers of
it, and alle the cursingus that ben writen
in this boke, that thei radden beforn the
kyng of Juda.
25 For thei forsoken me,
and sacrifieden to alien goddis, that me
to wrath thei schulden terren in alle the
werkis of their hondus; and therfor my
woodnesse schal droppen vpon this place,
and it schal not ben queynt.
26 To the kyng
forsothe of Juda, that sente &yogh;ou for the
Lord to ben preyede, thus spekith, Thes
thingus seith the Lord God of Irael,
For thou hast herd the word of this
volume,
27 and thin hert is tempered, and
thou ert meekid in the si&yogh;t of the Lord
vpon thes thingus that ben seid a&yogh;ein
this place and the dwellers of Jerusalem,
and thou dreedist reuerently my face,
and cuttist thi clothes, and weptist before
me; I forsothe haue herd thee, seith the
Lord.
28 Nowe forsothe I schal gedre thee
to thi faders, and thou schalt be brout in
to thi sepulcre in pese; and thin ee&yogh;en
-- --
schul not seen al the euyl, that I am to
bryngyn in vpon this place, and vpon the
dwellers of it. And so thei tolden to the
kyng alle thingus, that sche hadde seyde.
29 And he, clepide to gidre alle the more
thoru&yogh; birthe of Juda and of Jerusalem,
stei&yogh;ede up in to the hous of the Lord,
30
and also togydre alle the men of Juda,
and the dwellers of Jerusalem, prestis,
and Leuytis, and al the puple, fro the
leste vnto the moste; the whiche heeryng
in the hous of the Lord, the kyng radde
alle the wordis of the volume;
31 and stondyng
in his chayere smote pese couenaunt
before the Lord, that he schulde gon aftir
hym, and keepyn the heestis, and witnessyngus,
and justifiyngus, in al his herte and
in al his soule; and he schulde done that
ben writen in that volume, that he hadde
radde.
32 Also he adiurede vpon this alle,
that ben founden in Jerusalem and Beniamyn;
and the dwellers of Jerusalem
diden after the couenaunt of the Lord
God of their fadirs.
33 Thanne Jozias dide
aweye alle the abomynaciouns of alle the
regyouns of the sonus of Irael; and maad
alle, that weren laft in Jerusalem, to seruen
to the Lord their God; alle the dais of
his lijf thei wenten not awey fro the
Lord God of their fadirs.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|